Hugues, Jordana son épouse, Bertrand et Aicelina son épouse, Geoffroi Laugerius et Aranberta son épouse, donnent à Saint-Victor de Marseille des terres situées à Lambesc au comté d'Aix, et des vignes.

l.1 Auctoritas et enim jubet aecclesiastica et lex precepit romana, ut quicumque rem suam in alicujus transfundere
l.2 voluerit potestatem per paginem testamenti eam infundat, ut prolixis temporibus secura et quieta permaneat. Unde
l.3 mos in orbem diffusus apparet, ut quisquis rem suam dono aut precio alicui inpertiri desiderat, non solum suo ore
l.4 sed eciam conscriptis membranulis et titulatis assertoribus actum suȩ donacionis confirmet. Quapropter ego Ugo
l.5 et uxor mea Jordana, unacum filiis nostris, videlicet Gaufredo et Maria, hac designata auctoritate donamus
l.6 Deo et sancto Victori et Pontio Stephano, habitatori illius loci, et successoribus ejus de terra arabili modiatas
l.7 II, in commitatu Aquensi, in castro quod nominant Lanbiscum, in valle Sanctae Mariae. Et sunt consortes:
l.8 ex una parte, terra Petri Johannis; ex alia parte, vinea Sancte Mariae, atque, ex alia parte, podium Sanctae
l.9 Mariae. Hoc donamus pro redemptione animarum nostrarum vel parentum nostrorum atque filiorum nostrorum.
l.10 E[t] pro ista terra dedit Pontius Stephani Ugoni vacam XXti solidorum.
l.11 Ut Ugo dedit decimam de suo clauso de Cairata sancto Victori et Pontio Stephano, et abuit inde
l.12 duos solidos denariorum, e[t] dedit terram de Gustino, et donavit terram de Vennas.
l.13 Ego Bertrannus et uxor mea Aicelena et filii nostri donamus terram justa Sanctum Victorem Adalo.
l.14 Ugo firmat. Rannulfus firmat. Guigo firmat. Et pro ista terra dedit Pontius Stephani solidos III.
l.15 Ego Godfredus Laugerius et uxor mea Aranberta et filii nostri donamus vineam cum ipsam terram
l.16 a Sanctum Victorem Adalo, a Pontio Stephano, que facit Vilelmus Rascabona.
l.17 Et donamus alia terra justa sanctum Victorem Adalo, q[uam habent] de Pontio Desderio, ab consilium Petrus,
l.18 Vilelmus et Bertrannus. Petrus et soror ejus firm[ant. Ego] Laugerius firmat. Bertrannus firmat. Vilelmus Pon-
l.19-tius firmat.