Marseille, AD Bouches-du-Rhône, 1 H 54 n° 259

<< < / > >>

Numéro4277

Fiabilité de l'actenon suspecté

Genrebulle

Date04/07/1079(fiabilité :étude diplomatique)

LieuLatran(lat :Lateranis)

DiocèseMarseille

RégionProvence/Alpes/Côte d'Azur

Supportparchemin

Chirographienon

Sceau bulle perdue

Etat de la traditionoriginal

Hauteur à gauche802   mm

Largeur en bas630   mm

AuteurPape Grégoire VII

BénéficiaireAbbaye  de  SAINT-VICTOR  de  MARSEILLE

Regeste

Bulle du pape Grégoire VII en faveur de Saint-Victor de Marseille et de l'abbé Bernard, confirmant tous les monastères, prieurés et châteaux dépendant de lui.

Fac-similé

Texte

l.1 Gregorius episcopus, servus servorum Dei, dilecto in Christo filio Bernardo, abbati monasterii [sancte Dei genitricis semperque virginis Marie, domine nostre, et beatorum] apostolorum Petri et Pauli,
l.2 apud [Massiliam], ubi sacratissimum corpus beati Victoris martiris requiescere creditur, tuisque successoribus ibidem regulariter promovendis in perpetuum. Superne miserationis respectu [ad hoc universalis ecclesie curam suscepimus et] apostolici moderaminis sollicitudinem gerimus, ut justis pre-
l.3-cancium votis attenta benignitate faveamus, et libramine et favore omnibus in necessitate positis, quantum, Deo donante, possumus, subvenire debeamus. Precipue autem de venerabilium locorum [stabilitate, pro debito honore summe et] apostolice sedis cui speciali jure adherent, quantum ex divino [adjutorio]
l.4 possibilitas datur, nobis pensandum et laborandum esse perpendimus. Proinde, justa peticionem tuam, prefato monasterio, cui tu preesse dinosceris, cum capellis circum jacentibus, videlicet Sancti Petri [quod vocatur ad Paradisum et Sancti] Andree Sanctique Ferreoli, hujus privilegia, presenti auctorita-
l.5-tis [nostre decreto], indulgemus, concedimus atque firmamus, statuentes nullum regum vel imperatorum, antistitum nullum quacumque dignitate preditum, vel quenquam alium audere [de his que eidem venerabili loco a quibuslibet] hominibus de proprio jure tam donata sunt vel in futurum, Deo miserante, collata
l.6 [fuerint, sub cujuslibet cause] occasionisve specie, minuere vel aufferre, et sive suis usibus applicare, vel aliis, quasi piis de causis, pro sue avaricie excusatione, concedere; [set cuncta que ibi oblata sunt] vel offerri contingerit, tam at te quam ab eis qui in tuo offico locoque suc-
l.7-cesserint, perenni tempore illibata et sine inquietudine aliqua volumus possideri, eorum quidem usibus, pro quorum sustentatione gubernationeque concessa sunt, modis omnibus profutura. [Nominatim etiam confirmamus eidem] monasterio Massiliensi monasterium Sancti Honorati et Sancti Genesii
l.8 apud Are[latas]; monasterium Sancte [Marie] et Sancti Verani [in Valle] Clusa; monasterium Sancte Mariae de Grausello apud Malaucena; monasterium Sancte Marie apud Sparronem; [monasterium Sancte Marie de Mandanvis]; monasterium Sancti Maximini, in comitatu Aquense; et, in Ispaniis, monasterium
l.9 Sancti Michaelis quod vocatur Adfalli, et monasterium Sancti Sebastiani im Penedes; in civitate Agathensi, monasterium Sancti Andree apostoli; in comitatu Ruthenico, monasterium Vabrense et monasterium Sancti Petri [et Sancti Leoncii]; in pago Albiensi, monasterium Sancte Sigolene, quod vocatur ad Grava; in Gaba-
l.10-litano, monasterium Sancti Martini quod dicitur Canonica; que, sicut a religiosis viris didicimus, ita a religione monastica fuerant destituta, ut non solum Dei nullum opus [regulariter minime celebraretur, sed etiam pene pro deletis], quod dici grave est, haberantur. Idcirco, tuo illa
