L'abbaye de Marmoutier reçoit dans sa société de prières Etienne de Mehun qui lui donne en échange une famille de serfs, le moulin de Chaplet et divers biens.

l.1 Notum sit universis quod Stephanus de Maduno karissimus noster veniens per conductum fratris nostri domni Christia-
l.2-ni de sancto Paladio prepositi, in capitulum nostrum Majoris videlicet Monasterii fratrum, anno ab
l.3 incarnatione Domini MCII, die sancto Penthecostes petiit humiliter a domno abbate nostro HIL-
l.4-GODO, et a nobis societatem nostram et participationem totius benefacti nostri. Domnus autem ab-
l.5-bas HILGODUS et nos devotionem viri audientes et antique amiciciȩ tam patris ejus quam
l.6 ipsius recolentes, petitioni ejus libenter annuimus, et tam ipsi quam militi suo cuidam Nor-
l.7-manno nomine, et insuper cuidam ejus servo Herberto nomine quos secum adduxerat, societa-
l.8-tem nostram et participationem totius benefacti nostri per librum quendam tradidimus. Quo ille de-
l.9-vote suscepto, ut tanto dono remunerationem aliquantulam facere videretur, dedit ibidem
l.10 Deo et beato Martino atque nobis ipsius loci monachis, facta donatione sollemni prius in manu
l.11 domni abbatis Hilgodi, et postea super dominicum altare nostri monasterii, memoratum Herber-
l.12-tum servum suum qui inibi presens erat cum universis filiis et filiabus suis, quorum hȩc sunt nomina:
l.13 Isenbardus, Constantius, Stephanus, Adelaudus, Haimo,Umberga, Auburgis, Testha, item
l.14 Umberga, Doda, cum duabus frustis terrȩ ab omni consuetudine liberis, quorum unum dominus
l.15 suus Petrus pater hujus Stephani, alterum vero idem Stephanus ipsi Herberto dederat liberum a
l.16 consuetudine omni. Addidit etiam inibi eidem donationi, et dedit nobis molendinum Chapletum,
l.17 et domum Marchasii,cum omnibus ad eadem loca pertinentibus et insuper ad augmentationem eorum
l.18 locorum quantumcumque et nos potuerimus et hospites nostri potuerint extirpare et exartire
l.19 de silva qua eadem memorata loca videntur circumdari. Dedit igitur nobis boscum supra-
l.20-dictis locis contiguum tam ad extirpandum et exartiendum, ut dictum est, quam et ad univer-
l.21-sas necessarias usus nostras et hospitum nostrorum, excepto solo pastinatico porcorum hospitum nostrorum.
l.22 Jam enim pridem nobis dederat nostrorum propriorum porcorum pastinaticum, et decimationem totius
l.23 pastinatici sui, per omnes forestes suas. Cujus totius donationis testes sunt, ex parte ejus:
l.24 memoratus miles ejus Normannus et prefatus Herbertus. Ex parte vero nostra isti:
l.25 Arnulfus cellararius, Gausbertus Gazel, Lambertus Bodinus, Gausfredus Fergan, Gaul-
l.26-terius Biturigensis, Constantius, Burchardus, Guimundus. Sciendum sane quod tam superius
l.27 descripta duo locella, quam universa exarticia quȩ vel nos fecerimus ad augenda ea
l.28 vel homines et hospites nostri in prefata silva fecerint, nostra ex ipsius domni Stephani dono
l.29 erunt sic libera et soluta ab omni prorsus consuetudine, quam libera et soluta ipse loca
l.30 eadem eatenus habuit.

1

SALMON (A.), Appendice au Livre des Serfs de Marmoutier, Tours, 1864 (Mémoires de la Société archéologique de Touraine, 16), p. 169-170, n° 44.

BUHOT DE KERSERS (Alphonse), Histoire et Statistique monumentale du département du Cher, 8 vol., Paris, 1875-1898, t. 6, p. 253.