Le pape Pascal II confirme au chapitre Saint-Amé de Douai l'ensemble de ses possessions.

l.1 PASCHALIS, EPISCOPUS, SERVUS SERVORUM DEI, HERIBERTO DECANO, ET EJUS FRATRIBUS IN ECCLESIA DUACENSI SANCTAE MARIAE ET SANCTI AMATI DOMINO SERVIENTIBUS, EJUSQUE SUCCESSORIBUS IN PERPETUUM.
l.2 Sicut injusta poscentibus nullus est tribuendus effectus sic legitima desiderantium non est differenda petitio. Proinde nos legitima vestra desideria perpendentes juxta confratris nostri Lamberti venerabilis Atrebatensium episcopi postulationem precibus vestris paterna benignitate prebemus assensum, ut ecclesia vestra
l.3 in Atrebatensi parochia sita tuitione sedis apostolicȩ protegatur. Per presentis igitur privilegii paginam auctoritate apostolica vestrȩ Duacensi SANCTI AMATI ecclesiȩ confirmamus possessiones illas quȩ vel egregii ducis MAURONTI vel aliorum fidelium legitimis donanationibus in presenti ad eandem videntur ecclesiam perti-
l.4-nere; videlicet in pago Menpisico totam Menrivillam cum altari et decima totius villȩ et omnibus appendiciis suis, in eadem villa ecclesiam in honore sancti Amati, ex toto liberam et curtem canonicorum omnino liberam, super fluvium Esere, totam villam Fleternam cum decima. Apud Gimevelt dimidiam
l.5 bercariam. Apud Heldengis decimam illam quȩ est inter Neppam et Guarnaviam et Porcinam Beccam et potestatem Guarnestum. Apud Nuez decem hospites et sedem cambȩ et unam carrucatam terrȩ. Apud Lohes tredecim hospites et sedem cambȩ, et duas carrucatas terrȩ. In Gueppis Eurelengehen totam et
l.6 Spumerellum cum tota decima. In villa quȩ dicitur Comitatus quartam partem in hospitibus et molendinis et terris cultis et incultis, et pratis et silvis et aquis. Apud Alcehel octo hospites et dimidium et octavam partem territorii et silvȩ. Apud Huulin medietatem alodii Ugonis et Adeloie uxoris
l.7 suȩ. Juxta Albiniacum totam villam Friesviler, et villam quȩ dicitur Maisnil. Apud Henninel unum hospitem liberum et terram trium modiorum. Juxta Seclin apud Huplin duodecim hospites et sedem cambȩ, et duas carrucatas terrȩ et prata quantum possunt falcare duodecim falcatores una die, hȩc sunt
l.8 libera. Apud Insulam unum hospitem liberum. In Fachis tres hospites et dimidium, et terram unius modii et dimidii. In territorio Teruanensi apud Goi unum hospitem. In territorio Cameracensi apud Hainulcurt unum mansum. In Sandemont et in Ailcurt et Tributcurt et Guaschit et Mau-
l.9-rontisclusa medietatem terrarum cultarum et incultarum, vivarii, molendinorum et transitus Maurontisclusȩ et totam decimam corporis ecclesiȩ, et medietatem altaris de Sandemont, et decimam Rahericurtis et Hapelencurt. Apud Ruholcurt tres hospites et dimidium, et dimidiam sedem
l.10 furni, et terram duorum modiorum, hec sunt libera. Apud Ceresi unum hospitem liberum. In Duaco altare sancti Albini et theloneum, forarium, stalagium ab hora nona incipientis festivitatis sancti Amati in mense octobri usque ad vesperum sequentis diei. Et quinquaginta hospites et quattuor mo-
l.11-lendina Cuchenpoist, Bucam dampnosam et Tolivam et illud de Fossato, unam cambam liberam cum taberna et hospite libero, et totam terram a ponte sancti Amati usque ad aquam quȩ dividit Duacum et Duiellum. In Vinea septem hospites liberos. In territorio Duielli unam carrucatam terrȩ. In territo-
l.12-rio Duacensi apud Fontem salsum unum pratum et terram garbenni, Anherium totum liberum cum duabus partibus decimȩ, et omnibus appendiciis. Apud Corbelhem duos hospites, et duo mansa terrȩ, et unum molendinum, hec sunt libera. Apud Berberam duo mansa terrȩ et sex hospites et sedem cambȩ
l.13 et unum molendinum et dimidium et terram trium modiorum. Apud Gulesin unum hospitem et unum mansum terrȩ libere. In Lambris duos hospites cum terra appendente, et juxta eam unum mansum cum sua decima. Apud Schercinium unum hospitem liberum, et quartam partem decime corporis ecclesiȩ et