l.11 monasterio, presenti auctoritate, cum omnibus ad se pertinentibus, im perpetuum duximus [...] monasteria susua monachos in predictis monasteriis Massiliensis abbas debeat deputare, qui et curam [illic Dei diligenter habeant, et opus Dei] regulari studeant institutione peragere, atque ita se in hiis,
l.12 [...] sicut convenit, exhibere, ut nec illos de neglectu nec abbatem de minori sollicitudine culpa confundat. Quicquid vero ad eadem monasteria per [...] cognoscis, [si ab aliquibus irracionabiliter detine]tur, ex [hac nostra auctoritate], repetendi exigendique atque tuo monasterio
l.13 vendicandi habebis per omnia, Deo juvante, licenciam, quia dignum est ut quorum curam geris rebus nullo modo frauderis. Sunt et alia monasteria que, studio et labore tam tuo quam predecessorum [tuorum, a seculari] conversatione ad regularem, Deo auxiliante, sunt reducta, videlicet,
l.14 in Hispaniis, monasterium Sancte Marie in loco qui dicitur Rivispollentis, et monasterium Sancti Stephani quod vocatur Balneolas, et in Tolosano, monasterium Soriçinum; in Albiensi, monasterium [Sancti Benedicti quod dicitur Castras], ubi sanctus Vincentius, levita et martir, requiescere noscitur. Volumus
l.15 itaque, immo decernimus ut, ad ordinationem atque correctionem eorum, tam tu quam successores tui vicem sedis apostolice gerere debeatis; in quibus si tales, quod absit, abbates [inventi fuerint, qui ab ea que] nunc vigent religione exorbitaverint vel dignum aliquid deposicione com-/16-miserint, unde correctionis vestre censsuram subire condempnant, diligentie vestre sit episcopum, in cujus diocesi monasterium fuerit, ad testimonium reatus illius vobis adhibere, et, [communicato concilio, eos racionabiliter] convictos a regimine habito summovere, si tamen episcopus
l.17 de ordinatione et mala vita non fuerit suspectus et infamatus, vel si forte causam illam malo ingenio magis impedire quam secundum Deum voluerit pertractare. Quod si aliquid horum obstiterit, [ne causa puniendi reatus indiscussa pretereat], sollicitudinis vestre sit eos ad examen apostolice sedis
l.18 judicandos adducere, quatinus, illis amotis, tales ibi, Deo auxiliante, debeas ordinare, quam locis venerabilibus valeant digne preesse. Confirmamus eciam eidem venerabili monasterio [quicquid in salinis Massiliensi civitati adjacentibus] simulque im portu, sive de navibus sive de piscatione, ad jus
l.19 ipsius monasterii, scilicet Massiliensis, pertinet, et Revestum juxta portum, et cellas et castella, tam ea que de antiqua ipsius monasterii possessione sunt reddite, [quam ea que a fidelibus de proprio] sunt jure collata, videlicet: in episcopatu Massiliensi, cellam Sancti Justi, et
l.20 cellam Sancti Mitri, et cellam Sancti Michaelis in Plano, et cellam Sancti Johannis ad Rocam Fortem, et cellam Sancti Petri justa castrum Auriol, et cellam Sancti Zacharie, et cellam Sancti Damiani, et cellam Sancti Johannis de Segia; in episcopatu Arelatensi, cellam Sancti Victoris de Mariniana, et cellam Sancti Leodegarii, et cellam
l.21 Sancti Victoris de Adana, et in Carmagis cellam de Villa Nova, et cellam Sancti Michaelis de Barcianiges, et cellam in territorio castri Morarii; in episcopatu Aquensi, juxta ipsum urbem, ecclesiam [Sancti Petri; item cellam Sancti Petri de Gardana], et cellam Sancti Ypoliti, et cellam Sancti Martini de Trivolans, et cellam
l.22 Sancti Saturnini de Gardasca, et cellam Sancti Anthonini de Bayda, et cellam Sancti Servi, et in valle Tretis cellam Sancti Petri de Favarico, et cellam Sancti Privati de Rosseto; [item cellam Sancti Poncii de Podio Lupario]; item cellam Sancte Trinitatis de castello Tretis; item cellam Sancte
