Guillaume, Adzelena son épouse, et leurs enfants Raimond, Guillaume et Rainulfe, donnent à Saint-Victor de Marseille des terres dans le terroir du Cannet (Var), sous le chemin qui va à l'église de Saint-Pierre.

l.1 [chrisme] In Dei nomine omnipotentis, summȩ individueque Trinitatis, et in honore sanctissimi martyris Victoris, sociorumque ejus non longe a Massilia quiescentium, ego Vuilelmus et uxor mea Accelena et filii mei Raimundus et Vuilelmus et Rainulfus
l.2 donamus domino Deo omnipotenti et sancto Victori, martyri Massiliensi, de terra inculta, in ipso loco qui nominatur Defensus, ipsam partem nostram quam hibidem habemus et habere debemus. Et est ipsa terra quam donamus subtus viam quȩ pergit ad ȩcclesiam sancti Petri
l.3 a Caneto; de alio latus, in ipsa via; de alio latus, in terra de eredibus nostris; de alia fronte, infrontat in campo de Ingilberto Ponnata. Quantum infra istos terminos habemus et habere debemus, donamus domino Deo et sancto Victori, martyri Massiliensi,
l.4 et habitatoribus ejus, tam presentibus quamque futuris, in perpetuum habendum et possidendum. Sane si quis ex nobis vel ex heredibus nostris vel alicuus persona contra hanc donationem venerit ad inrumpendum non valeat vendicare quod repetit
l.5 sed in primis iram Dei omnipotentis et omnium sanctorum ejus incurrat, et cum Juda traditore sortiatur perpetuam dampnationem. Et postea donatio ista firma et stabilis permaneat omnique tempore. Ego Vuilelmus et uxor mea Accelena
l.6 et filii mei Raimundus et Vuilelmus et Rainulfus, hanc donationem libenter facimus, et firmavimus et firmare rogavimus. Signum Guilelmi, et uxori sue Accelenae, et filiorum eorum videlicet Raimundi et Vuilelmi et Rainulfi,
l.7 qui hanc cartam fieri jusserunt et manibus propriis firmaverunt, et firmare rogaverunt.