Strasbourg, AD Bas-Rhin, G 7 n° 1

<< < / > >>

Numéro4745

Fiabilité de l'actenon suspecté

Genrediplôme

Date09/03/837(fiabilité :texte)

LieuAix-la-Chapelle(lat :Aquisgrani palatio regio)

DiocèseStrasbourg

RégionAlsace

Supportparchemin

Chirographienon

Sceau non déterminable

Etat de la traditioncopie

Hauteur à gauche313   mm

Hauteur à droite314   mm

Largeur en haut414   mm

Largeur en bas413   mm

AuteurEmpereur Louis le Pieux

BénéficiaireAbbaye  de  HOHENBOURG

Regeste

Louis le Pieux, empereur, confirme l'immunité de l'abbaye de Hohenbourg.

Texte

l.1 In nomine Domini et salvatoris nostri Jhesu Christi, Ludewicus, divina repropiciante clemencia imperator augus-
l.2-tus. Cum locis Deo dicatis in quibuscumque indiguerint consulere satagimus, ejus gratiam cujus amore id nosci-
l.3-mur efficere, habundancius promereri confidimus. Idcirco notum fieri volumus omnium fidelium sancte Dei ecclesiȩ, nos-
l.4-trorumque tam presentium quam et futurorum industriȩ, quia dilectissima conjux nostra Judith semper augusta, offeri fe-
l.5-cit obtutibus majestatis nostrȩ quandam auctoritatis preceptionem, quam domnus et genitor noster Karolus
l.6 piissimus imperator, erga monasterium cujus vocabulum est Hohenburc, quod in honore genitricis domini nostri Jhesu
l.7 Christi et beati Petri principis apostolorum constat esse dedicatum, tuicionis inmunitatisque gratia fieri jusserat,
l.8 petivitque ut eam amore consueto renovari, prescriptoque monasterio tribui juberemus. Ejus quoque peticio-
l.9-nem libentissime adimplentes, hoc nostrȩ auctoritatis et inmutitatis preceptum fieri jussimus, per quod decer-
l.10-nimus atque sanctimus, ut memoratum monasterium cum omnibus ad se pertinentibus vel aspicientibus, in nostra defensio-
l.11-ne atque inmunitatis tuicione consistat, nullusque judex publicus, nec quislibet ex judiciaria potestate,
l.12 aut etiam alia major minorve persona, in ecclesias, aut loca, vel agros, seu reliquas possessiones, quas mo-
l.13-derno tempore in quibuslibet pagis vel territoriis in tradicionem imperii nostri juste et legaliter possi-
l.14-det, vel ea que deinceps jure ipsius voluerit divina pietas augeri, ad causas judiciario more audiendas,
l.15 vel discutiendas, vel paratas faciendas, aut fideijussores tollendos, aut homines ipsius tam ingenuos
l.16 quam et servos super terram ipsius commanentes injuste distringendos, vel freda exigenda, nec ullas
l.17 redibitiones, aut illicitas occasiones requirendas, nostris nec futuris temporibus ingredi audeat,
l.18 nec ea que supramemorata sunt penitus exigere presumat. Sed remota tocius judiciariȩ potestatis
l.19 atque pravorum hominum inquietudine, idem monasterium cum omnibus rebus et mancipiis ad se perti-
l.20-nentibus, sicut dictum est, sub nostra imperiali protectione et inmunitatis defensione, semper quietum
l.21 consistat. Quicquid autem de eisdem rebus jus fisci exigere poterat, totum nos in nostra elemosi-
l.22-na eidem concessimus monasterio, sicut domnum et genitorem nostrum fecisse constat, ad uti-
l.23-litatem et profectum ipsius peragendum, quatenus ancillas Dei inibi Deo famulantes, pro nobis eademque con-
l.24-juge nostra ac prole, tociusque imperii divinitus nobis collati stabilitate et pace, Dei inmensam clemen-
l.25-tiam jugiter exorare delectet. Et ut hec nostra auctoritas inviolabilem et inconvulsam obtineat fir-
l.26-mitatem, manu propria subter eam firmavimus, et anuli nostri impressione assignari jussimus.
l.27 Data VII idus marcii, anno Christo propicio XXoIIIIo imperii domini Ludewici piissimi augusti, indictio-
l.28-ne XVa. Actum Aquisgrani palatio regio. In Dei nomine, feliciter. Amen.

Bibliographie

SCHÖPFLIN (D.), Alsatia aevi Merovingici Carolingici Saxonici Salici Suevici diplomatica, 2 vol., Mannheim, 1772, t. 1, p. 78, n° 97.

BRUCKNER (Albert), Regesta Alsatiae aevi merovingici et karolini, 496-918, t. 1 : Quellenband, Strasbourg-Zurich, 1949, p. 317, n° 503.

Chartes originales du Bas-Rhin in Cahiers du CRAL, n° 35, p. 26-27.

Responsable

M.J. Gasse

Comment citer cette notice

Acte n°4745 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°4745»[En ligne] http://www.cn-telma.fr/originaux/charte4745/. Date de mise à jour : 29/03/12.