Adalgarde, veuve d'Arbertus de Lançon, donne à Saint-Victor de Marseille et à l'abbé Isarn, la quatrième part du château de Trigance dans le comté de Riez, avec toutes ses dépendances.

l.1 In Dei omnipotentis nomine sanctissimeque ejus disposicionis ordinacione, ego Adalgardis, pro salute animȩ meȩ filiorumque meorum redempcione simulque pro sanctissime omnipotentis promissione qua inter cetera dulcissime
l.2 suae ammonicionis verba ait : Date et dabitur vobis et alibi Date elemosinam, et ecce omnia munda sunt vobis et sicut aqua extinguit ignem, ita elemosina extinguit peccatum. Provideis quippe
l.3 michi dum hic satis fragili circumdita degeo carne, quid prodesse in futuro ac valere possit mihi, [offero] atque dono omnipotenti Deo, qui michi dedit omnia [quȩ] habeo, de ipsis suis donis, in present[i], secundum pos-
l.4-sibilitatem meam, ad proprium alodem, sancto Victori, ejus martyri, et abbati presenti domno Isarno omnibusque [monachis t]am presentibus quam et futuris, ut intercessores sint jugiter apud Deum, pro omnibus peccatis meis, hoc est quartam
l.5 partem castri vel villȩ Triganciȩ, in comitatu Regense, cum omnibus sibi accidentibus. Hoc est in campis, vineis, pratis, pascuis, garricis, montibus, arboribus pomiferis seu et inpomiferis, aquis eorumve decursibus,
l.6 molendinis, accessisque omnibus et cum introitu, vel exitu suo, in omnibus quartam partem trado predicto [coeno]bio eadem scilicet racione, ut teneam in vita mea, et post obitum meu revertatur ad sanctum Victorem.
l.7 Sane si aliquis quod evenire minime credo, contra hanc donacionem meam venire vel obsistere voluerit, obtine[re istu]d non valeat, sed fiat excommunicatus et cetu sancte Dei ecclesiȩ exclusus, et in vinculo coactus
l.8 solvat auri obtimi libras Xcem.
l.9 Ego Adalgardis que olim fui uxor domini mei Arberti de Alancione, Domino ejusque martiri Victori dono et manu mea firmo, pro redempcione scilicet animȩ meȩ et mei mariti filiorumque meorum et subter annexis testibus firmare rogo.
l.10 Facta donacio hȩc anno millesimo XXXVII domini nostri Jhesu Christi, regnante Cono imperatore. Rotlandus scripsit.
l.11 Poncius, imperante matre, firmavit. Bertrannus clericus firmavit. Folco firmavit. Poncius firmavit.