Armannus de Mora restitue à l'abbaye de Moissac un four.

l.1 Sciendum est quod Armannus de Mora sponte et sine vi reddidit Deo et beato Petro et domno abbati R.
l.2 et omnibus senioribus ac reddendo dimisit furnum quem fevaliter ab eis tenebat ut numquam amplius quicquam
l.3 in eo fevaliter requireret, et domnus abbas et seniores convenerunt se reddituros ipsi Armanno nongentos solidos
l.4 Caturcensis monetȩ, vel si interim moneta mutaretur, pro quadraginta solidis argenti marcam, pro his denariis
l.5 vel argento misit predictus abbas et seniores eundem furnum in pignore sine omni retentu predicto Armanno
l.6 et omni ordinio suo donec eos fideliter reddant. Interim non faciet furnum domnus abbas vel aliquis per eum in tota
l.7 villa Mysiacensi. Condonavit ei domnus abbas et seniores quicquid forifecerat eis in omnibus, et ipse eis preter debita.
l.8 Hoc factum est consilio et voluntate Willelmi prioris et Siguini sacristȩ, Willelmi cellararii, Willelmi prioris
l.9 Tolosȩ, Oddonis quoquinarum et aliorum multorum. S. Raimundi del Poget, Bernardi Raimundi baptizati, Arnaldi
l.10 Guillelmi de Claustro, Arnaldi Manenti, Petri Vitalis, Peregrini, Willelmi de Cartillo, Brunonis Daide et aliorum
l.11 multorum. Grimaldus scripsit.