Radbod, évêque de Noyon-Tournai, donne à Saint-Pierre de Lille l'autel de Gits.

l.1 [croix] IN NOMINE SANCTȩ ET INDIVIDUȩ TRINITATIS PATRIS ET FILII ET SPIRITUS SANCTI,
l.2 ego Radbodus, Dei gratia Noviomensium seu Tornacensium episcopus,
l.3 omnibus Domini diligentibus salutem, et beatȩ immortalitatis felicitatem.
l.4 Quoniam karissimi de profectu sanctȩ matris ecclesiȩ nostrum est gaudere, atque in
l.5 vinea Domini pro mercede laboris operantibus auxilium ferre, dignum
l.6 est ut quod fidelis quislibet pro ipsius multiplicatione devote postu-
l.7-laverit attendamus, et in quantum possumus orationem ejus exaudiamus.
l.8 Proinde notum fieri volumus universis fidelibus, tam futuris quam
l.9 presentibus, quod Lambertus Islensis canonicus nostram adierit presentiam,
l.10 obsecrans ut altare de Giddis quod sub personatu tenebat sancti PETRI
l.11 Islensis canonicis perpetuo sub personatu concederemus. Cujus petitioni
l.12 condescendere dignum duximus, et Waltero archydiacono nostrisque clericis
l.13 assentientibus, dictis canonicis idem altare pro amore Dei et sancti Petri concessimus
l.14 tali quidem conditione, quod quotiens persona immutata fuerit, X tantum solidos
l.15 episcopo tribuat, et unoquoque anno in festivitate sanctorum Simonis et Judȩ V solidos
l.16 similiter solvat, atque ad synodum sicut ceterȩ personȩ veniat, IIII quoque anno mi-
l.17-nistris inibi synodum agentibus debitam hactenus impensam solvat, sicque altare
l.18 illud sancti Petri Islensis ecclesia perpetuo sub personatu teneat. Ut autem hoc futuris
l.19 temporibus ratum sit privilegium signis [istis] corroboravimus [presentium].
l.20 [croix] S. domni Radbodi episcopi. S. Walteri archydiaconi. S. Lamberti. S. Henrici decani.
l.21 S. Herimanni prepositi. S. Sigeri cantoris. S. Ingelramni decani. S. Lamberti cantoris.
l.22 S. laicorum Eurardi, Teoderici, Landrici, Rodberti, Haganonis, [Rodberti].
l.23 Actum Tornaci anno dominicȩ incarnationis MLXXXVIII, regnante rege [Philippo]
l.24 XXVIII, domno R. episcopante anno XXI, feria V, XVII kalendas aprilis.
l.25 Ego Wido, cancellarius subscripsi. [sceau]. [croix] PRIVILEGIUM SANCTI PETRI ISLENSIS ECCLESIE DE EIDDIS [croix].