Guillaume, duc de Normandie et roi d'Angleterre, confirme l'abbaye de Jumièges dans la possession de tous ses biens, qui sont énumérés. Suivent une dizaine d'autres donations.

l.1 DIVINA propitiante clementia, ego Wilelmus, Anglorum rex et Normannorum dux, omnibus Christi fidelibus toto orbe terrarum longe lateque diffusis, quibus patriȩ cȩlestis amor incumbit, religionis ac misericordiȩ studia mente [tractare] opere perficere condecens est ut ipsis operibus piis veritas
l.2 patescat amoris; nec differt occasio, cum ipsa nos a se amoveat seculi ambitio, ita suis jam se ammonens ruinis respui, ut quondam blandimentis et quadam felicitate cogebat amplecti, in quo nichil quisque prudens illi [imprope]rat, quia ut ipsa rerum nos insinuat natura omnia
l.3 fert ȩtas. Non ergo utile videri potest his quos certa manet spes post hȩc mortalia consequi posse ȩterna, et post hos caducos labores requiem adipisci sine fine manentem mundo senescenti quem sua jam pene debilis curv[at ȩ]tas incumbere, et ei cujuslibet fervoris amore adherere
l.4 cui nec sua fidem curant servare. Hȩc ego Wilelmus, secundus nominis mei, Normannorum dux, considerans, studui erga divina cultus obsequia quorum merces semper manet, prout michi desuper datum est, quosdam meos expendere [l]abores quorum mihi fructus maneret, cum sȩcularia penitus deficerent,
l.5 majorum meorum usus exemplo quorum me Dei gratia heredem constituit, quibus curȩ fuit loca divinis obsequiis mancipanda, vel instaurata meliorare vel penitus collapsa restaurare. Quorum pios prosecutus labores ut ejus particeps, [qu]am pro his adepti sunt, merear fieri gloriae, summa diligentia
l.6 curam adhibui vel perficere quod illi, morte superveniente, imperfecta reliquere, vel augere quibuslibet beneficiis quȩ pleno perfecerunt opere. Ex qua devotione, huic monasterio in honore et veneratione sanctȩ Dei genitricis Mariȩ beatique Petri apostolorum principis dicato, quod Gemmetum antiquorum
l.7 appellavit prerogativa, quondam perversorum bachante gladio ad solum usque diruto, sed atavi mei Wilelmi nomine summa diligentia ad plenum restaurato, concedo pro animȩ meȩ et ipsius genitoris quoque vel genitricis necnon et conjugis meȩ Matthildis filiique mei Rotberti mihi in ducatu
l.8 succedentis et universae prolis mihi a Deo concesse, ad supplementum victus servorum ipsi in eo servientium, subnotata prȩdia et possessiones sive decimas, prȩscriptis his quȩ quondam ipsius loci juris fuerant, sed post loci devastationem quorumdam malignorum usibus et dominationi cesserant, ipsius vero piissimi restauratoris
l.9 studio et diligentia in usus servorum Dei fuerunt restituta, id est Gemmeticum, et quicquid ibi pertinere videtur cum pratis, vineis, silvis, aquis aquarumve decursibus et piscariis, a loco qui dicitur Belinguetuith usque ad Josephsartum in parte ea qua situm est monasterium, ultra vero usque ad Vuitvillam.
