Notice de la donation faite par les religieux de Saint-Pierre de Chemillé, sous le prieur Gualo, à Dominique Carpentarius de dix sous pour l'empêcher de vendre ou hypothéquer le moulin dont il avait fait vingt ans auparavant donation auxdits religieux pour n'en jouir qu'après sa mort et celle de sa femme Raintrude.

l.1 Notum fieri volumus universis successoribus nostris quod Dominicus, carpentarius, habe-
l.2-bat quendam molendinum super rivulum Chilziaci, quem assensu atque consilio Rain-
l.3-trudis uxoris suȩ dedit Beato Petro Chimiliacensi loco tam pro sua quam pro ejusdem pro-
l.4-priȩ uxoris anima. Eo tamen tenore, ut eum in vita sua possiderent, post obitum
l.5 vero cujuslibet eorum, medietas molendini statim in Beati Petri deveniret dominium.
l.6 Cumque moreretur alter, medietas etiam ipsius continuo subsequeretur et reliquam.
l.7 Hȩc quidem fuit donatio prior, atque convenientia. Transactis vero postmodum XXti
l.8 circiter annorum curriculis, memoratus homo propter aliquantulum necessitatis,
l.9 eundem molendinum vendere voluit. Quod monachi qui tunc aderant audientes, Gualo
l.10 videlicet prior cellȩ cȩterique fratres, hujusmodi venditionem calumniati sunt.
l.11 Sed compatientes hominis necessitati, concorditer invenerunt quemadmodum et ipsius
l.12 angustiȩ subvenirent, et ȩcclesia donum quod sibi devote factum fuerat non amitteret.
l.13 Decem namque ei solidos sicut ipse postulavit usque ad unum commodaverunt annum
l.14 ea videlicet racione, ut supradictum molendinum ultra nec vendere, nec dare,
l.15 nec oppignerare posset. Quibus gratulanter acceptis, et hanc conventionem annu-
l.16-endo confirmavit, et donationem pristinam confirmando renovavit, mittens
l.17 ipse et uxor ejus jamdicta Raintrudis donum super altare sancti Petri. Hujus autem
l.18 rei testes existunt Martinus, Albertus, Teodericus, Rainaldus pistor, Arnulfus
l.19 et Petrus frater ejus, Gunherius, Herveus corvisarius, Bernardus, Giraldus pistor, Radul-
l.20-fus faber, Ernaldus.