Marseille, AD Bouches-du-Rhône, 1 H 52 n° 246

<< < / > >>

Numéro4265

Fiabilité de l'actenon suspecté

Genrecharte

Date21/08/1075(fiabilité :texte)

Lieunon identifié

DiocèseMarseille

RégionProvence/Alpes/Côte d'Azur

Supportparchemin

Chirographienon

Sceau non scellé

Etat de la traditionoriginal

Hauteur à gauche410   mm

Largeur en bas460   mm

AuteurRipertus, évêque  de  GAP

BénéficiaireAbbaye  de  SAINT-VICTOR  de  MARSEILLE

Regeste

Ripertus, évêque de Gap, fonde le prieuré de Trescléoux, et donne des terres à ce prieuré et à Bernard abbé de Saint-Victor de Marseille.

Fac-similé

Texte

l.1 IN NOMINE SANCTE et ind[ividue T]rinitatis. Ego RIPERTUS, [divine] gracie aspiratione compunctus, dum intra [memet]ipsum recogito pro peccatis
l.2 meis unde magis po[ssim] omnipotentem Deum placare, n[ichil a]d hoc utilius excogitando prospicio, [quam si de r]ebus meis, in vita mea,
l.3 talis inicietur oblatio, que sit aput ipsum anime mee [cotidi]ana sempiternaquȩ redemptio. Ea inten[ti]one, cum ipsius gracie divine
l.4 auxilio, in possessione mea que michi ex parentibus meis hereditario jure successit, cellam servorum Dei fundare desidero, quam
l.5 utinam Dei omnipotentis dignatio in monasterium pro[mo]veat et usque ad regularem congregationem clemencia sue pietatis excrescendo perducat,
l.6 et, sicut altare Noe, sacrificium Abrahe, holocaustum David templumque Salomonis, accipere in beneplacito suo dignetur. Igitur, in territorio
l.7 castri mei quod vocatur Trescleus, in monticulo ubi aecclesia sancte Marie jam incepta est, dono ipsum montem ab integro cum omni tenemento
l.8 suo ad alodem omnipotenti Deo et sancte Dei genitrici semperque virgini Mariae sanctoque Victori, gloriosissimo martyri, in monasterio
l.9 Massiliensi; et est ipse locus jamdictus in episcopatu Guapincensi, in territorio prescripti castelli quod appellatur Trescleus, ubi, cum Dei
l.10 [adj]utorio, monasterium fiat, in quo monachi habitent, psal[modias c]elebrent, sacrificium offerant, pauperes [re]creent, peregrinos susci-
l.11-pi[ant], et hec atque alia bonorum operum studia, secundum possibilitatem siv[e devotio]nem suam, juxta preceptum atque ordinationem abbatis sui id est Massilien-
l.12-sis, exerceant; quorum omnium anima mea et anime omnium pare[ntum meorum] participes in aeternum existant. Dono etiam omnem honorem
l.13 quem habet per me PONTIUS presbiter fideliter meus; similiter et omnes qu[icumque per me h]onorem habent sive habuerint, cujuscumque sexus sint aut con-
l.14-dicionis aut ordinis, quantumcumque ex eo quod per me habuerint, [dare ad sanctum] Victorem pro animabus suis voluerint, licenciam habeant. Quod si
l.15 alodem dederint, ego donacionem eorum firmo et roboro. Si fe[vum donave]rint ego eis ut Sancto Victori libere dare possint de ipso fevo
l.16 alodem facio, ut omnes mei fideles esse possint helemosine hujus particip[es. He]c omnia sicut suprascripta sunt, sive que data sunt sive que in futurum
l.17 a nobis sive a nostris donata fuerint, ad ipsum prefatum sancti Victoris martiris monasterium, videlicet terras cultas et incultas, cum pratis, pascuis, exiis et re-
l.18-gressiis, arboribus fructuosis et infructuosis, aquis et fontibus, montibus et vallibus, rupibus et collibus, et cum omnibus pertinentiis suis insuper nominatim,
l.19 in bosco vel defenso meo, quantum hopus habuerint monachi, sive ad domos construendas sive ad ligna utenda, et in aqua Blennenca pisca-
l.20-tionem, quantum necesse habuerint, et in quocumque loco illis molendinum edificare placuerit, faciant, habeant et possideant, et in cunctis aecclesiis,
l.21 que sunt in ipso territorio vel fuerint de ipso castro prenominato Trescleus, quantum ego habeo, quod juste sive legaliter offerre vel stabilire in ser-
l.22-vicium Dei debeo, sive in decimis, sive in primiciis vel offerendis et in cunctis aecclesiasticis omnino rebus, totum et ab integrum ad ipsum monasterium
l.23 sancti Victoris martiris offero, cedo et dono. Cuncta hec ego RIPERTUS, sicut suprascriptum est, dono omnipotenti Deo et sancte Dei genitrici Marie, sanctoque
l.24 Victori martiri et abbati B[ernardo], et successoribus ejus et monachis in monasterio Massiliensi Deo servientibus, tam presentibus quam futuris, pro salute anime mȩȩ
l.25 omniumque parentum meorum et omnium fidelium Christianorum, tam vivorum [quam eciam] defunctorum, in redemptionem omnium peccatorum nostrorum, ut habeant et pos-
l.26-sideant et sine ulla diminucione vel contrapellatione firmiter [...r]etineant, et pro nobis omnique plebe fidelium Dominum deprecentur. Si quis
l.27 autem quod absit hanc nostram helemosinariam donationem ymm[...f]idelium Christianorum communem oblationem minuere vel inquietare
l.28 temptaverit, nisi resipuerit anatema in perpetuum sit. Quod si elege[rit ut in p]eccato persistat, convictus legibus, sacrilegus et reus, que abstulerat
l.29 in dupplum restituat, et insuper omnes maledictiones que in ve[teri vel in no]vo Testamento leguntur, incurrat. EGO RIPERTUS GE-
l.30-RALDI, qui hanc donacionem firmavi et testibus fir[mare] rogavi. Isnardus firmavit. Bermundus, frater ejus, firmavit. Fa-
l.31-raldus firmavit. Poncius Adalbaldi firmavit. Pontius, presbiter parrochialis, firmavit. Leufredus et frater ejus Petrus firmaverunt. Ugo de Stela firmavit.
l.32 Raiambaldus firmavit. Facta est carta donacionis hujus anno incarnationis dominice millesimo LXXV, XII kalendas SEPTEMBRIS,
l.23 regnante domino nostro Jhesu Christo, cui est honor et gloria in secula seculorum, amen. Poncius Bonifilius firmavit.
l.34 RODBERTUS, SACERDOS ET MONACHUS, [ROGAT]US SCRIPSIT, JUBENTE BERNARDO ABBATE. [croix]

Bibliographie

GUERARD (Benjamin), Cartulaire de l'abbaye Saint-Victor de Marseille, 2 vol., Paris, 1857, t. 2, p. 74-76, n° 731.

Responsable

M.-J. Gasse

Comment citer cette notice

Acte n°4265 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°4265»[En ligne] http://www.cn-telma.fr/originaux/charte4265/. Date de mise à jour : 29/03/12.