Marseille, AD Bouches-du-Rhône, 1 H 34 n° 159

<< < / > >>

Numéro4187

Fiabilité de l'actenon suspecté

Genrecharte

Date1056(fiabilité :texte)

Lieunon identifié

DiocèseMarseille

RégionProvence/Alpes/Côte d'Azur

Supportparchemin

Chirographienon

Sceau non scellé

Etat de la traditionoriginal

Hauteur à gauche244   mm

Largeur en bas507   mm

AuteurMoine Adalmodis et Hildisindis, soeurs de Raimbaud archevêque d'Arles

BénéficiaireAbbaye  de  SAINT-VICTOR  de  MARSEILLE

Regeste

Adalmodis et Elesindis, religieuses, avec le consentement de Raimbaud archevêque d'Arles et de Foulques leurs frères, donnent à Saint-Victor de Marseille leur part héréditaire du bien de feu Boniface leur père, soit un domaine sis au quartier de Spaliano à Marseille, et la villa dite Lasa (aujourd'hui Roquevaire) au bord de l'Huveaune, avec l'église Saint-Vincent, et tous ses biens.

Fac-similé

Texte

l.1 [chrisme] In Dei ȩterni nomine. Constat quidem antiquitate legalique esse decretum institucione ut si cuipiam venditionis aut commutationis vel excambiationis causa, placuerit transferre suas res vel sua
l.2 patrimonia in alterius potestatem procuret id agere descriptionis, titulo quatenus omnibus succedentibus ejus testimonio clarescat qualiter hujuscemodi negotium ab utroque sit actum ȩquo animo atque bona
l.3 voluntate immo ut et ipsa res insolubili atque inextricabili nodo tenatitatis in seculorum secula valeant permanere. Quapropter nos due sorores ambe Deo dicatȩ videlicet Adalmois et Elesindis
l.4 pro amore Dei omnipotentis et remedio animarum nostrarum parentumque nostrorum donamus sanctȩ Dei genitrici Mariȩ et sancto Victori martiri Massiliensi et monachis ejus tam presentibus quamque futuris cum consilio
l.5 et consensu fratrum nostrorum, domni videlicet Raimbaldi, Arelatensis archiȩpiscopi, et Fulconis et fratris ejus, omnem nostram hereditatem quȩ nobis obvenit hereditario jure patris nostri Bonifacii, ad propri-
l.6-um alodem. Et est ipse alodis sive ipsa hereditas in territorio Massiliensi, in loco qui dicitur Spalians, omnia que nobis pertinent quȩque fuerunt patris nostri predicti Bonifacii, in campis et vineis, terris cultis et
l.7 incultis, arboribus pomiferis et inpomiferis ut fuerunt patris nostri et nostra, ab integro tradimus et donamus predicto monasterio Sancti Victoris et monachis ejus in perpetuum possidenda. Item in commitatu ejusdem
l.8 urbis Massiliȩ, villam quȩ vocatur Lasa, quȩ sita est super fluvium qui nuncupatur Vuelna, cum ȩcclesia Sancti Vincentii et cum altaribus in eadem ȩcclesia dedicatis, cunctisque in territorio ejusdem villȩ nobis pertinentibus
l.9 et ex paterna hereditate nobis succedentibus scilicet in terris cultis et incultis, campis, vineis, pratis, ortis, molendinis, arboribus pomiferis, et inpomiferis, aquis aquarumve decursibus et in omnibus
l.10 omnino rebus ad eundem locum pertinentibus, ea omnia quȩ nobis pertinent jure hereditario in perpetuum possidenda eidem monasterio. Quȩ villa habet consortes: ex uno latere, territorium villȩ que dicitur Alba-
l.11-nea; ex alio, terras de Auriol castello; de tercio, montem magnum Guarnaban vocitatum.
l.12 Sane si nos aut heredes nostri aut aliqua persona venerit ad irritanda hȩc, in primis ira Dei incurrat, et cum Juda Scarioth et Datan, et Abiran, ȩterni ignis poenas sustineat, nisi
l.13 penisus fuerit et emendaverit, insuper componat in vinculo auri obtimi libras XX, insuper hȩc carta firma et stabilis in ȩternum permaneat.
l.14 Facta donatio hȩc anno dominicȩ incarnationis millesimo LVI, inditione VIII, regnante Henrico rege Romanorum. Signum duabus sororibus predictis donatricibus, Adalmois videlicet et Elesin-
l.15-de, quȩ hanc donationem fecerunt, et propriis manibus firmaverunt, et testes firmare re rog[averunt]. Domnus Raimbaldus archiȩpiscopus fir[mavit]. Fulco frater ejus fir[mavit].
l.16 Rogstagnus fir[mavit]. Pontius Guadaldus fir[mavit]. Aldoardus fir[mavit]. Rostagnus Porcelletus fir[mavit]. Guichirannus fir[mavit]. Fulcho frater ejus fir[mavit]. Bertrannus Arveus fir[mavit]. Fulcho de Reilana fir[mavit].
l.17 PONTIUS scripsit.

Bibliographie

GUERARD (Benjamin), Cartulaire de l'abbaye Saint-Victor de Marseille, 2 vol., Paris, 1857, t. 2, p. 541-542, n° 1073.

Responsable

M.J. Gasse

Comment citer cette notice

Acte n°4187 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°4187»[En ligne] http://www.cn-telma.fr/originaux/charte4187/. Date de mise à jour : 29/03/12.