Bertrand, évêque de Fréjus, restitue à Saint-Victor de Marseille et à l'abbé Richard les églises Notre-Dame de Pignans, Notre-Dame la Daurade, Notre-Dame de Barjols, Notre-Dame de la Spéluque et d'autres églises situées dans la vallée de Carcès.

l.1 In Christi nomine. Notum sit omnibus sanctȩ ȩcclesiȩ filiis, tam presentibus quam et futuri[s], quod ego [Bert]rannus, Forojuliensis ȩcclesiȩ pontifex, cum ejusdem
l.2 ȩcclesiȩ clericis, post multas querimonias abbatum et monacorum [M]assiliensium, quas sepius de ȩcclȩsiis Sancte Mariȩ de Pignas
l.3 et Sanctȩ Mariȩ que dicitur Deaurata, et Sanctȩ Mariȩ de Bargolis, [qu]e juris ȩcclesiȩ Massiliensis erant, fecerunt, reddo, dono atque concedo
l.4 has predictas ȩcclesias Deo et sanctȩ Mariȩ et sancto Victori et monachis Massiliensibus, cum omnibus ȩcclȩsiis, rebus atque possessionibus,
l.5 ad easdem ȩcclesias vel ad clericos actenus inibi commorantes pertinentibus. Similiter reddo, dono atque concedo ȩcclȩsiam Sanctȩ Mariȩ
l.6 de Speluca et ceteras ȩcclesias, que sunt in valle que dicitur Carceris. Haec omnia, quia cognovimus jure et racionabiliter
l.7 ad Massiliensem ȩcclesiam pertinere, et supradictas ȩcclesias ab inreligiosis [cle]ricis s[ec]ulariter detineri, statuentes ad onorem Dei
l.8 religionem ibi statuere, omnipotenti Deo et sanctȩ Mariȩ et sancto Victori m[ar]tiri et monasterio Massiliensi et abbati
l.9 Ricardo et monachis, tam presentibus quam et futuris, in pred[i]cto monasterio commanentibus, reddo, dono atque concedo,
l.10 ut ipsi monachi in perpetuum habeant, teneant et [p]ossideant. S[i quis ver]o contra donationem istam, quam comm[...] consilio
l.11 clericorum nostrorum fecim[us], venire temptaverit, no[n valeat implere quod cupierit], sed insuper, nisi ammonitus resipuerit,
l.12 iram omnipotentis Dei incurrat, et a gremio sanctȩ matris ȩcclesiȩ se[par]atus [anatem]a fiat.
l.13 Facta carta donationis hujus anno ab incarnatione Domini millesimo LXXXVo, indicione VIII.
l.14 Signum Bertranni episcopi qui hanc cartam fieri jussit, et hoc signum manu propria fecit. Signum Amalrici prepositi.
l.15 Signum Bosonis canonici. S. Petri Rotfredi canonici. S. Wilelmi de Podiolo canonici. S. Jatberti canonici.
l.16 S. Wilelmi de Arcis canonici. S. Fulconis canonici. S. Johannis canonici. S. Guiranni canonici.