Notice de la renonciation de Renaud Carbonellus lors de son départ pour la croisade, du temps du prieur Hilgod, à une bordée de terre sise à Usseia jadis vendue au prieuré de Saint-Pierre de Chemillé par Humbert Charbonel et confirmation par Gautier, fils de Lambert, seigneur de ladite terre.

l.1 Noverint omnes posteri nostri quod Umbertus, cognomine Carbo-
l.2-nellus, vendidit nobis unam borderiam terrȩ apud Husseiam
l.3 sitam, quam post discessionem ejus calumniatus est nobis Rainaldus
l.4 Carbonellus tamdiu quousque illud tempus advenit quo plurimi
l.5 homines ad locum sanctum Hierusalem causa videlicet pugnanandi
l.6 cum gente crudelissima paganorum perrexerunt, inter quos et ipse
l.7 Rainaldus qui nobis calumniam inferebat illius supradictȩ terrȩ
l.8 perrexit. Sed antequam perrexisset, parentibus atque vicinis suis dixit:
l.9 Nisi dimitto calumniam quam monachis Sancti Petri feci, via illa de
l.10 Jerusalem parum mihi proficiet. Qua de causa ad monasterium Sancti Petri
l.11 advenit, calumniam dimisit, donumque terrȩ illius fecit, atque manu
l.12 sua super altare beati Petri posuit, deinde beneficium nostrȩ societatis
l.13 suscepit. Postea vero domnus Hilgodus qui tunc tempore illo cellȩ istius prior
l.14 erat, dedit illi decem solidos nummorum. Domino vero illius nomine Gaulterius filius
l.15 Lamberti in cujus feudo terra supradicta erat ut ipse benigne auctoriza-
l.16-ret, tribuit IIIIor solidos nummorum. Quod et ipse libenter auctorizavit.
l.17 Anno ab incarnatione Domini millesimo nonagesimo VIto fuit hoc donum
l.18 factum in die festivitatis sanctȩ Mariȩ mense augusti. Hoc viderunt et
l.19 [a]udierunt testes isti, Gaufredus, presbiter, cognomine Brito, Rainaldus
l.20 filius Detberti, Paganus famulus monachorum, Lambertus quoquus
l.21 atque alii quam plurimi.

1