Honorat, prêtre, donne à l'abbaye Saint-Victor de Marseille tout ce qui devait lui revenir, en héritage de son fils Pierre, moine à Saint-Victor. Ces biens sont situés dans la villa de Trets.

l.1 In nomine Domini. Ego Honoratus presbiter facio omnipotenti Domino sanctoque Victori marthyre, necnon et domno Gaucelmo priori, omnibusque fratribus in monasterio
l.2 prȩdicti martyris Christo famulantibus, donationem firmam et stabilem de ipsa hereditate filii mei nomine Petronis, quem in eodem loco sub abitu monachili
l.3 trado in perpetuum serviendum Deo. Et est ipsa hereditas in villa de Tritis, hoc sunt modiatas II, quȩ de Adalelmo adquisivit et de Norberto; et habet fines et ter-
l.4-minationes de omni parte terra de ipsa hereditate, et post hunc diem habeant potestatem ad faciendum quicquid voluerint.
l.5 Sane si quis ego aut ullus homo aut ulla oposita persona qui contra carta ista ire, agere, vel inrumpere voluerit, non valeat vindicare quod
l.6 repetit sed componat tantum et alium tantum quantum ipsas res melioratas valere potuerint, et postea super illos ira Dei omnipotentis incurrat.
l.7 Facta carta ista V kalendas aprilis, regnante rege Rodulfo Alamandorum sive Provintiae. Ego Honoratus presbiter, qui carta ista fieri et testes firmare
l.8 rogavi, manus eorum firma.
l.9 SIGNUM HONORATUS, QUI CARTA ISTA FIERIT ET FIRMARE ROGAVIT, MANUM SUAM FIRMA.