Nevelongus, Teucenia, son épouse, et leurs enfants donnent à Saint-Victor de Marseille l'église Sainte-Perpétue avec ses possessions, située dans le comté d'Aix, au terroir de Brignoles, dans la vallée d'Avolennazo.

l.1 Divina inspirante clemencia, et ejus benignissima opitulante sufragia, qui non vult mortem peccatorum necletatur in perditione impiorum, cujusque bonitas eo usque precellit ut omnes homines velit salvari et intra sinum beatitudinis suae
l.2 foveri, et qui per prophetam suum misericorditer pollicetur dicens : Vivo ego dicit Dominus, nolo mortem peccatoris, sed magis ut convertatur et vivat. Ego Nevolongus et uxore mea Teucenia, unacum filiis nostris Rainaldo, Wilelmo, Leufredo,
l.3 de salute animarum nostrarum solliciti, et immanitatem scelerum nostrorum pertimescentes, ut a pio Domino veniam peccaminum et ablutionem possimus consequi criminum volumus ut de eo ipso quod ille nobis inmeritis contulit aliquit sibi conferri
l.4 dicente ipso : Date elemosinam et ecce omnia munda sunt vobis. Quia sicut aqua extinguit ignem, ita elemosina extinguit peccatum. Et iterum: Thesaurizate vobis thesauros in caelo, ubi neque erugo neque tinea demolitur, et ubi fures
l.5 non effodiunt nec furantur. Itemque facite vobis amicos de mamona iniquitatis, ut cum defeceritis recipiant vos in aeterna tabernacula. Haec igitur et multa alia considerantes, et in futurum nobis prospicientes, prescripturȩ hujus
l.6 auctoritatem facimus donationem omnipotenti Domino et sancto Victori, suo martyri, ejusque monasterio, haud procul a civitate Massilia fundato, et abbatibus hac monachis perpetim inibi militantibus, de alode nostro quem habemus in comitatu Aquen-
l.7-se, intra terminos de villa quȩ vocatur Bruniola, id est ecclesiam que fundata est in honore Dei sanctȩque Perpetuae, in valle quȩ vocatur Avolennazo, cum campis cultis et incultis, vineis, pratis, pascuis, silvis, garricis, aquis, aqua-
l.8-rumve decursibus. Habent igitur haec omnia consortes: de uno latere, id est de oriente, rivum qui vocatur Chamis; de alio latere, id est contra meridiem, sicut ascendit de ipso rivo Chamis alius rivulus Siccus, et pertingit usque
l.9 in cacumine montis qui vocatur Pennicus, sicut aqua versat; de tercio latere, id est de aquilone, sicut via discurrit publica et ferit de rivo Chamis usque in fontem Crosam; de quarto vero latere, id est contra occidentem, de ipsa
l.10 fonte Crosa usque in cacumine montis supradicti Pennicii. Quantum itaque, intra terminos istos habemus sine ulla diminutione donamus supradicto monasterio, ut ab hac die abbas et monachi ejusdem monasterii, sine ulla
l.11 interpellatione teneant et possideant, et quecumque facere voluerint liberam potestatem habeant, et pro animabus nostris filiorumque nostrorum omnipotentem Dominum exorent.
l.12 Si vero evenerit quod absit, ut ex nobis aut ex heredibus nostris aliquis hanc donationem quam pro animarum nostrarum redemptionem omnipotenti Domino offerimus divellere conetur, istud facere nequeat sed cogatur in vinculo exsolvere auri
l.13 optimi libras L et denuo scriptura ista incolvulsa permaneat. Facta donatio isto anno incarnationis dominicȩ millesimo XVI, indicione XIIII, regnante Rodulfo, rege Alamannorum seu Provintiae.
l.14 Ego Nevolongus et uxor mea, nomine Teucenia, necnon et filii mei Rainaldus, Wilelmus, Leufredus, hanc donationem corde perfecto et animo voluntario omnipotenti Domino et sancto Victori, suo martyri, dedimus
l.15 et manibus nostris firmavimus, testibusque subter adnexis firmare rogavimus. Poncius firmavit. Nortaldus firmavit. Sigiramnus firmavit. Odilo firmavit. Ingiluinus firmavit.
l.16 Leutoardus firmavit. Bernardus Gordo firmavit. Item Bernardus scutarius firmavit. Vitalis firmavit. Isnardus filius Bernardi firmavit.
l.17 ROSTAGNUS INDIGNE VOCITATUS MONACHUS SCRIPSIT, PERCIPIENTE DOMNO ABBATE WIFRETO.