l.10 Restituit quoque Euuenvillam et masnile quod dicitur Tractus, et Davidvillam, et Durclerum cum omnibus appenditiis suis et molendinis et ipso aquȩ decursu et piscariis ad integrum, et terra ex integro usque ad villam quȩ dicitur Sancti Martini, et ex ipsa eadem villa tertiam partem de omnibus terris
l.11 videlicet et ȩcclesia; item molendinum unum in fluvio qui dicitur Caldebehc, Nutrivillam super Sequanȩ fluvium cum omnibus appenditiis suis, portum in fluvio Sequanȩ qui dicitur Tutus, burgum quoque qui dicitur Cheliboi et Vuamburgum, cum ȩcclesiis et portu et teloneo, et quicquid ex his ad fiscum
l.12 nostrum pertinere potest. Restituit quoque villam quȩ dicitur Goiacus, consensu et voluntate Hardradi qui eam eatenus possederat, et Vualsiardum cum ȩcclesia, et omnibus appenditiis eorum, ex quibus tempore avi mei Richardi donavit per illius consensum Rodbertus archiepiscopus, frater ejus, omnes consue-
l.13-tudines quȩ ad comitatum pertinent, quas ipse ex nostro jure possidebat. Hȩc sunt quȩ atavus meus Wilelmus ipsi loco restituit, et demum vitam finivit. Cui successit proavus meus Richardus, heres factus honoris et beneficii, qui ad hȩc addidit, ad supplementum servorum Dei, medietatem de Har-
l.14-telvilla, consentiens monachis ut aliam meditatem emerent de quodam fideli suo nomine Gelfrido. Dedit quoque ejus consensu quidam Bernardus in villa quȩ dicitur Anisey hospicia octo, et in villa quȩ dicitur Gisiniacus hospitia vinginti, et inter utrasque terram arabilem, quantum sufficit
l.15 duabus carrucis. Dedit quoque ecclesiam de Gisiniaco quidam presbiter nomine Manno. Dedit quoque Vimonasterium Osmundus Gelth et omnes qui cum illo partem habebant, cum appenditiis suis omnibus, pratis, aquis, molendinis et piscariis et silva quȩ est in altera parte fluminis
l.16 ab ipso loco usque ad divisionem silvȩ sancti Petri Lisoyȩ urbis. Dedit et Walterius medietatem villȩ quȩ dicitur Cruptas, et alterius medietatis tertiam partem, et ȩcclesiȩ medietatem, et quartam partem de masnile quod dicitur Rainuardi videlicet in ȩcclesia et in terris et pratis et silvis.
l.17 Dedit quoque silvam ex integro quȩ est inter Vimonasterium et Cruptas, usque ad pontem secus viam qua itur ad Montem Sancti Michaelis. Dederunt etiam Euvradus, Albuinus et Theothmarus Oisiacum villam, et Vadum Fulmerii, eam videlicet partem quam habebant in utrisque
l.18 in pratis et silvis, aquis, molendinis et piscariis; et Hugonis partem emerunt ipsi monachi. Dedit quoque prȩdictus Albuinus in villa quȩ dicitur Condeth terram arabilem quantum sufficit ad unam carrucam. Dedit quoque Lantbertus villam quȩ dicitur Balbericus cum ȩcclesia, eam vide-
l.19-licet partem quam habebat in utroque. Dederunt etiam Ermenoldus et Fredericus quartem partem de Vuadecervilla et de ecclesia ejus. Hȩc consensu et asstipulatione proavi mei supranominato loco data sunt, sed minime propriis cartulis descripta. Qui senio deficiens
l.20 exuit hominem, avum meum Richardum nominis et honoris relinquens heredem, qui, pro animȩ suȩ remedio locum amplians, ad supplementum victus servorum Dei eidem loco concessit hȩc, scilicet Pontem Archas, et ȩcclesiam et teloneum cum molendinis tribus et piscariis
l.21 omnium sub ipso Ponte molendinorum, et duas acres prati, et molendinum unum ad ȩcclesiam pertinentem; item ȩcclesiam villȩ quȩ dicitur Asdans cum tribus hospiciis. In Longavilla, dedit Haltilt et quicquid ad hoc pertinet de vineis, pratis, terris cultis et incultis, silvis, aquis, et de piscariis quartam
