Pibon, évêque de Toul, confirme à l'abbaye Saint-Mansuy de Toul le don qui lui a été fait, par une veuve nommée Lancenna, de l'église et d'une partie d'un alleu à Bure, et d'autres biens dont des ornements liturgiques et un calice.

l.1 IN NOMINE SANCTE ET INDIVIDUȨ TRINITATIS, PATRIS ET FILII ET SPIRITUS SANCTI, P[ibo], Dei gratia Tullensium minister et servus, universis sanctȩ matris ȩcclesiȩ fratribus et filiis, perpetuitatem in Domino
l.2 catholicȩ dilectionis et pacis. Viam mandatorum Dei dilatato corde currentibus, specialiter inquirenda sunt salutarium testimonia preceptorum, quatinus innumeris
l.3 exerciis benefactorum, aperiatur eis janua regni cȩlorum, quoniam pro diversitate vitȩ, conversationis et morum, compensatur universis a remuneratore Deo retributio meritorum.
l.4 Semen enim Verbi Dei quod cecidit in terram bonam, generaliter se [cordibus in]fundendo fidelium, secundum varietatem ȩtatum, graduum et ordinum, diversa parit in diversis incremen-
l.5-ta provectuum, et in continentibus, quidem tricesimum, in viduis sexagesim[um, in virginibus] autem, propter prerogativam dignitatis, centesimum profert inviolabilis sanctimoniȩ fructum. Enimvero
l.6 quoniam sollicitudinis et officii nostri est, agrum dominicum salutaribus divinȩ predicationis imbribus irrigare, decet nos non solum recte gradientes ut in melius proficiant, monitis et ad-
l.7-ortationibus invitare, sed eciam desidiosis et simplicioribus bona eorum opera imitanda proponere. Tempore denique Teomari, abbatis venerabilis ȩcclesiam Beati Man-
l.8-sueti, solita nobis devotione petentibus occurrit matrona memorabilis, Lancenna nomine, ibidem in sancto viduitatis proposito felicem cursum peragens, humilis conversio-
l.9-nis et vitȩ, quȩ nostris pedibus provoluta suppliciter deprecata est, quatinus largitionem devotionis ejus, per manum nostram sancto altari beati Mansueti presentaremus, et ad remo-
l.10-vendam in posterum tocius calumpniȩ conjecturam, pontificalis auctoritatis testamento confirmaremus. Dederat itaque predicta matrona jam tempore Grimbaldi, abbatis,
l.11 ȩcclesiam et partem alodii de Bu, cum mancipiis et appendiciis suis, pro remedio animȩ conjugis sui Galfridi, ipso conjuge sic in vita sua disponente, et pro prebenda filii sui Garne-
l.12-ri ibidem tunc monachi, pro anima etiam Gerardi primogeniti sui, apud Vizeliacum defuncti, laude et assensu heredum suorum Dodonis et Lieburgis, quos nondum contracto
l.13 matrimonio in suo adhuc infantes fovebat contubernio. Hii autem sunt homines, ad alodium de Bu pertinentes: Herbertus cum uxore et filiis, Girberto et Stephano, Adalaidis
l.14 et Guntoidis soror ejus, cum filiis et filiabus, et quicumque eo tempore ex alodio de Bu transducti in Amerelli villa poterant reperiri. Elapsis ab obitu viri sui ferme quinde-
l.15-cim annorum curriculis, memorata matrona sicut supra diximus nos suppliciter convenit, et predictum donum per manum nostram presentialiter renovavit. Addidit preterea nobis
l.16 coram positis, duas puellas de predicto alodio, quas adhuc in suo retinens dotalicio, familiari diligenter confovebat obsequio, Bencelinam videlicet, quȩ desponsata est Durando,
l.17 et Leduidem, quȩ nupsit postea Josberto. De cetero ut in eadem ȩcclesia, celebrior ejus habetur memoria, multa eidem ȩcclesiȩ ornamentorum contulit insignia, cortinas tres
l.18 operosȩ coloratas quȩ a sanctuario per ambitum monasterii et turris protenduntur, albas lineas et subtiles duodecim, mantilia XIIcim, calicem aureum quindecim unciarum, cum
l.19 lapidibus preciosis, domum etiam elemosinȩ, peregrinis et hospitibus suscipiendis. Ne ergo laudanda fidelis matronȩ devotio, pio fraudetur desiderio, pontificali auctoritate
l.20 in generali constituimus sinodo, ne aliquis ex his aliquid temere minuere, vel violare presumat, alioquin sub vinculo nostri anathematis, ȩternam divinȩ maledictio-
l.21-nis dampnationem incurrat. Presentem denique descriptionem au[ctoritati]s nostrȩ sigillo decrevimus premuniri, deinde signis et testimonio nostrorum fidelium legi-
l.22-time roborari. Signum Pibonis episcopi. Signum Hugonis prim[icerii. Signum Riquini archidiaconi]. Signum Alberonis cancellarii. Signum Luctulfi decani. Signum Guillelmi magistri.
l.23 Signum Rainardi comitis. Signum Odelrici et Petri, fil[ii ejus de Briseio. Signum] Guidonis, Galteri, et Haymonis, fratrum de Rohorteio. Signum Milonis et Albrici, fratrum de Comma[r]-
l.24-ce[io. Signum] Valteri de Purneray. Signum Odelri[ci et Haym]onis, filii ejus de Novocastello. Ego Guillelmus, magister, dictavi, et in generali synodo recitavi.
l.25 Acta sunt hȩc Tulli, anno ab incarnatione Domini [MoXCoVIo], indictione IIIIa, epacta XXIIIa, concurrente IIo, anno ordinationis nostrȩ XXoVIIIo,
l.26 imperante Heinrico IIIo, duce Teoderico, comite Raynardo, regnante per secula domino Jhesu Christo. Feliciter. AMHEN.
l.27 [sceau].

1

CHOUX (abbé Jacques), L'épiscopat de Pibon : 1069-1107.- Nancy : Société d'Archéologie Lorraine, 1952, p. 223-225, n° 70.

SCHAEFFER (Michèle), Chartes de Saint-Mansuy de Toul, mém. maîtrise, Nancy, 1970, p. 122-128, n° 23.