Lille, AD Nord, 10 H 5 n° 33

<< < / > >>

Numéro440

Fiabilité de l'actenon suspecté

Genrecharte

Date02/03/1103(fiabilité :texte)

LieuArras(lat :Attrebati)

DiocèseArras

RégionNord/Pas-de-Calais

Supportparchemin

Chirographienon

Sceau sceau plaqué

Etat de la traditionoriginal

Hauteur à gauche496   mm

Hauteur à droite493   mm

Largeur en haut460   mm

Largeur en bas458   mm

AuteurLambert, évêque d'ARRAS

BénéficiaireAbbaye  de  MARCHIENNES

Regeste

Lambert, évêque d'Arras, confirme les autels de l'abbaye de Marchiennes.

Fac-similé

Texte

l.1 IN NOMINE PATRIS ET FILII ET SPIRITUS SANCTI, VERI AC SUMMI DEI. [croix] Ego Lambertus Dei miseratione
l.2 Attrebatensis episcopus, sepe et multum imploratus, satisfacere volui dulcissimis et dignis precibus domni Adalardi venerabilis
l.3 abbatis, de titulo beatorum apostolorum Petri et Pauli Marceniensis cenobii, ceterorumque fratrum ejusdem ȩcclesiȩ, ut altaria quȩ perso-
l.4-naliter et juste tenuerant dum Cameracensis ȩcclesia et haec cui nunc Deo auctore presidemus sub uno pontifice regerentur, liberali-
l.5-ter predicte congregationi firmaremus possidenda. Unde cum fidelibus nostris communicato assensu et consilio, tibi frater et fili
l.6 abba Adalarde, tuisque successoribus legitimis, regulariter viventibus, pro peccatorum nostrorum redemptione sine aliqua turpis lucri exactione
l.7 ipsa altaria non solum concedimus, verum etiam auctoritate qua non nostris meritis sed per divinam misericordiam presidemus, in per-
l.8-petuum possidenda confirmamus; ea tamen conditione, ut defunctis presbiteris sicut ratio exposcit et decreta precipiunt, alii qui digni sint
l.9 preesse, ab abbate ad episcopum deducantur, quibus cura animarum ab ipso episcopo gratis impendatur, salvo in omnibus jure Attrebatensis
l.10 episcopi, et redditibus ejus, et archidiaconi, ministrorumque ejus, preterea promittente nobis et profitente supradicto abbate sicut filio nostro caris-
l.11-simo, in privatis et publicis negotiis ȩcclesiae beatȩ Mariae Attrebatensis et in capitulo et extra capitulum fideliter et obedienter se deservi-
l.12-turum, si vocetur ab eadem ȩcclesia. Haec autem sunt nominatim altaria : in comitatu Flandrensi pago Letico, Lorgias, Alcis, Masengarba, Hainas;
l.13 in pago Attrebatensi, Batris; in comitatu Hainoensi pago Ostrevanno, Hanic, [Ascon], Hamaticum. Hȩc igitur altaria que in nominatis villis continentur,
l.14 ad ȩcclesiam Marceniensem pertinere notum sit tam futuris quam presentibus. Unde si quis post hanc nostram diffinitionem aliquod de altaribus istis
l.15 manu sacrilega a prefata ȩcclesia cui Deo disponente annuimus, alienare vel auferre aut pro eisdem altaribus aliquando pecuniam exigere, vel red-
l.16-ditus ipsorum imminuere presumpserit, anathema sit. Cujus rei gratia, pignus hoc fraternȩ caritatis humilitati nostrȩ volumus recompensa-
l.17-ri, quatinus audito obitu nostro, exequias, et tricenarium nostrum, successorum quoque nostrorum, necnon anniversarium, tam presentes
l.18 fratres et abbates eorum, quam ipsorum successores, perpetualiter et devote celebrare procurent. Sane quoniam in deterius defluunt tempora,
l.19 et actiones humanȩ non possunt venire in noticiam posterorum nisi per litteras, hoc libertatis donativum consignari libuit presente
l.20 pagina. Quod ut inconvulsum et sine refragatione permaneat, sigilli nostri impressione roborari, in augmentum etiam firmitatis annotari
l.21 testium subscriptorum nomina precepi. S. domni Lamberti episcopi. S. domni Clarenbaldi archidiaconi. S. Roberti archidiaconi. S. Aloldi abbatis Sancti Vedasti.
l.22 S. Hildeguini abbatis Aquicinensis. S. Alberti abbatis Hasnoniensis. S. Johannis abbatis de Monte Sancti Eligii. S. Odonis prepositi. S. Anastasii cantoris.
l.23 S. Roberti magistri. S. canonicorum Rogeri, Balduini presbiterorum. S. Algisi, Balduini, Arnoldi, Rogeri diaconorum. S. Roberti, Bernaldi, Gerardi, Hugonis, Anselli, Petri, subdiaconorum.
l.24 S. Walteri, Rodulfi, Bertulfi, Andreȩ, Petri, canonicorum. S. decanorum Mascelini, Athsonis, Guarneri, Johannis, Bonardi, Alardi, Balduini, Gerardi, Ra-
l.25-dulfi, Johannis de Duaco, Amolrici de Masten. Ego Lambertus Dei miseratione Attrebatensis episcopus relegi et subcripsi, [croix] et in nomine
l.26 Patris, et Filii, et Spiritus Sancti, propria manu confirmavi.
l.27 Actum Attrebati, anno ab incarnatione Domini et salvatoris nostri Jhesu Christi MoCoIIIo, indictione XIa, VIo nonae martii, anno autem pontificatus domni Lamberti VIIIIo.
l.28 [sceau].

Bibliographie

COURTOIS (Michèle), Chartes originales antérieures à 1121 conservées dans le département du Nord, Mémoire de Maîtrise, Université de Nancy II, 1981, p. 172-173.

TOCK (Benoît-Michel), Les chartes des évêques d'Arras : 1093-1203, Paris : Comité des Travaux Historiques et Scientifiques, 1991, (Collection de documents inédits sur l'histoire de France. Section d'histoire médiévale et de philologie; 20), p. 15-17, n° 9.

Responsable

Comment citer cette notice

Acte n°440 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°440»[En ligne] http://www.cn-telma.fr/originaux/charte440/. Date de mise à jour : 29/03/12.