Pierre Saumata, fils de Guillaume vicomte de Marseille, Stéphanie sa mère, Theutia son épouse, donnent à Saint-Victor de Marseille l'église Notre-Dame et Saint-Jean, au lieu dit Salle Gontran, au territoire de Freinet, dans le comté de Fréjus, avec des terres reçues de son père et tout ce qu'il possède à Cogolin.

l.1 [chrisme] In sanctae et individuae Trinitatis nominȩ. Ego Petrus, Wilelmi condam vicecomitis Massiliensis filius, et mater mea domna Stephana, et uxor mea nomine Theutia, cogitantes
l.2 de divini juditii timore, pariterque de peccaminum nostrorum magnitudine hac nichilhominus de ȩternȩ vitae premio, decrevimus, una pro animarum nostrorum parentum, immo et pro redemptione animarum nostrarum,
l.3 maximeque pro redemptione karissimi fratris mei Bertranni, dare domino Deo et sanctae Dei genitrici semperque virgini Mariae, sanctorumque martirum Massiliensium, Victoris videlicet sociorumque ejus patrociniis, aliquid de alode nostro quod ita
l.4 et facimus. Donamus igitur, pia mente hac libenti voluntate, pro nobis jamdictis et eodem karissimo nostro Bertranno, quatinus omnipotens et misericors Deus, interventu sanctȩ Dei genitricis sanctorumque martirum supradictorum, dignetur propiciari nobis
l.5 hac clementer propiciando dignetur indulgere eidem supradicto Bertrando, in comitatu Forojuliensi, in territorio Fraxinito, ȩcclesiam sanctȩ Dei genitricis Mariae et sancti Johannis, quȩ est fundata in loco qui vocatur antiquitus
l.6 Ad Salam Gontranni, cum omni ipso quartone, qui nobis jure successit hereditario ex patris nostri Vuilelmi, jamdicti vicecomitis Massiliae, recto dono juxtaque hereditate. Unde, sicut supradictum est, donamus,
l.7 cȩdimus sancto Victori et monachis ejus, tam presentibus quamque futuris, perhenniter, predictam ȩcclesiam sanctȩ Mariae et sancti Johannis, et omnem quartam partem territorii ejusdem villȩ, quȩ olim fuit videliccet Sale Gontranni,
l.8 et in terminio castri quod vocatur Cucullinus totum quod nos ibi circa, longe vel prope, habemus vel habere debemus, totumque quod homo vel homines, femina vel feminȩ, habent vel tenent per nos, vel proclamant pro nostro et fratri nostri Bertranni
l.9 qualicumque dono; totum damus sancto Victori et monachis ejus, sicut supradictum est, ad proprium alodem, sine ullo malo ingenio, sine ulloque retentaculo. Nempe constat haec rationalis et legalis donatio in terris cultis
l.10 et incultis, in pratis, in pascuis, in aquis aquarum et in decursibus earum, in silvis et in garriciis, in vineis, in arboribus pomiferis et inpomiferis, et in ferarum bestiarum venationibus et in omnibus omnino censibus.
l.11 Quocirca, si nos hactenus, aut ullus heredibus nostris, aut ulla qualiscumque subrogata persona, qualicumque ingenio, temptaverit inrumpere hanc donationem nostram, non valeat vendicare quod repecierit,
l.12 verum componat in vinculo auri obtimi libras La, insuper hec donatio in secula seculorum maneat stabilis et firma. Facta est autem hec donatio hujus descriptionis anno millesimo incarnationis LVo nostri Salvatoris,
l.13 indicione VII. Ego supradictus Petrus et mater mea et uxor mea supradictȩ, hanc donationem fecimus et firmavimus, et testibus firmare rogavimus. Signum Guitberti de Luco. Signum Carbonelli.
l.14 Signum Lamberti. Signum Ugonis. Leodegarius de Lambisco. Bermundus de Roseto. Bermundus de Rosans. Rostangnus. Rostagnus de Monte Luparie. Lambertus de Mola.
l.15 Johannes monachus scripsit die et anno quod supra.