Acte de dotation de la collégiale Saint-Martin d'Auchy-les-Aumale, rédigé sur l'ordre d'Enguerran de Ponthieu et de sa femme, la comtesse Adélaïde.

l.1 IN NOMINE DOMINI NOSTRI JHESU CHRISTI, CONTINENTUR UT HAC CARTA BENEFITIA
l.2 DENOTATA SIVE REDDITUS AECCLESIAE DEI GENITRICIS VIRGINIS MARIE ET
l.3 SANCTI MARTINI CONFESSORIS CHRISTI quȩ temporibus Ricardi principis quarti Normanorum
l.4 justa opidum Albamarlense in villa quȩ dicitur Alcis fundata est a viro quodam nobili licet Guerinfrido, qui condidit castellum quod Albamarla
l.5 noncupatur in extremis partibus Normannie super flumen quod Augus dicitur in ea parte quȩ dividit Ambianensem provintiam a terra
l.6 Normannorum. Constituitque idem vir venerabilis Guerinfridus in ȩcclesia supradicta VI canonicos ad serviendum Deo, et eam secundum posse suum dotavit
l.7 terris et redditibus, decimis et altaribus, unde viverent clerici qui ȩcclesiȩ servirent, quȩ inferius describere curavimus jussu Engerranni consulis
l.8 qui filius fuit Berte supradicti Guerinfredi filiȩ, et Addelidis comitisse uxoris suȩ, sororis silicet Vuillelmi regis Anglorum, quȩ ideo auctorizari
l.9 scriptis voluit ne aliquid de beneficiis ȩcclesiȩ a posteris tolleretur. Immo supradicta comitissa in tempore suo, Engerranno marito suo mortuo,
l.10 eandem ȩcclesiam honestavit ornamentis multis et redditibus ampliavit, et cum esset adhuc in juvenili ȩtatȩ, fecit eam dedicare dumnum Marilium
l.11 Rotomagensem archiepiscopum qui etiam excommunicavit omnes qui aliquid detraherent vel aliquod dampnum eidem ȩcclesiȩ inferrent, et quicquid
l.12 beneficii eidem ȩcclesiȩ supradicti anticessores concesserunt, Addelidis comitissa supradicti Engerranni et supradicte Addelidis filia quȩ post obitum
l.13 illorum in inperio successit, confirmat. Igitur hȩc sunt quȩ ipse fundator primus ȩcclesiȩ Guerinfridus et alii fideles post eum pro remissione
l.14 suorum peccatorum et spe retributionis ȩternȩ ȩcclesiȩ contulerunt, videlicet parrochia castelli supradicti et totius opidi cum omni
l.15 decimatione domorum sive ortorum, novem curtilli justa eandem ȩcclesiam, et terra arabilis, et prata, et dimidium ruris quod Bertamasnil dicitur
l.16 cum tota decimatione. In Albamarla de cuncto labore carrucarum domini ejusdem castelli duplex decima, et in vico qui dicitur Rotoirs similiter
l.17 excepta parte sacerdotis qui ȩcclesiȩ cui idem vicus adjacet, servit. Quod si quis alius terram propriam domini quȩ ad cultum ejus pertinet excoluerit,
l.18 terragium et decimatio de terrȩ redditu, similiter et de universo terrȩ redditu domini quam opidani excolunt. Quapropter est constitutum
l.19 ut invicem unus ex canonicis in capella castelli deserviat et victum de mensa domini habeat, quod alii facere non licet ut aliquid de offerendis accipiat
l.20 nisi permissu canonicorum; quod si fecerit excommunicationi subjacebit. Canonicus autem si obierit de restituendo canonico electionem dominus
l.21 fecerit sed videat idoneum et sic utilem ȩcclesiȩ quod nullo modo respui possit, et sine pȩcunia canonico prebendam donaverit, nam inde
l.22 pecuniam quicumque acceperit excommunicationi subjacerit, quod cometissa Addelidis filia supradictȩ cometisse constituit fieri quoniam anticessores
l.23 sui usque ad suum tempus pecuniam acceperant. Rursum in villa quam Berberias vocamus, medietas panum qui super altari ponuntur,