l.23 Marie ad Saltum; in valle Sancti Maximini, cellam Sancti Mitri; item cellam Sancti Eucherii apud castellum Braz; item cellam Sancti Stephani de Torreves; item in valle de Brunolia cellam Sancte Marie et Sancte Perpetue, et cellam Sancti Petri, cum ecclesiis circumjacentibus, videlicet Sancti Johannis
l.24 et Sancte Marie de Campis et Sancti Benedicti de Gaisola; item cellam Sancti Stephani de Brusa, et cellam Sancti Victoris apud Guntardum, cum portu adjacente et navigio, et cellam Sancti Victoris de Cucurun; [item cellam Sancti Petri de Açana, et cellam Sancti Projecti de Lauries]; in villa Relliana cellam Sancte Crucis et cellam Sancti Mauricii
l.25 et cellam Sancti Mitri et Sancti Sepulcri; item apud Bellum Montem cellam Sancte Marie; in episcopatu Forojuliensi, cellam Sancte Marie de Villa Crossa, cellam Sancte Marie de Villa Alta, cellam Sancti Antonini, cellam [que dicitur] Levenun, cellam Sancti Petri de Arcubus, cellam Sancti Cassiani de Sala Laudamia, cellam
l.26 Sancte Marie im Plajone, et cellam Sancti Poncii de Fraxineto, cellam Sancti Torpetis, cellam Sancti Martini de Roca Bruna; in episcopatu Tolonensi, cellam Sancti Victoris de Insula, cellam Sancti Johannis de Ferleda, cellam Sancti Benedicti de Salinis apud Eiras, cellam Sancti Johannis de Petra Foco, cellam Sancte Marie de Scensa, cellam Sancte Marie de Gairelde, cellam Sancti Pon-
l.27-cii de Colubriera; item, in episcopatu Forojuliensi, cellam Sancte Marie de Barjamone, cellam Sancti Auxilii, cellam Sancti Martini de Coira; in episcopatu Regensi, cellam Sancti Martini de Lagninas, cellam Sancte Marie Sanctique Johannis de Aquina, que vocatur Saleta, [cellam Sancti Mauricii de Meiresca], cellam apud castrum quod vocatur Monasterium, cellam Sancti Stephani de Rejenia, cellam Sancti Petri de Archinçose,
l.28 cellam Sancti Martini de Broniec, cellam Sancti Trophimi, cellam apud Castellum Duplum, cellam Sancti Cassiani de Tavernas; in episcopatu Dignensi, cellam Sancti Michaelis in monte Crusonis, cellam Sancti Martini de Solia, cellam de Cadol, cellam Sancti Apollinaris [ad Closer]; in episcopatu Vapicensi, cellam Sancti Genesii de Dromone, cellam ad Ulmum Bel, cellam Sancti Asegii de Valerna,
l.29 cellam Sancti Domnini in valle [Toarçis], cellam Sancti Christofori ad Estradas, cellam Sancti Clementis ad Trescleus, cellam Sancti Petri de Reonia, in episcopatu Sistericensi, cellam Sancti Promaci de Forcalcer, cellam Sancti Marcellini de Nuacellas, cellam [Sancte Marie de Manuasca]; in episcopatu Aptensi, cellam Sancti Pauli, cellam Sancti Johannis de Campania, cellam Sancti Simphoriani; in episcopatu Ca-
l.30-valicensi, cellam Sancti Michaelis im Balma de Algot, cum altera cella de Sancta Fide, cellam Sancti Juliani; in episcopatu Carpentoracensi, cellam Sancti Romani; in episcopatu Ebridunensi, cellam Sancti Victoris de Cadurgas, [cellam ad Bredola, cellam Sancte Marie Sanctique] Johannis de Jocoronç; in episcopatu Seneç[ensi], cellam Sancte Marie de Petra Castellana,
l.31 cellam de Bagarres, cellam Sancte Marie de Mura; in episcopatu Glanatensi, cellam Sancti Petri de Bono Villari, cellam in castello Penna, cellam Sancti Poncii ad Annot, itam cellam Sancti Cassiani, cellam Sancti Sepulcri ad [Mugilos, cellam apud castrum Toramina; in episcopatu Vene]ciensi, cellam que dicitur ad Crotons, cellam Sancti Stephani de Gaterias,
l.32 cellam Sancti Petri de Gelata, cellam apud castrum Graulerias; in episcopatu Antipolensi, cellam Sancti Martini de Mognis, cellam Sancte Marie de Avivione; in episcopatu Nemaucensi, cellam Sancti Petri de Vicano, cellam Sancti Martini de Airas, [cellam Sancte Marie de Saumanna, cellam que vocatur ad Punctos]; in episcopatu Magalonensi, cellam Sancti Nazarii de Meduil; in episcopatu