l.22 noctem in ingeniis quorumcumque, quȩ commutuavit pro villa in pago Pictavensi sita quȩ dicitur Tortiniacus cum suis appendiciis. Item in eadem villa ȩcclesiam quȩ est in honore sancti Petri, quam emit ejus consensu ipsius loci abbas nomine Theodoricus centum quadraginta libras denariorum, et in duabus ȩcclesiis
l.23 ejusdem villȩ, una in honore sancti Marcelli, et altera sancti Justi, tertiam partem omnium decimarum. Concessit etiam ȩcclesiam de Torvilla et totam terram ad eam pertinentem, sicuti Ansgerius presbiter tenuit, et capellam de villa quȩ dicitur Goiacus et decimas villȩ quȩ dicitur Altaria, et ejus quȩ dicitur Gruciacus,
l.24 decimas quoque sagenarum et volantium retium, a Ponte Archas usque ad pontem civitatis, et a ponte civitatis usque ad locum qui dicitur Stindrap quicquid ex ipsis sagenis et retibus ad nostram pertinet consuetudinem, et decimas de fossatis nostris; item in civitate Rotomago mansum unum pertinentem ad Turrem
l.25 Aluvredi, et ȩcclesiam in honore sancti Andreȩ cum terra ad eam pertinente, et in suburbio hospitia tria. Concessit et terram Drogonis, fidelis sui, ex integro donante ipso paternum alodum cum omni integritate. Dedit et ȩcclesiam de quadam sede nostra quȩ appellatur Manere, et decimas telo-
l.26-nei et vicecomitatus de civitate Baiocas, et molendinum unum in villa quȩ dicitur Thuas. Dedit etiam quatuor salinas ad Hunefleht, et comparationem vini in Brochvilla et in his quȩ ad eam pertinent, et in Duno hospitium unum, et in Vado Fulmerii unum alodarium, et omnes consuetudines
l.27 quas ex jure comitatus in omnibus terris ipsius loci tenebat. Hȩc omnia pro amore patriȩ cȩlestis ad usus servorum Dei concessit, annuentibus filiis suis Richardo atque Rodberto, ut haberent, tenerent et possiderent absque ulla inquietudine cujuslibet secularis vel judiciariȩ potestatis, sicut
l.28 res ad fiscum dominicum pertinentes. His subscribere placuit ea que fideles sui vel de suis beneficiis quȩ nostri sunt juris vel de paternis hereditatibus contulerunt, id est aream unam molendini quam dedit Rodulfus comes in villa Goiaco, et decem acres prati quas dedit Hugo episcopus in
l.29 Vuatevilla supra Sequanam, et octo hospitia quȩ dedit Odo constabularius in marisco Divȩ, et partem quam habebat in ȩcclesia villȩ quȩ dicitur Santȩ Mariȩ, et sexaginta ambras salis, et duos tractus piscatorios, et in marisco Curtehulim unam acrem prati, et quartam partem de Blachrevilla
l.30 quam dedit Tetbertus. Concessit et ipse dux videlicet Richardus molendinum unum in villa quȩ dicitur Lilibona, in bucca vivarii nostri, et Turolvillam cum omnibus appenditiis suis, et ȩcclesia et silva quȩ est a portu qui dicitur Tutus usque ad vallem de Furnevilla; item Esnutrivillam cum ȩcclesia et
l.31 teloneum Vimonasterio et nundinas singulis annis. Dedit et quȩdam fȩmina Christiana nomine, de villa quȩ Luzerna dicitur eam partem quam tenebat, et ȩcclesiam et molendinum unum cum integritate. Dedit et Turgotus eam partem quam habebat in Fridivilla, et Raherius eam
l.32 partem quam tenebat in Baltretot, et Ursio vicecomes hospitium unum in Clavilla et Alvualdus id quod tenebat in Dalbodo, Stostringus quoque ad Pontem Haltou duas partes ex his quȩ ibi possidebat, id est de ȩcclesia, de terris, de pratis, et molendinum unum, et insulas
