Pascal II, pape, confirme à l'abbaye d'Anchin ses autels et autres biens.

l.1 PASCHALIS, EPISCOPUS, SERVUS SERVORUM DEI, VENERABILI FILIO GELDUINO, ABBATI MONASTERII AQUICINNENSIS, EJUSQUE SUCCESSORIBUS REGULARITER SUBSTITUENDIS, IN PERPETUUM.
l.2 Religiosis desideriis dignum est facilem prebere consensum, ut fidelis devotio celerem sortiatur effectum. Proinde nos religiosa vestra desideria perpendentes juxta confratris nostri Lamberti venerabilis
l.3 Atrebatensium episcopi postulationem precibus vestris paterna benignitate prebemus assensum, ut monasterium vestrum in Atrebatensi parochia situm sub umbra semper tuitionis apostolicȩ foveatur. Per presentis igitur privilegii
l.4 paginam vobis vestrisque successoribus imperpetuum possidenda firmamus altaria seu beneficia ab episcopis tradita vel concessa sive ab aliis fidelibus de suo jure collata; videlicet altare de Vereto, altare de Obercicurte,
l.5 altare de Osgico, altare de Bruilo, altare de Caventinio, altare de Salci, altare de Inci, altare de Vuluth, altare de Barala, altare de Busi, altare Eschercin, altare de Templuvio, altare de Gernai,
l.6 altare de Vermella, altare de Bursa, altare de Vuandinio, altare de Divat, altare de Ballulo, altare de Hingis, altare de Gisbech, ipsam insulam Aquicinnensem et proximas villas, Piscium curtem scili-
l.7-cet et Veret, sed et Obercicurtem, dimidium teloneum de Duaco quod Ugo Cameracensis castellanus prefate ecclesie contulit annuentibus suis heredibus domno quoque Manasse Remorum archiepiscopo qui vices episcopi
l.8 eo tempore agebat Cameracensis, et Lamberto Atrebatensium episcopo, tres partes de villa quȩ dicitur Heninel, cum tertia parte decimȩ ipsius villȩ, duas carrucatas terrȩ in villa Albiniaco, unam
l.9 carrucatam [terrȩ] in villa Osgi, et duas partes decime ipsius villȩ, in villa Inci duas carrucatas et triginta hospites, et dimidium molendinum, et dimidium vivarium, in villa Mamberciis duas
l.10 carrucatas, [villam Fustoit, in] villa Alviler duas carrucatas, unam carrucatam in Frasnois, et unum molendinum, unam carrucatam in Poncels, et plures hospites, in villa Escher-
l.11-cinium duas carrucatas [et trans flumen] prope eandem villam unam carrucatam, duas carrucatas in villa Flers, et Curceles, tertiam partem ville Roz, quartam partem ville Dorges, di-
l.12-midiam villam Hamerim tam in [terra quam in aqua et tertiam partem] decimȩ, duas carrucatas in villa Lohes, similiter duas carrucatas in villa Gernai, et tertiam partem decimȩ, unam carrucatam in Rumblai,
l.13 villam Henremes, duas carrucatas in Noella et quandam partem silvȩ, [unam carrucatam in altera] Noella, dimidiam carrucatam in villa Lofres, et nonnullos hospites, decimam de Cavuenicurt et de Frasnes, cellam
l.14 sancte MARIE in Aimerias cum suis beneficiis, scilicet Vigin, Alta Villa, Beri, Urseniis, et Gisgoniis, cellam sancti Georgii prope castrum Hesdinium, cum beneficiis suis, donationes quoque Ingelramni comitis de castro
l.15 Hesdinio, de silvis, domibus, et aquis, et terra, sive de theloneo terrȩ suȩ quas cellȩ supradictȩ sancti Georgii [contulit] vel aliorum fidelium, sancti Salvatoris monasterio integras semper manere sancimus. Preterea quecumque idem ceno-
l.16-bium hodie legitime possidet, sive in futurum concessione pontificum, liberalitate principum, vel oblatione fidelium juste atque canonice poterit adipisci firma tibi tuisque successoribus et illibata permaneant,
l.17 salva Atrebatensis episcopi canonica reverentia. Sepulturam quoque ejusdem loci omnino liberam esse decernimus, ut eorum, qui illic sepeliri deliberaverint devotioni et extreme voluntati nisi forte excommunicati sint nullus
l.18 obsistat, nec pro communi parrochiȩ interdicto locus idem a divinis cesset officiis sicut per supradicti Lamberti fratris nostri Atrebatensis episcopi clementiam impetratrum est. Obeunte te nunc ejus loci abbate vel tuorum quolibet suc-
l.19-cessorum, nullus ibi qualibet surreptionis astutia seu violentia preponatur, nisi quem fratres communi consensu, vel fratrum pars consilii sanioris vel de suo vel de alieno si oportuerit collegio secundum Dei timorem et beati Benedicti
l.20 regulam elegerint. Ad hec adicientes decernimus ut nulli omnino [hominum liceat], idem cenobium temere perturbare aut ejus possessiones auferre, vel ablatas retinere, minuere, vel temerariis vexatio-
l.21-nibus fatigare, sed omnia [integra conserventur eorum, pro quorum sustentatione] et gubernatione concessa sunt usibus omnimodis profutura. Si qua igitur ecclesiastica secularisve persona hanc nostrȩ constitutionis paginam
l.22 sciens contra eam temere [venire temptaverit, secundo tertiove commonita], si non satisfactione congrua emendaverit potestatis honorisque sui dignitate careat, reamque se divino judicio existere de perpetra-
l.23-ta iniquitate [cognoscat, et a sacratissimo corpore] ac sanguine Dei et Domini redemptoris nostri Jhesu Christi aliena fiat, atque in extremo examine districte ultioni subjaceat. Cunctis autem eidem loco
l.24 justa [servantibus, sit pax Domini nostri] Jhesu Christi, quatenus et hic fructum bone actionis percipiant et apud districtum judicem premia eterne pacis inveniant. AMEN.
l.25 [Scriptum per manum] Rainerii, scriniarii regionarii et notarii episcopi sacri palatii.
l.26 [rota] Ego Paschalis catholicȩ ecclesiȩ episcopus subscripsi BLVT.
l.27 Datum Laterani, per manum Johannis sanctȩ Romanȩ ecclesiȩ diaconi cardinalis, VI idus novembris, indictione XIII,
l.28 incarnationis dominicȩ anno MoCIIII, pontificatus autem domni Paschalis secundi pape VIo.
l.29 [sceau].

JAFFE-LOEWENFELD, n° 5989.

COURTOIS (Michèle), Chartes originales antérieures à 1121 conservées dans le département du Nord, Mémoire de Maîtrise, Université de Nancy II, 1981, p. 177-178.

GERZAGUET (Jean-Pierre), Les chartes de l'abbaye d'Anchin (1079-1201), Turnhout, 2005 (Artem), p. 117-119, n° 23.