Guillaume de La Roque, fils de Chetbertus et d'Aramberta, donne à Saint-Victor de Marseille tout ce qu'il lui appartient dans la villa Saint-Julien, au territoire de Fréjus.

l.1 Ego Guilielmus, Chetberti et Arambertae quondam filius de Larroca, pro remedio animae meȩ et pro animabus parentum meorum dono Deo et sancto Victori
l.2 Massiliensi monachisque ejus coenobii, tam presentibus quamque futuris, videlicet totam illam partem quae me contingit, in villa de Sancto Juliano, quae est in terri-
l.3-torio Forojulensi sita, in ȩcclesia ipsa, et in campis et in vineis, in pratis et garricis, arboribus fructiferis et infructiferis, in terris cultis et incultis,
l.4 et insuper in ipsis petris. Ego jamdictus Guilielmus, in vita mea, et post mortem donavi sancto Victori prescripto, ejusque
l.5 monachis presentibus atque futuris, prenominatam partem meam quam videor habere in jamdicta villa de sancto Juliano. Ea scilicet ratione, ut ipsi eandem
l.6 habeant, et sine ulla contrapellatione teneant et possideant in perpetuum. Hanc donationis cartam scribi precepi, et manibus propriis firmavi,
l.7 aliosque firmare rogavi. Si quis autem hanc donationem annullare temptaverit, vel in aliquo decurtare, aut inquietare presumpserit, non valeat
l.8 vendicare quod voluit, sed iram Dei omnipotentis incurret, nisi digna satisfactione emendaverit.
l.9 Acta est autem haec donatio anno ab incarnatione Domini nostri Jhesu Christi millesimo LoVII, epacta prima, indicione VII,
l.10 et regnante Heinrico Allemannorum rege, Chuonradi regis quondam filio. Feliciter.
l.11 Amalricus presbiter de Affuello firmavit. Guilielmus Vincentius fir[mavit]. Borrellus de Pinu fir[mavit]. Guilielmus de Pinu fir[mavit]. Aimaricus de Bolcodene fir[mavit].