l.33 duas cum integritate, firmata ea conventione ut non liceat ei ex ipso beneficio vel vendere vel commutare alicui nisi ipsis servis Dei, pro quo et ipse dux donavit omnes consuetudines quȩ ex ipsa terra pertinebant ad nos. Hȩc omnia quasi a se data asscripsit et confirmavit Richardus dux
l.34 qui, generali Normannorum conventu apud Fiscannum sub millesimo vicesimo septimo ab incarnatione Domini anno coacto, cuncta tam predecessorum suorum pretitulata, quam sua beneficia huic loco irrogata, scripto inviolabili et inconvulsa auctoritate firmavit, eisdemque filiis suis Richar-
l.35-do atque Rotberto, meo videlicet patri, roboranda tradidit. Qui paulisper supervivens, obiit mortem. Cui in ducatu pater meus Rodbertus successit, qui pro animae suȩ amminiculo in Caltivo territorio quandam villam nomine Wivelvillam cum omnibus appenditiis suis, eidem loco tradidit, et non lon-
l.36-go post Jȩrosolimam petens, in repatriando peregrinus e seculo excessit apud Nicenam urbem, me, filium suum, in ducatu reliquens heredem. Horum itaque predecessorum meorum dona et beneficia ideo huic meȩ cessioni inserui, ne aliquis temerarius invasor ea infringere audeat, mea regali aucto-
l.37-ritate sanccita. Quorum denique prerogativis hic et in futuro digna memoria imitandis, ego Wilelmus, ejusdem ducis Rodberti filius, ex Normannorum duce magnificentissima Christi largiente clementia Anglorum rex, subnectere ea curavi ex quibus locum ampliavi, fidelesque nostri ex propriis here-
l.38-ditatibus eundem augmentaverunt pro amore cuncta creantis Dei. Concedo ergo in usus monachorum teloneum de Ponte Haltou, de suis scilicet hominibus, ubicunque in tota Briocensi leuca illud exercuerint. Roddo quoque duo molendina in eadem villa quȩ ausu nefario injuste sibi vindicaverat
l.39 Helgodus clericus, Herluini filius. Restituo quoque apud Vimonasterium silvam quȩ Crispus Fagidus vocatur cum Nido Vulturis et Valle Albucȩ, quȩ omnia Rogerius de Montegomeri violenter invaserat. Emerunt autem monachi, me annuente, a Vualterio vicecomite et Alvredo, agnomento
l.40 Gigante atque Vuimundo ea quȩ in Cruptis videbantur habere. Concedo itaque in Caltivo medietatem de Trubivilla quam hereditariam in omnibus tenuit Wimundus, cum medietate ȩcclesiȩ, molendino uno. Do etiam tertiam partem de Maltevilla tam in ȩcclesia quam in terris cultis et in-
l.41-cultis atque silvis, et duo hospitia in Hardenvilla et ut verius intelligatur quȩcunque in Caltivo Theodoricus jure hereditario possedit. Item dono omnem decimam de Barnevilla tam porcorum quam apium, et cȩterarum rerum, ex quibus decima dari potest, cum ȩcclesia. Contulerunt ergo Hugo, Baio-
l.42-cassinȩ urbis presul et Vuilelmus Archacensis comes, meo consensu, quamdam partem silvȩ quȩ Brotona dicitur, supra Sequanȩ fluvium, cujus initium incipit a via quȩ descendit super domum Bernardi, quem dicunt de la Vacheria, et inde ducitur per verticem montis usque ad campos quos vulgo Huyas vocant,
l.43 pro qua ab abbate loci Rotberto et monachis sexaginta libras denariorum acceperunt. Item isdem Hugo episcopus quandam villam quȩ Rovrensis vocatur, sub Patiaco territorio, prope Auturȩ fluvium sitam, solutam ac liberam a cunctis secularibus legibus tradidit. Dedit etiam Auturȩ fluvium in utramque ripam cum
l.44 piscariis a confinio vallis usque ad terminum villȩ quȩ Fontanas dicitur, et transitum ejusdem liberum a teloneo tam de propriis rebus quam de omnibus suis hominibus per illud commeantibus. Concessit autem Rodulfus de Totiniaco totam silvam quȩ separatur a majori saltu et devexum montis qui Gaudiaco prominet.
