Bernard, évêque de Lodève, donne à Saint-Victor de Marseille et à l'abbé Richard l'église de Saint-Grégoire, dans l'évêché de Rodez, qu'il avait rachetée à des laïcs moyennant 3000 sous du Puy.

l.1 In Dei nomine ego Bernardus, gratia Dei, Lutevensis episcopus, notum atque manifestum ȩssȩ volo cunctis hominibus quod censu et
l.2 ingenio atque labore meo redemi ecclesiam Sancti Gregorii que est in episcopatu Rutenensi, in territorio Valleoli, de manu lay-
l.3-corum consanguineorum meorum, Willelmi scilicet de Prevencheires qui terciam partem in ipsa ecclesia injuste et per invasionem
l.4 tenebat et dedi pro ipsa tercia par[te tr]ia milia solidorum podiensium ea intentione ut prefatam ecclesiam que male et inoneste
l.5 ordina[t]a erat, ego bene et libere [...]orem Dei et ejus servitium ordine, regula, perpetualiter ordinarem. Hanc igitur intentionem meam
l.6 complere cupiens, consilio et laude fratris mei Austorgii, dono, concedo ipsam ad presens terciam partem prescriptȩ ecclesiȩ quam ut prelibatum est
l.7 studio et substantia mea redemi venerabili abbati Massiliensi Richardo et per eum Deo et beatȩ Mariȩ atque sancto Victori martyri
l.8 Massiliensi necnon et successoribus et monachis predicti abbatis tam presentibus quam futuris, ut habeant et possideant et quicquid inde volu-
l.9-erint ad Dei servitium faciant. Debent [a]utem prefatus abbas et mon[achi] ejus semper [sc]ire quod per nullum alium nisi per me et parentes meos donum
l.10 hujus ecclesiȩ quod ego pro remedio peccatorum meorum et a[nim]abus parentum meorum illis facio adepti sunt, unde solliciti sint mihi et paren-
l.11-tibus meis hoc donum semper recognoscere et pro nostra salute ad Dominum [ex]orare. Sane si quis contra hoc nostrum donum veniens infringere
l.12 illud vel inquietare temptaverit cujuscumque sit generis, conditionis et ordinis [...] valeat vendicare, sed iram Dei omnipotentis incurrat, et
l.13 postea hec nostre donationis carta firma in ȩternum stabilisque permaneat. Actum est hoc VIto NONAS octobris, anno Domini millesimo
l.14 XCmoVo. S. Bernardi episcopi qui hoc donum fȩcit et firmavit et testes firmare rogavit. S. Austorgii.

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 6, Instr, col. 274.

MARTENE (Edmond) et DURAND (Ursin), Veterum scriptorum et monumentorum historicorum, dogmaticorum, moralium amplissima collectio, 9 vol., Paris, 1724-1733, t. 1, col. 552-555.

AMARGIER (Paul), Chartes inédites du fonds Saint-Victor de Marseille : XIe siècle, Université d'Aix-Marseille, thèse de 3e cycle, 1967, n° 96.