Raimond Bernard de Gandalou donne la terre de Granoliac à Saint-Pierre de Moissac après la lui avoir engagée pour 200 sous, sauf le fief d'Hugues Meisones, et reçoit pour cela un mulet de cent sous, une paire de boeufs de 28 sous, un denier et 16 sous des mains d'Arnaud Guilhem obédiencier de Gandalou.

l.1 Vere sciant omnes homines quod ego Raimundus Bernardus de Guandalor dono, immo etiam vendo Deo omnipotenti et sancto Petro et Paulo et domno Ansquitilio abbati
l.2 atque monachis monasterii Moysiachi tam nunc ibi presentibus quam in ȩternum futuris terram illam de Granoliaco et quicquid in ea habeo, excepto feodo Hugonis
l.3 de Meisones et filiorum suorum, totam integram sicut tenet atque heret terrȩ Geraldi de Sancta Maria usque ad fontem Cerviolum et ascendit
l.4 per medium locum naudȩ usque ad Estradam veterem que vadit recte ad Tolosam et sicut partitur cum Tilloleto et sicut dividit eam nauda cum terra comtali de altera parte.
l.5 Accipio enim propter hanc terram unum mulum per centum solidos et unum par boum per XXti et VIIIto solidos et unum denarium et sedecim solidos ab Arnaldo Wuillelmo,
l.6 obedentiario de Guandalor. Donum hujus terrȩ sic emptum fuit factum apud Moysiacum, super altare sanctorum apostolorum Petri et Pauli, ab Incarnatione Domini
l.7 anno MoCoVIIIIo, in presencia talium hominum, scilicet Begonis, prioris Moysiacensis, et Helie, sacristȩ. Hoc donum fecit et conlaudavit in eadem hora, similiter cum supra-
l.8-dicto Raimundo Bernardo de Guandalor, etiam alius Raimundus Bernardus de Argoual et Bernardus Gualterius, frater suus; non tunc simul cum ipsis sed post paucos
l.9 dies rogati ab ipso Raimundo Bernardo de Guandalor.
l.10 Signum Jordani monachi. Signum Raimundi de Petra Bruna, monachi. Signum Willelmi de Vilanova, monachi. Signum Raimundi Willelmi vicario. Signum Duran de Lamora.

A partir de la l. 11, le texte se poursuit au verso de l'acte par