Raimbaud de Reillane, archevêque d'Arles, donne à Saint-Victor de Marseille l'église de Saint-Maurice, située près de Montjustin.

l.1 Dum antiquissima incolomis sinceraque viebat simplicitas, necdumque humana crassabatur malignitas, subnixe fidei custodiebatur sublimitas, sine litteris donationis fixȩ
l.2 durabat firmitas; quod mutavit paternitas succedensque modernitas, scilicet omne datum, gestis non alligatum, testibus roboratum, predicat anullatum. Quapropter
l.3 ego, Raimbaldus nomine vocitatus, Dei permissu Aralatensis archiepiscopus ordinatus, territus de peccatis quȩ miser feci, satis in dictis et in factis, in preteritis actis et in omnibus
l.4 pactis, literis alligatum, testibus confirmatum, aliquid ex paterna, vita pro sempiterna, in Dei caritate, dono hereditate; hoc est dono: [Mas]siliensi monasterio, sito gallicis ex-
l.5-tremis [in oris], in honore Dei martyris prȩcellentissimi Victoris, ȩcclesiam sancti Mauricii, quibusdam a religiosis antiqui[tus fundamen]tatam, [nunc] vero quodam a presbitero,
l.6 Poncio nomine, prorsus resolidatam. Scilicet, eodem Pontio precante et valde suplicante, ȩternam propter vitam, ȩcclesiam predictam [damus] dicto monasterio sancto, pro ministerio,
l.7 cum vineis et campis non cultis et aratis, cum ortis et cum pratis, garricis et oglatis, arboribus et cunctis illis cum terris junctis sibi vel adjacentibus, cunctisve per-
l.8-tinentibus; et ego Raiambaldus, [cum magna] caritate vel pro fraternitate, nunc, cum integritate quod habet aut habebit habereque valebit, vel per donationem seu comparationem
l.9 aut commutationem [vel ullam] rationem, per titulationem facio dationem monasterio ipsi jam martyris predicti. Quam si quis voluerit [frangere aut contra malum tangere],
l.10 auri libri [multatus, sit excommunicatus], et, cum Juda dampnatus, ad infernum portatus. Est in commitatu Achense ista, juxta Montem [Justinum, opaca ipsius montis]
l.11 in parte sita. Anno ab incarnatione Domini nostri Jhesu Christi Imo hȩc est facta carta XXXmo, et certa ratione XIIIma indicione. Ego vero Raiambaldus, qui hanc donationem
l.12 facere curavi, manibus eam propriis firmavi, alios autem firmare rogavi. Boso et fratres ejus firmaverunt, scilicet Bonifacius, Fulco et Leodegarius. Et Johannes firmavit, et filius ejus [Ugo
l.13 Bermondus] de Lambesco firmavit. Gonbertus firmavit et cȩteri commilitones firmaverunt.

1

GUERARD (Benjamin), Cartulaire de l'abbaye Saint-Victor de Marseille, 2 vol., Paris, 1857, t. 1, p. 409-410, n° 405.

GIRY (Arthur), Manuel de Diplomatique, Paris : Hachette, 1894, p. 451 (sans les trois dernières lignes).