l.45 Tribuit quippe Wilelmus de Sacca Villa totam terram de Nocimentis. Prebuit quoque Richardus, Ebroicȩ urbis comes, in inferiori parte ipsius civitatis, supra flumen quod vocatur Yton, unius molendini sessionem cum piscatoria illi adherente et cum uno arpenno terrȩ ubi custos
l.46 hospitaretur, et cum hospite uno in Graviniaco. Contulit autem Richardus, Herluini filius, permissu Wilelmi comitis, duas acres et dimidiam terrȩ apud villam quȩ dicitur Haimonis villa inter montem et aquam, et unam viam per suam culturam per quam eant et redeant molentes ad molendinum. Dedit vero Goisfridus
l.47 Stantuin alodum quem possidebat in Oximensi in villa quȩ dicitur Fontanas, permittente Rogerio de Montegomeri et accipiente ab ipso jam monacho effecto equm unum triginta librarum, et loricam unam septem librarum. Rodulfus de Torniaco et Hugo consobrinus concesserunt unam exclusam
l.48 apud Maniacum, accipientes inde sotietatem loci. Concessit quoque Richardus, Gisleberti comitis filius, ȩcclesiam de Druella cum decima et sepultura, cum omnibus appenditiis suis, et cum terra dimidiȩ carrucȩ, et cum decima molendini de Roseto et cum decima silvȩ, pro his accipiens a monachis denariorum
l.49 libras quindecim. Prebuit vero Rodb[er]tus, Aucensis comes, duas domos secus mare in portu qui vocatur Ultrisportus, cum eadem consuetudine quam habebat ipsemet in eodem portu, cum duabus piscatoriis navibus et pari piscium emptione, sopita telonei interrogatione. Tribuit vero Girardus, filius Anscharii, medietatem
l.50 decimȩ quam tenebat in Hanisiis, pro ea a monachis accipiens Xcem libras denariorum, annuente Wilelmo, Ebroicȩ urbis episcopo, ex cujus jure erat. Hȩc ergo omnia prescripta, quasi ex nostro jure data, rata et ab omni malivorum judicum inportunitate libera atque ab exactoria incuria soluta, astipulati-
l.51-one regali Gemmeticensi loco contrado et assigno. Hoc igitur donationis prȩcepto confirmans ea quȩ atavi mei diligentia prenominato loco restituit vel concessit, proavi quoque devotio contulit, necnon et avi humilitas augmentavit, patris etenim nobilitas extulit, atque mea munificen-
l.52-tia cumulavit, peto illorum magnitudinem quos Deus hoc honor[e post mȩ] sullimaverit ut, sicut auctoritatis suȩ scripta inviolata manere voluer[in]t, ita hȩc inconvulsa et inviolata manere permittant, et cum austeritate a sanctȩ Dei ȩcclesiȩ subversoribus justiciȩ animadversione defendant.
l.53 Si vero aliquis contra ea aliquid conatus fuerit, in primis iram Dei incurrat [et coactus a]uri libras centum ad fiscum dominicum persolvat. Hanc autem cartam, ut omni tempore maneat, manu nostra subter firmavimus et filiis et fidelibus nostris firmandam tradimus.
l.54 Ego Rodulfus de Conchis monasterio Sancti Petri Gemmeticensis in v[illa quȩ v]ocatur Fontanȩ, concedo terram quantum ad molendinum construendum opus fuerit, cum duabus ejusdem terrȩ perticatis superius et duabus inferius, et unam acrem terrȩ; super hȩc autem ad exclusam faciendam secus ejusdem villȩ fluminis
l.55 terram ubique fodiendam. Hoc vero insuper a[djicio] ut nullus homo sancti Petri G[emmet]icensis in villa [quȩ] Gaugiacum dicitur manens, pro aliqua adversum me vel homines meos facta injuria, in via ejusdem molendini ambulans aut rediens, a me vel hominibus meis cotumeliam patiatur. Hujus autem terrae donationem a me / 56/ et ab heredibus meis totius calumpniȩ concedo in perpetuum exortem, accipiens ab abbate ejusdem loci, nomine Rotberto, suam omniumque fratrum orationem simulque unum caballum cum XX nummorum solidis. Testes vero hujus donationis sunt Galterus presbiter Achinnei, Hilbertus Hugonis filius, Rodb[er]tus
l.57 de Rommilleia, Giraldus Wastinellus, Will[elmus] de Pavilleio, Radulfus de Martireto. Homines Sancti Petri : Richardus de Gaugiaco, Rogerius filius Hivonis, Dotherus de Gaugiaco, Odo filius Guimundi de Oiseio. Hoc ejus uxor laudavit et hoc signo firmavit [croix]. Signum Wilelmi Britulli [croix].
l.58 Signum Richardi filii Herluini [croix]. Signum Wilelmi Alis [croix].
l.59 Anno MLXXVIIII, ab incarnatione Domini, XIII anno imperii Guill[el]mi Anglorum regis, concessit Walterus Broch et Hugo frater ejus, pro redemptione animarum suarum atque antecessorum suorum, scilicet patris et matris et aliorum propinquorum, sanctȩ Mariȩ sanctoque Petro in Gemmetico, ad victum monachorum ibi Deo
l.60 famulantium, ȩcclesiam villȩ quȩ dicitur Cricheboum cum decima et duabus acris terrȩ ad ȩcclesiam pertinentibus. Et ut hoc firmiter maneat, signo sanctȩ crucis adnotamus, et adfirmamus. Walterus Broch [croix]. Hugo ejus frater [croix]. Hugo de Morazs [croix]. Walterus filius Durandi [croix]. Warnerus [croix].