l.33 Biterrensi, cellam Sancte Marie de Magalaç, cellam Sancte Marie de Summardes; in episcopatu Narbonensi, cellam Sancte Marie de Serra; in episcopatu Tolosano, cellam que dicitur Macerias; in episcopatu Albiensi, monasterium Sancte Marie de Ambileto, cellam que vocatur Puças, cellam Sancti Amancii de Canborç, cellam Sancti Prejetti, cellam Sancte Marie de Avinione, cellam que vocatur Romanorum;
l.34 in episcopatu Ruthnensi, monasterium Sancte Marie in Amilavo, cellam Sancti Michaelis de Castello Novo, cellam Sancte Marie de Podiolo apud Cambulaz, cellam Sancti Salvatoris ad Grande Folium, cellam Sancti Genesii super fluvium Olt, cellam que [vocatur Fuaguet, cellam Sancti Johannis ad Elnos]; in episcopatu Gabalitano, monasterium Sancti Salvatoris de Chirac, cellam
l.35 Sancti Fredaldi, cellam Sancte Marie de Nabilnas, cellam Sancti Petri de Lebeiac; castella etiam que subscripta sunt, et villas cum ecclesiis, prediis et pertinentiis suis, videlicet Cathedram, Citaristam [et Almis, et quicquid ad jus prefati] monasterii pertinet in Pennis, in Aureolo, Ornione, Nantis, Lassa, Madalgas,
l.36 Cuia, Molna, Signa, Belgenciaco, Solariis, Olivola, Sex Furnis, Curs, Castello Rogerio, item Pennis de Gaisola, Novulas, Brunuola, Rocos, Oleiras, Porcils, Castellaro, [Podio Nigro, Baida], Cabacia, Carnolas, Mota, Ciliano, Cesalio, Grimaldo, Cugullino, Mola, Mora,
l.37 Papia, Berra, Biseldunum et Scalam et castellum novum de Gigornç. Hec ergo omnia et preterea, sicut supradiximus, quecunque nunc habet atque in futurum, Deo adjuvante, habere contigerit, in quibuslibet rebus mobilibus vel immobilibus, per hoc apostolice auctoritatis privilegium prefato Massiliensi
l.38 monasterio confirmamus et corroboramus, ne silicet aliqua humana temeritate inde aliquid aufferatur, set in sua integritate omnia, custodiente Deo, sub tua tuorumque successorum salubri ordinatione ac dispositione permaneant. Insuper eundem venerabilem locum tali etiam libertate
l.39 donamus, ut nullus imperator sive rex seu dux seu marchio vel archiepiscopus aut episcopus, sive aliqua humana potestas, super eum aliquam violenciam vel potestatem exercere presumat, neque, obeunte abbate, alius ibi, quacunque obreptionis astucia, ordinetur, nisi quem fratres ejusdem cenobii, cum communi con[sensu, secundum] timorem Dei,
l.40 elegerint, et ad consecradum eum ipsi fratres advocent episcoum quemcunque voluerint, nec quovis modo quisque episcopus seu archiepiscopus locum ipsum seu capellas supradictas, [videlicet Sancti Petri et Sancti] Andree et Sancti Ferreoli, vel presbiteros ab abbate ibi constitutos vel monachos ipsius
l.41 [monasterii ex] communicare vel judicare audeat, set semper sub tutella et emunitate Romana soliusque Romani pontificis judicio consistentes, omnipotenti Deo quieti [et securi deserviant. A quocunque etiam episcopo voluerint] in opus consecraciorum in ipso loco agendarum crisma, oleum sanctum
l.42 [atque oleum infir]morum, necnon consecrationes altarium et capellas seu ordinationes monachorum tibi tuisque successoribus et ejusdem cenobii congregationi apostolica auctoritate concedimus [...]
l.43 [...]
l.44 [...]
l.45 [...]
l.46 [...]
l.47 [...]
l.48 [rota].
l.49 [Datum Lateranis, IIII nonas julii, per manus Petri], sanctȩ Romanȩ ecclesiȩ presbiteri cardinalis ac bibliothecarii,
l.50 [anno VII pontificatus domni VII Gregorii] pape, indictione II.

Bibliographie

JAFFE-LOEWENFELD, n° 5134.

GUERARD (Benjamin), Cartulaire de l'abbaye Saint-Victor de Marseille, 2 vol., Paris, 1857, t. 2, p. 214-220, n° 843.

Responsable

M.-J. Gasse

Comment citer cette notice

Acte n°4277 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°4277»[En ligne] http://www.cn-telma.fr/originaux/charte4277/. Date de mise à jour : 29/03/12.