Marseille, AD Bouches-du-Rhône, 3 G 1 n° 49

<< < / > >>

Numéro4127

Fiabilité de l'actenon suspecté

Genrecharte

Date1054(fiabilité :étude diplomatique)

Lieunon identifié

DiocèseMarseille

RégionProvence/Alpes/Côte d'Azur

Supportparchemin

Chirographienon

Sceau non scellé

Etat de la traditionoriginal

Hauteur à gauche384   mm

Hauteur à droite388   mm

Largeur en haut628   mm

Largeur en bas631   mm

AuteurRaimbaud de Reillane, archevêque d'ARLES

BénéficiaireAbbaye  de  SAINT-VICTOR  de  MARSEILLE

Regeste

Raimbaud de Reillane, archevêque d'Arles, donne à Saint-Victor de Marseille l'église Saint-Genès d'Arles, avec toutes ses dépendances.

Texte

l.1 [chrisme] Omnipotentis quippe Dei inconprehensibili disposicione, non nostri ullius, ut reor, meriti, vel cujuspiam digni effectus exsecutione, adeptus hujus sanctȩ sedis Arelatensis pontificali culmine,
l.2 multa sub inde mecum de eodem regimine coepi in animo evolvere, quod id absque ingenti meae valerem anime nullatenus exsequi discrimine, eo quod ejusdem urbis publicata et privata
l.3 hostilis essent cuncta insectationis mucrone turbata, et prisce animus bonum suae deliberacionis nequiret captare. Tandem, clementissima divinitatis propiciacione, adepta diu desideratȩ
l.4 tranquillissimȩ pacis obcione, quod diuturna evolverat animus deliberacione, opitulante divinȩ miseracionis subvencione, id exsequi coepit absque ulla dilacione, videlicet de sanctorum venerabilium
l.5 locorum restitutione. Unde quadam die, de quodam religioso loco in honore sancti Genesii vel sancti Honorati constructo, foras muros nostrae civitatis posito, multa volvens mecum in animo, quomodo
l.6 de tam spiritali prisci temporis monachorum officio versus in possessionis esset seculari servicio, et dixi in corde meo: Si, per meum fortassis inicium, in Dei posset reverti servicium, non exinde
l.7 grave sustinerem judicium, et de peccatis meis Deum haberem propicium. Et ita, Deo favente, qui magna solus facit mirabilia, mecum tractavi talia consilia, ut illum locum darem
l.8 monasterio sancti Victoris de Massilia, in quo constitueret Isarnus, abbas ejusdem monasterii, monachos in Christi servicia. Igitur ego Rahimbaldus, gratia Dei, presulatus honore
l.9 sublimatus, supperiorum causa dictorum, ipsam ȩcclesiam sancti Genesii, cum omnibus sibi subjectis ȩcclesiis, et cetera omnia quae in presenti videtur tenere, et quicquid in futuro potuerit
l.10 adquirere de ipsis rebus quas jam tenuit, vel undecumque aliunde adquisierit, exceptis illis laicalibus feudis et quicquid illi laici ex ipsis suis feudis abbati et congregacioni cesserint,
l.11 cum meo consilio vel ceterorum episcoporum, meorum successorum, totum, per harum auctoritatis nostrȩ paginam litterarum, in manus Isarni supradicti, abbatis monasterii sancti Victoris Massiliensis,
l.12 et suorum monachorum, tam presencium quam futurorum, tradimus, donamus, cedimus jure perpetuo, solasciantibus nobis in hoc ipso, vel consencientibus totius Provinciae principibus seu
l.13 comitibus Josfredo scilicet atque Bertranno, et nostrȩ sedis canonicis. Laudantibus etiam et firmantibus domno Poncio, episcopo Massiliensi, cum fratribus suis, qui ipsam ȩcclesiam
l.14 vel ipsum sanctum locum, cum omnibus ad se pertinentibus, tenere videntur; tali vero racione, ut ab ipsis monachis vel ab ipso abbate census per singulos reddatur annos
l.15 altario sancti Stephani vel sancti Trophimi, id est libra I incensi, in festo sancti Trophimi. Id ipsum enim quod nos, inspirante Deo, agimus, et sacrorum
l.16 statuta canonum et legalis jubet auctoritas, videlicet ut de rebus episcopii construatur locus monasterii. Nos vero hoc non agimus, sed id quod a nostris antiquitus decessoribus
l.17 constitutum est et modo destitutum reformari cupimus in priorem statum, ita ut, si quis aliquando, quod absit, nostrorum nisus fuerit successorum quippiam contra sacrorum agere
l.18 canonum sanctionem, et quod a nobis sanctȩ et laudabiliter videtur instituere, ille econtra ausus fuerit destituere, aeterna se noverit ulcione cum Anania et Saffira multandum,
l.19 qui aliquid de apostolica communia putaverunt esse fraudandum. Auctor et testis hujus donacionis Raiambaldus, qui illam fecit et sua manu firmavit.
l.20 Gauzfredus comes firmavit. Bertrannus, frater ejus, firmavit. Poncius, episcopus Massiliȩ, firmavit, et omnes fratres ejus, videlicet Vilelmus, Aicardus, Gauzfredus, Stephanus, Bertrannus, Petrus.
l.21 Vilelmus vicecomes Massiliȩ et frater ejus firmaverunt. Pontius senescalcus firmavit.
l.22 Cannonici sancti Stephani firmaverunt: Ansebertus, Durandus, Arelas, Engoaldus, Pacio, Rostagnus, Odilo, Bernardus, Rostagnus, Damianus, Pelitus, Martinus.

Bibliographie

GUERARD (Benjamin), Cartulaire de l'abbaye Saint-Victor de Marseille, 2 vol., Paris, 1857, t. 1, p. 176-178, n° 151.

POLY (Jean-Pierre), Catalogue des actes des comtes de Provence, 942-1166, annexe de thèse soutenue à l'Université de Paris II – Assas, s.d. , p. 67-68, n° 131.

Responsable

M. Courtois

Comment citer cette notice

Acte n°4127 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°4127»[En ligne] http://www.cn-telma.fr/originaux/charte4127/. Date de mise à jour : 29/03/12.