Marseille, AD Bouches-du-Rhône, 6 G 1 n° 4

<< < / > >>

Numéro4159

Fiabilité de l'actenon suspecté

Genrenotice

Date09/01/1119(fiabilité :texte)

Lieunon identifié

DiocèseMarseille

RégionProvence/Alpes/Côte d'Azur

Supportparchemin

Chirographieen haut

Sceau non scellé

Etat de la traditionoriginal

Hauteur à gauche292   mm

Hauteur à droite301   mm

Largeur en haut242   mm

Largeur en bas241   mm

AuteurAtton, archevêque d'ARLES

BénéficiaireAbbaye  de  SAINT-VICTOR  de  MARSEILLE

Regeste

Atton, archevêque d'Arles, règle un différend entre le chapitre de la Major et l'abbaye de Saint-Victor de Marseille au sujet de dîmes.

Fac-similé

Texte

l.1 Ad hoc antiquarum, legum institutionem, res geste scriptis inseri decernuntur, ut si viciose fuerint, ad similium cautelam pos-
l.2-teri informentur et si bone ne earum memoria oblivione deleatur. Ea propter in nomine omnipotentis Dei pateat omnibus, hominibus quod
l.3 inter Massilienses sedis clericos et monasterii sancti Victoris monachos longa contentio fuerat, utrisque partibus et licita et illicita multa
l.4 querentibus, usquequo domnus Arelatensis archiepiscopus Ato, ab utraque parte rogatus, insuper et a domino papa Gelasio IIo amonitus, de compaginanda inter
l.5 eos pace se intromittens, Massiliam advenit. Auditis autem ambarum partium querimoniis, inquisivit ab eis utrum per arbitrium aut consilium
l.6 illius pacem facere vellent aut non. Clericis vero ac monachis arbitrio et consilio illius concordiam suscipere bono animo profitentibus, predictus archiep[iscopus]
l.7 concorditer eos manere in posterum [hoc modo] decrevit. Terras omnes quȩ juris episcopalis esse noscuntur, sive apud Sanctum Justum, sive apud Salam, sive in aliis locis in tota
l.8 valle Massiliensi ab Albania usque ad mare, quas monachi huc usque adquisierunt, teneant idem monachi et possideant; decimas autem, sive de istis terris sive
l.9 de aliis, quas laboraverint propriis bubus aut sarculis, in toto episcopatu Massiliensi, habeant monachi et possideant, exceptis Auriolo et Pennis et
l.10 Sancto Tirso, in quibus volumus omnia teneri sicut hodie stant. De aliis autem ecclesiis quas clerici tenent et earum parrochiis, habeant idem clerici decimas,
l.11 exceptis, ut supradictum est, monachorum dominicaturis, et, si monachi acreverint dominicaturam suam, de ipsa augmentatione habeant decimas; et, si mi-
l.12-nuerint et dederint laboratoribus, habeant clerici. Monachi autem laxent et definiant predictis clericis ecclesiam de Eula cum omnibus adquisitis et adqui-
l.13-rendis, et ecclesiam de Gemenas cum suis pertinentiis, et ȩcclesiam de Rocha Forte cum suis, et decimas de Signa et Cugia, excepto, sicut supradictum est,
l.14 de dominicaturis. Alia omnia, sicut hodie tenent et habent, per totum episcopatum Massiliensem, et clerici et monachi, habeant deinceps quiete et pos-
l.15-sideant. Sed de libra cȩre, unde erat contentio, credatur carta monachi autem non adquirant quiquam a modo de his que ad episcopatum pertinent
l.16 sine licentia episcopi et clericorum. De cartis autem unde clerici conquerebantur, ita fiat: si quis conjugem acceperit de Revesto, faciat cartam capel-
l.17-lanus sancti Ferreoli; si autem homines Revesti acceperint aliunde uxores, faciant cartas clericis Massilienses. Cartas autem veteres, unde
l.18 questio inter clericos et monachos agebatur, precepit ut pars parti ostenderet, nullam celando, et, si quis cognosceret in parte alterius cartam
l.19 sibi necessariam, poneret eam seorsum quousque Arelatensi archiepiscopo monstraretur et redderetur cui ipse judicaret, ita tamen ut pactio
l.20 ista per cartas illas nullatenus frangeretur. Si vero territoria castellorum aut villarum habent in litigio, dividant per consilium hominum qui
l.21 terminos eorum noverint. Sicut suprascriptum est, sic ego Arelatensis archiepiscopus Ato laudo et volo, ut firmiter in perpetuum teneatur, et
l.22 pax inter clericos et monachos firma propter hoc et inconcussa stabiliatur. Et ego Raimundus, Massiliensis episcopus, et nos clerici ejusdem sedis hoc pla-
l.23-citum laudamus et volumus et per Dei misericordiam tenebimus. Et ego Radulfus, Massiliensis abbas, et nos monachi ejusdem loci hanc con-
l.24-cordiam volumus et laudamus et, Deo juvante, observabimus. Factum est hoc in presentia venerabilium archiepiscoporum Arelatensis vi-
l.25-delicet ac Narbonensis et episcopi et abbatis Massiliensis et vicecomitis et aliorum multorum, tam clericorum quam laicorum, anno a[b in]-
l.26-carnatione Domini CXVIIII [post] millesimum, mense januario, concurrente I, epacta VII, luna XXIIII, V idus januarii.
l.27 Ego Ato, Arelatensis archiepiscopus, firmavi. Sign[croix]. Ego Ricardus, Narbonensis archiepiscopus, firmavi. Sign[croix]. Et ego Raimundus, Massi-
l.28-liensis episcopus, firmavi. Sign[croix]. Et ego Radulfus, Massiliensis abbas, firmavi. Sign[croix]. Aicardus, prepositus sedis, firmavit. Sign[croix].
l.29 Ysnardus sacrista firmavit. Sign[croix].
l.30 Filippus, prior et monachus, firmavit. Sign[croix]. Arbertus de Ponteves firmavit. Sign[croix]. Isnardus Ildeberti firmavit. Sign[croix]. Gerallus
l.31 elemosinarius firmavit. Sign[croix]. Raimundus de Bar firmavit. Sign[croix].
l.32 De laicis: Poncius vicecomes firmavit. Sign[croix]. Rainaldus de Albania firmavit. Sign[croix]. Willelmus de Massilia firmavit.
l.33 Sign[croix]. Vidianus de Mimet firmavit. Sign[croix]. ABCDEFGHIKLMNOPQRSTV.

Bibliographie

GUERARD (Benjamin), Cartulaire de l'abbaye Saint-Victor de Marseille, 2 vol., Paris, 1857, t. 2, p. 340-342, n° 923.

Responsable

M. Courtois

Comment citer cette notice

Acte n°4159 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°4159»[En ligne] http://www.cn-telma.fr/originaux/charte4159/. Date de mise à jour : 29/03/12.