l.61 Rodulfus filius Bernier [croix]. Walchelinus [croix]. Ego vero idem [H]ugo frater Walterii Broch cum monachus fierem, concessi eidem loco ȩcclesiam de Topesfelle, quam de Richardo filio Gisleberti comitis tenebam, quod ille primum contradixit, postea conse[n]sit. Testes Vualterus [croix] filius, Germundus de Villare [croix], Paganus de Capellis, Rodulfus [croix] Broch, Hugo de Vuanci.
l.62 Ego Wilelmus de Watevila, annuente muliere mea, pro mea et s[ua] anima, dedi Deo et sancto Petro in Gemmeticensi loco, decimam de parte illa quam habeo in illa feria, quȩ Croismarȩ convenit annua. Preterea de omnibus ad eandem villam pertinentibus decimam similiter concedo.
l.63 Vuilelmus, et Hosbernus de Hotot optulerunt Deo et sancto Petro in G[em]metico Johannem fratrem illorum, patre defuncto, sub jugo regulȩ militaturo, hanc offerentes oblationem cum puero. Optulerunt autem centum acres terrȩ quas tenebat Gislebertus Stricarius de eis in Hasvilla, ea scilicet conventione ut
l.64 quemadmodum de illis tenebat, de abbate et monachis tener[et], et servitium et consuetudines quas illis solvebat, et abbati et monachis solveret. Item optulerunt septem libras denariorum, pro quibus acceperunt ipsi monachi a Vualterio de Belmeis decimam de Frollandicurte in vadimonium
l.65 qui moriens in Anglica terra pro suȩ animȩ rememedio liberam illam Deo concessit, et sancto Petro, et monachis ipsis servientibus in Gemmetico, loricam suam misit in testimonio. Hujus donationis testes sunt : Hugo de Candos, qui eamdem loricam dato pretio ab abbate recepit Rotberto, et Baldricus;
l.66 hi autem oblationis, ipsi fratres Wilelmus et Hosbernus, Lanzelinus, Richardus filius Warini, Wilelmus Brietot, Gislebertus Stricarius, Ansfredus prepositus de Hartelvilla, Salomon de eadem villa, Rotb[er]tus filius Dodonis, Willelmus Cocus, Rotbertus filius Mainardi.
l.67 Dedit et Richardus de Friscenis decimam de omnibus quȩ tenebat in Hispannivilla, et decimam de quodum suo milite Audoeno de Hotot, eo tenore ut ex his suo anniversario fratribus in refectorio generalis preparetur refectio. Hi sunt testes Herbertus et Osmundus presbiteri, Hengelhardus et
l.68 Gozecinus, Ansfredus prepositus de Hartelvilla, Rotbertus de Masnile, Wilellmus Cocus, Rotbertus filius Dodonis.
l.69 Dedit quoque Maurilius de Firmitate decimam de Frontebos in omnibus, videlicet in annona, in silvis et in his quȩ de silvis exierint, in vaccis, in equis, in ovibus, in porcis, et in quibuscunque suis, magnis et minimis. Ex pro his omnibus dedit sibi domnus abbas Guntardus VIItem libras nummorum caritative,
l.70 et unam untiam auri conjugi suȩ. Hi sunt testes Rotb[er]tus D . Ego rex Willelmus concedo ȩcclesiȩ Sancti Petri Gemmeticensis cenobii et meo sigillo confirmo, domum et terram et hortos quos Rainaldus meus capellanus, de me Baiocis tenuit, et idem locus sic quiete amodo teneat, sicuti
l.71 Rainaldus et Stephanus antecessor ejus ab omnibus consuetudinibus quietius tenuerunt. Et ideo hoc facio quia predictus Rainaldus ibi monachus effectus est, et hoc testimonio Mathildis meȩ conjugis reginȩ, et Mauricii cancellarii, et Willelmi de Bellofago, et Willelmi fratris ipsius Rainaldi, et Odonis
l.72 et Henrici capellanorum regine.
