Urbain II, pape, confirme la vie régulière adoptée par les chanoines de l'église cathédrale de Rodez, la possession des églises de Verrières, Connac, Salles-Curan, ainsi que plusieurs privilèges.

l.1 URBANUS, EPISCOPUS, SERVUS SERVORUM DEI, DILECTIS FILIIS PETRO, PREPOSITO, ET EJUS FRATRIBUS IN RUTHENENSI ECCLESIA, CANONICAM VITAM PROFESIS EORUMQUE
l.2 SUCCESSORIBUS IN EADEM RELIGIONE PERMANSURIS IN PERPETUUM. Pie postulatio voluntatis effectu debet prosequente compleri quatinus et devotionis sin-
l.3-ceritas laudabiliter enitescat et utilitas postulata vires indubitanter assumat. Quia igitur vos, o filii in Christo karissimi, per divinam gratiam
l.4 aspirati, mores vestros sub regularis vite disciplina coercere et communiter, secundum sanctorum Patrum institutionem, omnipotenti Domino deservire pro-
l.5-posuistis, nos, votis vestris paterno congratulamur affectu. Unde etiam petitioni vestre, benignitate debita, impertimur assensum : vite namque
l.6 kanonice ordinem quem professi estis presentis privilegii aucthoritate firmamus. Et ne cui, post professionem exhibitam, proprium quid habere, neve
l.7 sine prepositi vel congregationis licentia, de claustro discedere liceat interdicimus. Quod si discesserit et comonitus redire contempserit,
l.8 tibi tuisque successoribus faculcultas sit ejusmodi, ubilibet a suis officiis interdicere. Interdictum vero nullus episcoporum abbatumve suscipiat
l.9 quamdiu scilicet illic canonici ordinis tenor, Domino prestante, viguerit. Vobis itaque vestrisque successoribus in eadem religione permansuris ea omnia perpetuo possidenda, san-
l.10-cimus que in presentiarum pro communis victus sustentatione, possidere videmini : ecclesiam videlicet Sancti Salvatoris de Veireiras et ecclesiam Sancti Petri de
l.11 Colnag et ecclesiam Sancti Geraldi de Salas, universas preterea paratas sive simbolas quas sinodos vocant, tam ex ecclesiis de Ameliao quam ex ceteris ecclesiis
l.12 quas Rutenensis ecclesie antistites, Petrus quondam Berengarii, Pontius Stefani, Raimundus Frotardi et Ademarus qui in presentiarum eidem Rutenensi
l.13 ecclesie presidet, vobis in sumptus vestium concesserunt. Preposituram quoque et quartam Rutenensis parrochie archidiaconiam, oblationes quoque vestre matricis ecclesie
l.14 quas dono prefati Ademari confratris nostri episcopi possidetis vestre communitatis usibus confirmamus, et quecumque deinceps, vos aut successores vestri
l.15 concessione pontificum liberalitate principum vel oblatione fidelium, juste atque canonice poteritis adipisci. Ut autem omnipotenti Deo quietius deservire
l.16 et canonici ordinis disciplinam districtius observare possitis, cimiterium vobis apud matrem ecclesiam ubi communiter vivitis juxta prefati fratris nostri Ade-
l.17-mari vestri episcopi postulationem habere concedimus in quo fratrum vestrorum sive parochianorum quibus viventibus divina misteria ministratis deficientium corpo-
l.18-ra tumulentur. Si qua sane ecclesiastica secularisve persona hanc nostre constitutionis paginam sciens contra eam temere venire temptaverit,
l.19 secundo terciove commonita, si non satisfactione congrua emandaverit, potestatis honorisque qui dignitate careat reumque se divino judicio existere de per-
l.20-petrata iniquitate cognoscat et a sacratissimo corpore ac sanguine Dei et Domini redemptoris nostri Jhesu Christi aliena fiat atque in extremo examine
l.21 districte ultioni subjaceat. Cunctis autem eidem loco justa servantibus sit pax Domini nostri Jhesu Christi quatenus et hic fructum bone actionis percipiant
l.22 et apud districtum judicem premia eterne pacis inveniant. Amen. Amen. Scriptum per manum Petri, notarii regionarii et scrinarii Sacri palatii.
l.23 Datum Rome apud beatum Petrum. per manum Johannis [rota] sancte Romane ecclesie diaconi cardinalis, II idus Maii, indictione VII, Incar-[[benevalete]]-nationis dominicȩ anno M [XC ]...,
l.24 pontificatus autem domini Urbani secundi pape XII.

JAFFE-LOEWENFELD, n° 5805.

RIGAL (J.-L. éd.), in BONAL (Antoine), Histoire des évêques de Rodez, 1 vol., Paris, 1935, t. 2, p. 462-464.