Thierry II, évêque d'Orléans, cède à l'abbaye Saint-Mesmin de Micy une vigne au lieu-dit Villena.

l.1 [chrisme] IN Christi nomine, ego Tehodericus, Aurelianorum episcopus, qui beneficium ex rebus Sancti Privati habeo. Notum volo esse fidelibus
l.2 sanctȩ Dei ecclesiȩ curam gerentibus quia postulavit me quedam congregacio Sancti Maximini Miciacensis monasterii, ut eis
l.3 vineam censualiter concederem. Quod ita et feci. Est autem ipsa vinea in prospectu Aurelianis civitatis ultra fluvium
l.4 Ligeris in loco qui dicitur Villena justa ecclesiam Sancti Privati, V aripennos habens et III quartarios. Terminatur autem
l.5 tribus partibus ipsa terra, quarta via publica. Infra hanc terminacionem prefatam rem ea racione predicte congrega-
l.6-cioni concedo, ut annis singulis missa sancti Privati quae est mense augusto solidos V et VIIII denarios in censum exsolvat.
l.7 Et si de eodem censu in solvendo tarda vel negligens extiterit, fidem inde faciat et prefatam rem non perdat,
l.8 anpliusque ei non requiratur, nisi quod supra inditum est. Dedi autem ei licenciam dandi et venumdandi sicut mos est
l.9 istius pagi. Hec vero cartula ut fermior sit, eam subter firmavi, et canonicis matris aecclesie roborandam
l.10 optuli. [colonne1] Signum Teoderici episcopi. [colonne2] [chrisme] Rotdulfus decanus. [chrisme] Erfridi abbatis Sancti Aviti. [chrisme] Tetduini archidiaconi. [chrisme] Gauterii archidiaconi. [colonne3] [chrisme] Tedelmi clerici et prepositi. [chrisme] Letaldi archidiaconi. [chrisme] Guarini succentoris.
l.11 Datum mense februario ANNO regni Rotberti XXVIIII. Stephanus cancellarius scripsit.