l.73 Ego Radulfus cubicularius concedo et confirmo donationem quam facit Fulco de Milonisvilla [qui dat] ȩcclesiam et [sex acras terre et totam] decimam de ipsa villa pro remedio parentum meorum, concedente et rogante et confirmante Johanne archiepiscopo Rotomagensis, apud Iliam Bonam, anno ab incarnati-
l.74-one Domini MLXX nono, regnante magno rege Anglorum Willelmo. Et ut ista donatio firmiter permaneat, ego Radulfus propria manu per hoc signum confirmo. [croix] Signum Radulfi cubicularii. Ego Joh[anne]s archiepiscopus hanc donationem per hoc signum confirmo. [croix] Signum Joh[ann]is archiepiscopi.
l.75 Ut si quis eam amplius abstulerit, nisi resipiscat, anthema sit. Fiat. Fiat. Fiat. Ego Fulco qui hanc decimam dedi, hoc signo confirmo. [croix] Signum Fulconis. [croix] Signum Adam filii ejus. [croix] Signum Roberti filii Alvuardi. [croix] Signum Walterii Broc. [croix] Signum Hugonis fratris ejus. [croix]
l.76 Signum Benedicti archidiaconi. [croix] Signum Osmundi archidiaconi [croix].
l.77 G[auterus] de Belmes dedit sancto Petro Gemmetici decimam de sex hospitibus de Frollancurt, scilicet de Restoldo sacerdote, et Garino pretore, et de Radulfo filio Tovi, et de Hosterlando, et de Radulfo de Dalbo, et Radulfo Cauches. Hugo de Mu[n]fort, concessit
l.78 sancto Petro Gemmetici decimam quam Gauterus de Belmes dedit ei, et dedit duas garbas de tota decima de Frollancurt; sed concessit ȩcclesie de Frollancurt totam decimam de terra quam lucratur in dominio. Et abbas Gemmetici concessit eis fraternitatatem
l.79 sancti Petri et passigium Sequane quietum, et ad sollemnitatem sancti Petri caritatem suam. Hanc decimam dedit, Hugo de Munfort sancto Petro, vivente rege qui Angliam conquisivit.
l.80 Notum sit omnibus tam presentibus quam futuris, quia ego Baldricus de Sprevilla, concedentibus dominis meis, scilicet Hugone de Monfort et Roberto filio Eadwardi, dedi Deo et sancte Marie sanctoque Petro apostolo ac monachis Gemmeticentibus duas partes decime de Frollancurt et dimidiam partem decime
l.81 de Sprevilla, excepta terra duorum vavassorum qui eam concedere noluerunt, Gisleberti filii Walterii et Gisleberti filii Goscelini, tempore Willelmi regis qui Angliam bello adquisivit, atque Guntardi abbatis. Ideoque concesserunt mihi memoratus abbas et monachi fraternitatem et beneficium suum, atque tribus festivitatibus,
l.82 videlicet in Nativitate, in Pascha atque sancti Petri, karitatem Sancti Petri mihi et uxori meȩ. Testes fuerunt ex parte Baldrici Gislebertus filius Walterii et Gislebertus Insequens Lupum, et de vicinis suis Eusterlant et Bernardus filius Warini et Mainart. [croix] Rotbertus de Cunvilla, Radulfus filius Salomonis,
l.83 Wido, Goscelinus filius Mainart, Rainoldus filius Johannis, ex parte abbatis.

2

VERNIER (Jules-J.), Chartes de l'abbaye de Jumièges ( v. 825 à 1204 ), 2 vol., Rouen-Paris, 1916, t. 1, p. 90-109, n° 32.

BATES (David), Regesta regum Anglo-Normannorum : the Acta of William I : 1066-1087, Oxford : Clarendon press, 1998, p. 535-547, n° 164.

PARISSE (M), Les pancartes : étude d'un type diplomatique, dans Pancartes monastiques des XIe et XIIe siècles, éd. M. Parisse, P. Pegeot et B.-M. Tock, Turnhout, 1998, p. 11-62. , p. 48-58 (fac-similé, p. 32, pl. 5).