Divers personnages dotent l'église Sainte-Marie dans le territoire de Saint-Maximin, au comté d'Aix, que l'archevêque d'Aix Rostaing consacre.

l.1 Postquam Dominus pro redemtione humani generis periclitantem visitare dignatus est mundum ita eum per preceptores suos spiritualibus documentis voluit robo-
l.2-rari atque muniri, ut semper cautos atque sollicitos contra impiissimi hostis insidias possit habere, quos sua gratuita pietate redemit. Unde et ex duo-
l.3-decim quos ad tuendum gregem elegit apostolis unum precipue videlicet beatum Petrum apostolum, super ȩcclesiam suam instituit, cui potestatem regni celorum
l.4 tradidit dicens: Tu es Petrus et super hanc petram hedificabo ecclesiam meam, et porte inferi non prevalebunt adversus eam. Et tibi da-
l.5-bo claves regni cȩlorum, et quodcumque ligaveris super terram, erit ligatum et in caelis; et quodcumque solveris super terram, erit solutum et in
l.6 caelis. Quem etiam trina interrogatione Dominus ter asserentem se diligere comprobans, proprias ei oves commisit dicens: Si diligis me, pasce
l.7 oves meas. Unde idem pastor egregius post Domini nostri resurrectionem atque in caelos gloriosissimam et admirabilem ascensionem earumdem
l.8 ovium curam suscepit, et tota virtute mentis ac corporis contra rapacium luporum insidias die noctuque per vigil pro eisdem omnibus insistere
l.9 non desistit, et quoniam Dominus ecclesiam suam super eum hedificare praedixit, ipse primus ad congregandas vel ad tuendas sibi commissas oves
l.10 dominicam aulam instituit, quam ideo quod ecclesiam continet ecclesiam vocare disposuit, et devotissimis sanctionibus ut Christi spon-
l.11-sam exornatam dotibus Domino consecravit. Cujus posteri patres roborati exemplo per universum orbem Dei hȩdificari ecclesias institu-
l.12-erunt, quas cum honorificis dotibus sacerdotali benedictione ad Christi exibenda servicia dedicari sancxerunt. Quia, sicut dignum est
l.13 Deo sacrifitium offerri, ita providendum est ubi offerri debeat, quia locus veri sacrificii non est extra catholicam ecclesiam, dicente ipso
l.14 Domino: Domus mea domus oracionis vocabitur. Quapropter quidam fideles Dei, videlicet monachi monasterii sancti Victoris, deposcunt
l.15 reconciliari ecclesiam sanctȩ Mariȩ, quȩ est constructa in comitatu Aquensi, in territorio Sancti Maximini, quam stulticia pessimorum hominum
l.16 violatam cognoscimus. Unde domnus Rostagnus, Aquensis presul, cum canonicis suis, precibus predictorum monachorum commonitus, anno incarna-
l.17-ti Verbi millesimo LXII, sub die VIII idus decembris, indicione XV, hanc violatam consecrando reconciliavit ecclesiam. Cujus amonitione in
l.18 Christo, domnus Giraldus, cognomento Palliolus, et Wilelmus Broceanus ac frater ejus Alfandus, Ricaus quoque cum uxore sua, Aymitrude nomine, necnon
l.19 et Isnardus, qui vocitatur Male Amat, hi omnes, pro redemtione animarum suarum, concedunt in dotem huic ecclesiae de terra arabile duos cam-
l.20-pos, quorum unus est ad puteum ubi dicitur Rabuganea, qui determinatur consortibus, ex una parte terra Arnaldi, et ex altera Gayraudi;
l.21 alter vero campus est juxta alterum, interposita via, qui terminatur, ex uno latere, terra Ebrardi, et ex altero Augerii, et si qua sunt consorcia.
l.22 Simili quoque modo Poncius de Castello Vero, cu uxore sua, concedit huic ecclesiȩ unam semodiata vineȩ in ipso territorio, in loco qui dicitur Mala
l.23 Vallis.
l.24 Sane si quis ex is donationibus aliquid futuris temporibus violare certaverit, omnipotentis Dei tutamine victus, nequeat implere quod inique fuerit vio-
l.25-lare conatus, sed pro malȩ voluntatis affectu sit omni facultate sua damnatus.
l.26 Sig[croix]num Gerallus Palliolus fir[mavit] et uxor sua Laugarda fir[mavit]. Sig[croix]num Wilelmus Broceanus ac frater ejus ȩlefantus fir[maverunt]. Sig[croix]num
l.27 Ricaus et uxor sua Aymitrude fir[maverunt]. Sig[croix]num Isnardus fir[mavit]. Sig[croix]num Arnurfus fir[mavit]. Sig[croix]num Poncius Peculos de Regina fir[mavit].
l.28 Sig[croix]num Isnardus et frater ejus Gofredus fir[maverunt]. Sig[croix]num Poncius de Castel Vȩr fir[mavit]. Sig[croix]num Wilelmus de Olivoles fir[mavit].
l.29 Pontius Lautardus fir[mavit].