Marseille, AD Bouches-du-Rhône, 1 H 51 n° 244

<< < / > >>

Numéro4264

Fiabilité de l'actenon suspecté

Genrenotice

Date02/06/1074(fiabilité :texte)

Lieunon identifié(lat :in cellam qu? vocatur Ad Sanctam Perpetuam)

DiocèseMarseille

RégionProvence/Alpes/Côte d'Azur

Supportparchemin

Chirographienon

Sceau non scellé

Etat de la traditionoriginal

Hauteur à gauche225   mm

Largeur en bas490   mm

Auteurenfants de Gérald Episcopalis

BénéficiaireAbbaye  de  SAINT-VICTOR  de  MARSEILLE

Regeste

Transaction entre Bernard abbé de Saint-Victor de Marseille et les enfants de Gérald Episcopalis, petits-enfants d'Inguilrannus évêque de Cavaillon, au sujet de biens situés à Bruniola, que leur aïeul et ensuite leur père avait donnés à Saint-Victor de Marseille avec un nouvel accord passé sous l'abbé Richard.

Fac-similé

Texte

l.1 IN NOMINE SANCTE ET INDIVIDUE TRINITATIS. Carta memorialis de placito quod factum est inter Bernardum abbatem et monachos sancti Victoris et infantes Geraldi qui vocatus est Episcopalis, et difinicionem
l.2 inter eos. In primis ostensa est scriptura, ubi legebatur quod Inguilrandus episcopus donaverit ȩcclesiȩ vel monasterio sancti Victoris Massiliensis, omnem suam hereditatem vel porcionem quam habebat in Bruniola vel
l.3 adjacenciis ejus, pro anima sua. Contradixerunt nepotes predicti episcopi Inguilranni et amici eorum. Iterum monstraverunt monachi aliam scripturam, per quam donavit predictus Geraldus Episcopalis, pater eorum, totam suam
l.4 partem de omni dominicatura patris sui, cum omni decimo, et unum mansum optimum quem excoluit homo, Vitalis nomine, cum omni decimo, et cum omnibus pertinenciis suis; quȩ omnia sunt in villa sive in territorio de Brunio-
l.5-la; et adhibuerunt testes donacionis hujus adhuc viventes. Iterum non consenserunt filii prȩdicti Geraldi Aicardus et Laufredus et amici eorum. Parati fuerunt abbas et monachi defendere cartas et auctoritates suas.
l.6 Exclamaverunt omnes viri boni et seniores, qui aderant, quia peccatum tesaurizabant sibi predicti filii Geraldi, quia destruebant elemosinam patris sui et avii sui. Tandem recognoscentes peccatum suum et
l.7 justiciam sancti Victoris, inito salubri consilio, laudantibus et consiliantibus amicis atque tutoribus suis cum multis bonis viris qui aderant, venerunt ante abbatem et monachos predicti filii Geraldi Aicardus
l.8 et Laufredus, et dereliquerunt et guirpiverunt sive reddiderunt, promto animo et bona voluntate, omnem illam hereditatem atque porcionem quam habuit In[gui]lrannus episcopus, avus eorum, in castro et villa et ter-
l.9-ritorio de Bruniola et in cunctis adjacenciis ejus, quantum habuit pater eorum Geraldi, vel alii per eum. Item abbas et monachi, per consilium bonorum virorum, reddiderunt eis ad fȩvum hȩc omnia misericorditer, in tali conveniencia,
l.10 ut qualiscumque illorum sine herede legitimo de corpore suo mortuus fuerit, pars ejus remaneat ad sanctum Victorem et ad monachos ejus; similiter et de sororibus et filiis et filiabus eorum semper hereditas illius quem vel quam sine
l.11 filio legitimo mori contigerit, a sancto Victori sine diminutione remanebit. Retinuerunt autem abbas et monachi, in signaculo ad dominicaturam sancti Victoris, que non reddiderunt illis in condamina que fuit Inguilrandi episcopi, ad
l.12 Malpas, duas modiatas de terra in parte quam elegerint monachi, et una modiata de vinea, in terra de manso qui fuit de Auranno vetere, et in bosco de Avolanniaz, quando colliguntur ibi circuli, VI saumatas. Hȩc omnia,
l.13 sicut suprascriptum est, ego Aicardus et frater meus Laufredus donamus et guirpimus et confirmamus omnipotenti Dei et sanctȩ Mariȩ et sancto Victori martiri et abbati Bernardo et successoribus ejus et monachis in monasterio Massiliensi Deo servientibus,
l.14 tam presentibus quam futuris. Et ego Bernardus abbas, cum consilio fratrum nostrorum, donamus et reddimus vobis hȩc omnia, secundum suprascriptam convenienciam, ad fidelitatem sancti Victoris et congregationis ejus, ad fȩvum, excepto retine-
l.15-mento suprascripto, et ut non possitis dare sive inguadiare vel alienare, nisi ad monachos sancti Victoris. Facta est diffinicio hȩc et guirpicio sive redditio anno ab incarnacione Domini millesimo LXXmo IIII, IIII NONAS JUNII,
l.16 publice, in cella quȩ vocatur ad sanctam Perpetuam, presentibus senioribus et vicinis, Pontio Godfredi, Carbonello, Aicardo de Guarda, Aldegario Nizezio et cȩteris multis; et iterum, ipso die, alia vice, in Bruniola,
l.17 presentibus senioribus et vicinis, domno Wilelmo Struberia et domno Poncio, fratre ejus, et multo populo laudantibus et confirmantibus. In nomine Domini amen. Aicardus, filius Geraldi, et Laufredus frater suus, firmaverunt
l.18 et firmatores rogaverunt. Poncius Godfredus f[irmavit]. Aldigerius f[irmavit]. Carbonellus f[irmavit]. Guilelmo Ainardo fir[mavit]. Nizezius fir[mavit]. Bertrannus Guilelmo fir[mavit]. Virdilions fir[mavit]. Aicardus presbiter f[irmavit].
l.19 Guilelmo Silvagnus f[irmavit]. Martinus Episcopalis f[irmavit].
l.20 Post mortem autem abbatis Bernardi, Aicardus et Laufredus supradicti dixerunt se non consulte fecisse, quia pueri essent, et interpellaverunt supradictum honorem. Aldigerius quoque, avunculus ipsorum, dixit eundem
l.21 abbatem Bernardum sibi convenisse, ut si partem istius honoris quam Wilelmus Streubeira tenebat, redemisset, eundem aver abbas redderet, et pro hac causa omnem honorem supradictum cum nepotibus suis contra-
l.22-pellavit et monachis molestus fuit. Unde Ugo Wilelmi monachus, cum jussu domni abbati Ricardi, fecit placitum cum eis per CL solidos den[...]lguires, et guerpierunt honorem jamdictum, et cartam firmaverunt et hoc donum
l.23 Wilelmo Streubeira firmare fecerunt, in presencia Aicardi de Guardia et Carbonelli Coixardi et Wilelmi Ainardi.

Bibliographie

GUERARD (Benjamin), Cartulaire de l'abbaye Saint-Victor de Marseille, 2 vol., Paris, 1857, t. 1, p. 355-357, n° 341.

Responsable

M.-J. Gasse

Comment citer cette notice

Acte n°4264 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°4264»[En ligne] http://www.cn-telma.fr/originaux/charte4264/. Date de mise à jour : 29/03/12.