Donation faite au chapitre de Saint-Laurian de Vatan par Robert et Eudes de Vatan, fils d'Ebrard, seigneur d'Issoudun, de la terre de Saint-Hilaire de Jarondelle. Eudes confirme la donation faite au chapitre de Saint-Laurian de Vatan par Robert et Eudes de Vatan, fils d'Ebrard, seigneur d'Issoudun, et ajoute divers biens et droits pour réparer ses torts envers le dit chapitre.

l.1 In nomine Domini nostri Jhesu Christi, Rotbertus et Odo, Ebrardi filii, damus Deo et Sancto Lauriano, pro animarum nostram et parentum nostrorum remedio, terram
l.2 Sancti Hylarii de Jarundela totam et usus terrȩ, preter quod in casamento habetur. Preterea alodum nostrum, ubicumque fuerit inventum, et liberam comendaticiam
l.3 nostram damus similiter totam. Et ego Rotbertus, eo quod Odo frater meus bona voluntate concedit et partem suam istarum rerum et partem meam Deo et Sancto Lauriano,
l.4 relinquo illi totum alium honorem meum, quodcunque habeo. Et ille Odo jurat mihi super Sanctos quod forfactum sciens de rebus istis non fecerit neque inquisi-
l.5-erit quod modo sanctus Laurianus perdat. Quod si forfacturam nescius fecerit infra XL dies emendet canonicis Sancti Lauriani, vel ad illos
l.6 terminos quos commune capitulum dabit illi. Et si allius aliquis forfacturam inde fecerit vel aliquid inde callumpniaverit, per fidem Odo
l.7 calumpniam auferat et per fidem canonicis adjuvet, de eo quod comiserit aliquid. Odo jurat et concedit hoc. Ego Rotbertus confirmo. Nichil
l.8 preter Christum amplius habere volo, nec in mundo aliud retinere cupio. Sic de rebus patris mei et meis Sanctum Laurianum heredem facio,
l.9 illum anime mei et corpori advocatum fieri cupio. Quicunque aecclesiȩ Sancti Lauriani hȩc abstulerit, quȩ sponte nostra donamus ego Rotbertus
l.10 et Odo, frater meus, sit ille maledictus, et pars ejus cum Datan et Abiron, cum Nerone et apostata Juliano.
l.11 S. Rodulfi Dolensis; S. Adela, comitissa; S. eorum curia.
l.12 Scritorum adnotacio presentium proficit ad memoriam futurorum. Unde ad noticiam posterorum huic carte judicavimus
l.13 adnotandum quod Odo Vastinnensis pro malefactis et injustitiis quȩ fecerat beato Lauriano ejusque ȩcclesiȩ et canonicis, pro
l.14 emendatione sua, bona voluntate omnes donationes et conventiones et quecumque ipse et frater suus Rotbertus dederant vel fecerant
l.15 antea sancto Lauriano et clericis ejus, in presenti donat et confirmat atque concedit, et quecumque calumpniaverat dimittit.
l.16 Insuper donat pro hisdem causis hereditatem et terram manerii de Piriaco quodcunque habebat in dominio. Concedit ȩtiam
l.17 ȩcclesiam Sancti Laurentii et omnia quȩ inde adquirere poterint canonici ab Gaufrido et ab Euffemia et a filiis suis. Similiter
l.18 donat uxorem Stephani Laroaudi et infantes ipsius. Similiter
l.19 donat in terra Dourensi, in fluvio Cari, aquam et piscationem et consuetudinem quam habet ibi, post obitum sui, si sine herede
l.20 de legitima uxore obierit. Et de revestitura in adventu et in quadragesimo singulis annis, dat canonicis piscationem
l.21 et consuetudinem sui juris in eadem aquam fluvii, eodem modo dat terram sui virecti et VI denarios debitales singulis
l.22 annis, IIos denarios in Du[ran]do de Jarundela et in filiis ejus, IIos denarios in Dominico de Mulneto et in infantibus suis.
l.23 S. Odonis, S. uxoris Milesendis, S. Arnulfi, S. Giraudi Scarlati;
l.24 S. Rotberti, filii Franconis; S. Gerorii; S. Rotberti Biturigensis; S. Ulgerii, S. Ervici;
l.25 S. Manerii de Muncellis; S. Ebradi Maurini; S. Stephani de Castellione; S. Canonicorum Rotbertus, Stephanus, Aymericus,
l.26 Gaufridus, Araudus.
l.27 Suprascriptam dannationem habeat, quicumque Sancto Lauriano abstulerit hȩc omnia.