Manassès, archevêque de Reims, notifie que Gérard, évêque de Thérouanne, a cédé l'église Saint-Georges d'Hesdin à l'abbaye d'Anchin, et fixe les conditions de cette donation.

l.1 Cum pastoralis curae circumspectio immo apostolica invitatio nos operari bonum ad omnes indesinenter urgeat, circa tamen res aecclesiasticas nostra
l.2 potissimum insudare debet intentio, quatinus cum in extremȩ discussionis die in tuba angeli a sepulchris evocandos esse contigerit,
l.3 in oculis districti judicis fidentiores appareamus. Ego igitur Manasses nomine non meritis Remorum archiepiscopus tam his quorum prȩsentialis
l.4 existentia nos attingit, quam his quorum posteritas subsecutura expectatur notum fatio domnum Gerardum Morinensem episcopum ȩcclesiam sancti Georgii
l.5 juxta castrum Hesdinium sitam, cum omnibus quae tam a Rotberto Flandrensium comite quam ab Ingelranno aliisque quam pluribus eidem ecclesiae collata sunt,
l.6 domno Americo venerabili Aquicinensis coenobii abbati, suisque successoribus in cellam omni tempore libere possidendam consilio et assensu clericorum
l.7 suorum contradidisse, ita tamen ut singulis annis XII denarios pro respectu Taruennensi ȩcclesiae pretaxata aecclesia sancti videlicet Georgii persolvat.
l.8 Canonici quoque sancti Martini in cujus parrochia predicta dinoscitur esse aecclesia, accepta pro ejus commutatione aecclesia sancti Fusciani et quibusdam terris
l.9 huic largitioni consenserunt. Has itaque munificentias Philippus gloriosissimus rex in die natalis Domini post celebrata missarum sollemnia cum se dia-
l.10-demate cȩterisque regalibus indumentis in aecclesia sanctȩ Mariae Laudunensis exoneraret, astantibus episcopis quorum nomina supnotantur, ratas esse decrevit.
l.11 Nos autem utpote in episcopatu nostro Aquicinensem aeclesiam foventes, pontificali auctoritate interdicimus, ut nullus ei injuriam inferat, nullus
l.12 res ejus vel aecclesias quȩ tam a Gerardo Cameracensium episcopo quam ab aliis fidelibus ei collata sunt auferat vel invadat, nullus sub occasione
l.13 construendae abbatiȩ seu alio quolibet modo sancti Georgii ȩcclesiam prefatae Aquicinensi ȩcclesiae auferre presumat. Ut autem hoc decretum nostrum posteris
l.14 inconvulsum permaneat, auctoritate imaginis nostrae testimonioque fidelium corroborari decrevimus. S. Manasse Remensis archiepiscopi [croix]. S.
l.15 Hugonis Suessionensis episcopi [croix]. S. Elinandi Laudunensis episcopi [croix]. S. Philippi Catalaunensis episcopi [croix]. S. Rabodi Noviomensis episcopi [croix]. S. Ger-
l.16-vuini Ambianensis episcopi [croix]. S. Litaldi Silvanectensis episcopi [croix]. S. Lantberti Atrebatensis episcopi [croix]. S. Walteri Meldensis episcopi [croix]. Actum Laudu-
l.17-ni anno incarnati Verbi MLXXXXVI, indictione IIII, regnante Philippo gloriosissimo Francorum rege anno XXXIIII archiepiscopatus domni
l.18 Manasse anno primo.
l.19 Fulcradus cancellarius recognovit, scripsit et subscripsit.
l.20 [sceau].

COURTOIS (Michèle), Chartes originales antérieures à 1121 conservées dans le département du Nord, Mémoire de Maîtrise, Université de Nancy II, 1981, p. 157-158.

DEMOUY (Patrick), Actes des archevêques de Reims d'Arnoul à Renaud II, 997-1139, 3 vol., th. dact, Nancy, 1982, t. 2-2, n° 103, p. 294-296.

GERZAGUET (Jean-Pierre), Les chartes de l'abbaye d'Anchin (1079-1201), Turnhout, 2005 (Artem), p. 105-106, n° 14.