l.14 unum campum terrȩ. Apud Quinci quattuor hospites et terram trium rasariarum. Apud Flers undecim hospites et terram duodecim modiorum et dimidii et prata viginti falcatorum, et medietatem quercetus de Hasprach. Apud Guatennis duos hospites liberos. Juxta Goi unum pratum. Apud
l.15 Ohercurt tres hospites, et quartam partem terrȩ unius modii. Juxta Jochas et Lebeurerierem terram fere unius carrucȩ. Apud Bovennias juxta Martianas totam decimam corporis ecclesiȩ. Quicquid preterea juste hodie prefata beatȩ MARIȨ et sancti AMATI ecclesia possidet, quicquid in
l.16 futurum concessione pontificum liberalitate principum vel oblatione fidelium legitime atque canonice poterit adipisci firma tibi tuisque successoribus et illibata permaneant. Sane decanus sive prepositus non alius vestro collegio preponatur nisi, qui vel omnium vel meliorum fratrum consensu debito
l.17 canonice fuerit cum Dei timore provisus decano ecclesiȩ curam committat episcopus, cui tamen ecclesiam ipsam gravare non liceat, vel exactiones aliquas aut consuetudines irrogare. Porro canonici sive alii clerici omnes eidem ecclesiȩ servientes decani disciplina corrigantur, nec ad ordi-
l.18-nationem ab episcopo sine ipsius licentia admittantur, nec alterius quam ipsius et fratrum arbitrio coerceantur. Ceterum nec decano nec preposito facultas sit ecclesiȩ bona sine fratrum communi vel saniori consilio in feudum dare, prebendas vel etiam ministeria disponere aut quicquam gravius de rebus
l.19 ecclesiȩ stabilire. Precipimus etiam atrium et claustrum et mansiones canonicorum infra castrum ab omni seculari potestate libera conservari ita, ut nec in ipsis nec in facultatibus aut servitoribus ipsorum, preter ipsorum voluntatem, manum mittat. Rerum vestrarum invasores atque raptores canonice monitos, nisi
l.20 satisfecerint excommunicandi, sicut ex reverende memorie Gerardi episcopi concessione habetis, ita et in posterum habere concedimus facultatem, quos ex nomine designatos ante satisfactionem comprovincialium nemo suscipiat, salva in omnibus Atrebatensis episcopi canonica reverentia. Crisma, oleum
l.21 sacrum vel oleum infirmorum sive aquam cimiterio, atrio sive basilicȩ reconciliandis ab Atrebatensi matrice accipietis ecclesia, omni utique pravitate seposita. Ad hec adicientes decernimus, ut nulli omnino hominum liceat, eandem ecclesiam temere pertubare aut ejus possessiones auferre
l.22 vel ablatas retinere, minuere vel temerariis vexationibus fatigare, sed omnia integra conserventur, eorum pro quorum sustentatione et gubernatione concessa sunt, usibus omnimodis profutura, salva suprascripti Atrebatensis episcopi, ut dictum est, canonica reverentia. Si qua sane ecclesiastica secu-
l.23-larisve persona hanc nostrȩ constitutionis paginam sciens contra eam temere venire temptaverit, secundo tertiove commonita si non satisfactione congrua emendaverit, potestatis honorisque sui dignitate careat, reamque se divino judicio existere de perpetrata iniquitate cognoscat,
l.24 et a sacratissimo corpore ac sanguine Dei et Domini redemptoris nostri Jhesu Christi aliena fiat, atque in extremo examine districtȩ ultioni subjaceat. Cunctis autem eidem ecclesiȩ justa servantibus sit pax Domini nostri Jhesu Christi, quatenus et hic fructum bone actionis percipiant et apud
l.25 districtum judicem premia eternȩ pacis inveniant. AMEN. Scriptum per manum Rainerii scriniarii, regionarii, et notarii sacri palatii.
l.26 [rota] Ego Paschalis catholicȩ ecclesiȩ episcopus subscripsi. [benevalete].
l.27 Datum Laterani, per manum Johannis, sanctȩ Romanȩ ȩcclesiȩ diaconi cardinalis, IIII IDUS NOVEMBRIS, indictione XIII, anno dominicȩ Nativitatis millesimo CIIII, pontificatus autem domni Paschalis secundi pape VI.
l.28 [sceau].

JAFFE-LOEWENFELD, n° 5990.

PFLUGK-HARTTUNG (J. von), Acta pontificum romanorum inedita. Urkunden der Päpste 97-1197. rééd, 3 vol., Graz, 1958, t. 1, p. 81-82, n° 90.