Le chevalier Agapit Abelinus donne aux chanoines de Saint-Ursin de Bourges tout ce qu'il possédait dans l'église de Saint-Martin d'Humbligny.

l.1 Justum est et rationabile ut conventus sanctȩ ecclesiȩ tenaci memoriȩ committantur, ne decidentibus presentibus rectoribus
l.2 e futuris memoria auferatur. Quapropter nos canonici sancti Ursini scribimus donum quod Agapitus, miles, cognomine
l.3 Abelinus, facit Deo sanctoque presuli Ursino. Ipse enim donat quicquid habere videbatur in ecclesia Sancti Martini quȩ est sita
l.4 in pago Biturico in villa Ebliniaci, scilicet medietatem feodi presbiteralis, et cerȩ paschalis, et panum rogationis,
l.5 et sepulturȩ, omnibusque offerturis. Et quicumque in supradictam ecclesiam aliquid habet ex illo, si ipse tribuerit sancto
l.6 Ursino, ipse ex sua parte concedit. Hoc autem donum et quicquid habere videbantur in supradicta ecclesia, concedunt
l.7 Hugbertus et Hubaldus filii Hubaldi sacerdotis, sicuti Hubaldus pater eorum actenus tenuerat.
l.8 Fuit autem factum hoc donum tempore Philippi regis, regnante eo anno XXXmoVIIIvo, sub Ricardo pontifice, anno illo
l.9 quo migravit ab hac luce. Hoc autem donum isti supradicti viri concedunt, atque amicis suis firmare faciunt, quorum
l.10 nomina sunt haec: Agapitus et uxor sua et Odo filius ejus, et nepos ejus Petrus quoque filius
l.11 Amaldrici, Girardus juvenis, Bernardus prepositus, Ebrardus de Porta, Rogerius Gaierna.
l.12 Quicumque hoc donum infringere temptaverit, deleatur nomen ejus de libro vitȩ et pereat
l.13 in eternum cum diabolo et sociis ejus.