Gui Truannus, Gisla son épouse, Pons, Hugues, Pierre et Guillaume ses enfants, et alii, donnent à Saint-Victor de Marseille l'église Saint-Victor située à Villehaute, dans le territoire d'Ampus, au comté de Fréjus, avec tous les biens, dîmes et redevances en dépendant.

l.1 [chrisme] Euvangelica auctoritas et divina sunt precepta pro terrenis cȩlestia, pro transitoriis ȩterna debere adquiri, veritate adtestante qui ait: Facite vobis
l.2 amicos de mamona iniquitatis, ut, cum defeceritis, recipiant vos in ȩterna tabernacula, et item: Tesaurizate vobis thesauros in cȩlo, ubi nec erugo, nec tinea demo-
l.3-litur, et ubi fures non effodiunt nec furantur, et item: Date elemosinam, et ecce omnia munda sunt vobis. Quapropter, ego Wido Truannus et uxor mea Gisla et filii nostri
l.4 Pontius, Ugo, Petrus, Wilelmus, et ego Ilsiars et uxor mea Widburga, et ego Pontius de Vegnis et uxor mea Aran-
l.5-trudis et filius noster Gualterius, et ego Rannulfus Ascherius et uxor mea Beatricis,
l.6 pro redemptione animarum nostrarum et genitorum ac genitricium omniumque parentorum nostrorum, et ut omnipotens Deus det nobis remissionem omnium peccatorum nostrorum, donamus aliquid de
l.7 alode nostro omnipotenti Deo et sancti Victoris martiris monasterio Massiliensi, monachis quoque ibidem Deo servientibus, tam presentibus quam et futuris, ȩcclesiam scilicet in hono-
l.8-re sancti Victoris martiris dicatam, que est sita in loco qui antiquitus vocatur Villa Alta, cum terris cultis et incultis, cum pratis et pascuis, cum exis et regressis, cum stagnis et
l.9 fontibus, cum arboribus fructiferis et infructiferis, cumque locis determinatis, et omnia que in presenti supradicta ȩcclesia habet et quicquit in futuro adquirere potu-
l.10-erit, omnia tradimus, cedimus atque transfundimus jure perpetuo. Et est ipse alodis in comitatu Forojuliensi, in territorio de castro que vocatur Empuris.
l.11 Et sunt termini hujus donationis: ab oriente, sicut currit aqua que exit de Olmeta usque in viam que venit de Empuris per Vallem Securam; ex meridiana parte, juxta pratum
l.12 Gualafredi presbiteri, sicut vadit in directum ad vallonem in campum Aimarici, et pergit in directum usque in cacumen montis super stagnum, et pergit per ipsum montem in directum usque ad
l.13 radicem de Poio Rotundo; ab occidente, descendit per vallonem et pergit ad Pontem Fractum; a septentrione, pergit per viam publicam et vadit per claperios que sunt
l.14 inter campum de sancta Maria et terram sancti Victoris, et vadit in directum justa planiciem de Terra Rubia, et pergit in viam que supra diximus de Valle Secura.
l.15 Hec igitur omnia, sicut suprascriptum est, nos supradicti donatores, propter celestes promissiones et peccatorum nostrorum remissiones, et ut monachi sint apud Deum pro nobis intercesso-
l.16-res, donamus, cedimus atque funditus perpetualiter, subnixa firmitate, roboramus in liberam potestatem supradictorum monachorum, ad servicium Dei omnipotentis et omnium
l.17 sanctorum, precipueque sancti Victoris ejusque sociorum. Ego quoque Wido Truannus et uxor mea Gisla, cum filiis et filiabus nostris, necnon ego Elsiars, et ego Pontius de Vegnis, et ego
l.18 Rannulfus Ascherius, cum uxoribus et filiis et filiabus nostris, omnia que infra supradictos terminos habere videmur, tam in fevo quam in alode, similiter donamus omni-
l.19-potenti Deo et sancto Victori, ejus martiri glorioso, monachis quoque ejus, tam presentibus quam et futuris, ut orent omnes pro salute nostra parentumque nostrorum, tam vivorum quam et defunctorum.
l.20 Igitur ego Wido Truannus, cum uxore et filiis et filiabus meis, dono foris ista terminia, de mea hereditate, de terra erma quantum homines supradictȩ ecclesiȩ potuerint laborare,
l.21 et de ipso labore, pro remedio animȩ meȩ, decimum et tascham dono supradicte ȩcclesiȩ. Sane si quis contra hanc donationem helemosinariam in causam nisus fuerit insurgere
l.22 contrariam, non valeat vindicare quod appetit, sed constrictus in vinculis cogatur auri obtimi libras solvere XXti, et insuper cum Juda traditore et cum Pilato Christi crucifixore, penas
l.23 luat ȩternas, nisi cum satisfactione resipiscat ad emendationem. Nos ergo supradicti [do]natores hanc cartam fieri jussimus, manuque propria firmavimus atque testes idoneos
l.24 firmare rogavimus. Signum Widonis et filiorum ejus qui firmaverunt. Uguo Amelius firmavit. Daidonatus firmavit. Miro firmavit. Pontius Trochetus firmavit.
l.25 Facta carta ista ab incarnatione Domini anno millesimo LVIII, indicione XI, epacta XXIII, in mense marcio.
l.26 PETHROS SCRIPSITH.

l. 26, souscription du scribe en caractères grecs.