l.24 in Purificatione Dei genitricis medietas candelarum, et in Pascha pars panum, similiter de domestica decima in quatuor villis illi altari adjacentibus,
l.25 et in Divione tertia pars domestice decime. In villa quȩ dicitur Floisis tertia pars domestice decime et tertia pars annone, in Natale Domini tertia
l.26 pars panum, in Purificatione sancte Marie tertia pars candelarum, et in Pascha tertia pars panum et denariorum. In Veteri Rotomago dimidium
l.27 altare, et in terra quam Vulferus tenuit dedit Fulco frater ejus pro anima ejusdem Vulferi tertiam partem decime et medietatem ruris quod
l.28 Estochel vocatur. Item de terra Radulfi Leioldi tota decima, de terra Girardi de Fontanas similiter tota, de terra Engilardi tota, in Moriana tota,
l.29 de terra Hilberti tota. Hȩc supradicta in Albamarla sunt. In Alci molendinus unus, de terra Radfroidi dimidia decima et de parte Tainfredi
l.30 ejusdem terrȩ tota. In terra Normanni dimidia, de terra Anseridi tota, de terra Engerranni Heselli dimidia, in Truoldimanso tota,
l.31 de terra Vualteri de Gorniaco in Britolio tota, et in villa quȩ dicitur Cultura tota, de terra Greinon dimidia, in Vuarebermasnil dimidia,
l.32 de Hildebermasnil tertia pars decime, de terra de Streis due partes decime, de Helperi Fontana tertia pars, de Postrumcurt tertia pars decime,
l.33 de Maibotcurt tertia pars, de tota terra Engerranni vicecomitis tota, in Fulcincurt tota, et de universis supradictis tota domestica decima. In villa
l.34 quȩ dicitur Vilers due partes decimarum annone, de terra Vuicardi altare cujus ville et omnem vicecomitatum totius terrȩ ȩcclesiȩ supradicte
l.35 et omnes consuetudines quascumque habebat venerabilis comitissa dedit eidem ȩcclesiȩ. Constituit etiam ut in die sollempnitatis sancti Martini
l.36 populus ad nundinas conveniret, et ut canonici teloneum et quicquid redditus inde procederet haberent, in villa quȩ dicitur
l.37 Hedonisilva altare et duas partes decime totius villȩ. Dedit quoque eadem comitissa sex cappas de pallio et tunicam syricam subdiaconalem, casulam unam
l.38 purpuream, cortinam unam, nec minus duas obtimas canpanas, et alia ornamenta quam plurima, filateria decem et septem et beneficia multa quȩ modo
l.39 memorie non occurrunt. Sunt item alia ornamenta in eadem ȩcclesia casula una de pallio, et crux argentea, et cortina una quȩ Julita cometissa domine supradictȩ
l.40 filia dedit eidem ȩcclesiȩ. Rursum Rogerus de Berchelaico cum uxore sua Rossa dedit cappam unam de pallio nec minus quoddam pretiosum vestimentum sacerdotale
l.41 in quo nec cingulum defuit, dedit idem et calicem argenteum, crucem auream, duas canpanas. Ingerrannus vicecomes dedit cappam unam, calicem aureum
l.42 ad purum recoctum viginti quatuor unctiarum, et alterum argenteum, et Vuillelmus filius ejus dedit dalmaticam syricam. Henricus Biseta dedit duo candelabra
l.43 deaurata, et uxor ejus Berta cappam unam, et Engerrannus filius Hedonis pallium unum, et incensarium unum dedit. Insuper tertiam garbam de Stotona quam dedit
l.44 Uuillelmus, annuente domino suo Engerranno vicecomite, tertiam garbam de Augifonte, sextam garbam de Abendicuria, sextam garbam de Vuarlesio,
l.45 hȩc omnia tribuente Arnulfo Vitulo nutu sui fratris Vualteri Cȩpelli, duas garbas dimidie carruce in terra Vuinberti de Rotoris.
l.46 Hugo Porcellus dedit septem marcas argenti et dimidiam in decima de Magno Marches, et in Alceio duos hospites, et si redimantur, unam marcham argenti.