Grégoire VII, pape, déclare qu'aucun puissant ne pourra aliéner un bien de l'église Saint-Pierre de Lille.

l.1 GREGORIUS, episcopus, servus servorum Dei, dilecto in Christo filio Fulkardo, preposito Islensis ecclesie, in Flandria constitute, suisque
l.2 successoribus canonicam vitam ducturis salutem et apostolicam benedictionem. Superne miserationis respectu ad hoc universalis ecclesie curam suscepimus,
l.3 et apostolici moderaminis sollicitudinem gerimus, ut justis precantium votis attenta benignitate faveamus, et libramine aequitatis
l.4 omnibus, [in] necessitate positis, quantum Deo donante possumus subvenire debeamus. Proinde, juxta petitionem tuam, ecclesie cui tu preesse
l.5 [dinosceris], hujusmodi privilegia presenti auctoritatis nostrȩ decreto indulgemus, concedimus atque firmamus. Statuentes, nullum [regum]
l.6 vel imperatorum, antistitum, ducum, comitum, nullum quacumque dignitate preditum, vel quemquam alium de his, quȩ eidem venerabili [loco a] quibuslibet
l.7 hominibus de proprio jure jam donata sunt, vel in futurum Deo miserante collata [fuerint, sub] cujuslibet causȩ occasionisve specie minuere
l.8 vel auferre, et sive suis usibus applicare, vel aliis quasi piis de causis pro suȩ avaritiȩ excusatione concedere, sed cuncta,
l.9 quȩ ibi oblata sunt vel offerri contigerit, perenni tempore illibata et sine inquietudine volumus possideri, eorum quidem [usibus, pro] quorum sustentatione
l.10 gubernationeque concessa sunt modis omnibus profutura. Hec igitur omnia quȩ hujus precepti decretique nostri pagina continet tam tibi quam cunctis, qui
l.11 in eo quo es ordine locoque successerint, vel eis quorum interesse potuerit, imperpetuum servanda decernimus. Si quis vero regum, sacerdotum, clericorum, judicum
l.12 ac secularium personarum hanc constitutionis nostrȩ paginam agnoscens, contra eam venire temptaverit, potestatis honorisque sui dignitate careat, reumque se divino
l.13 judicio existere de perpetrata iniquitate cognoscat, et nisi ea quȩ ab illo sunt male ablata, restituerit, vel digna pȩnitentia illicite acta defleverit,
l.14 a sacratissimo corpore ac sanguine Dei Domini redemptoris nostri Jhesu Christi alienus fiat, atque in extremo examine districtȩ ultioni subjaceat. Cunctis
l.15 autem eidem loco justa servantibus, sit pax Domini nostri Jhesu Christi, ut hic fructum bone actionis recipiant, et apud districtum judicem premia eternȩ
l.16 pacis inveniant.
l.17 [rota]. [benevalete] (KOM).
l.18 Datum Lateranis, nonis martii, per manus Petri sanctȩ Romanȩ ecclesiȩ presbiteri cardinalis ac bibliothecarii,
l.19 anno II pontificatus domni GREGORII VII papȩ, indictione XIII.
l.20 [sceau].

JAFFE-LOEWENFELD, n° 4940.

PFLUGK-HARTTUNG (J. von), Acta pontificum romanorum inedita. Urkunden der Päpste 97-1197. rééd, 3 vol., Graz, 1958, t. 1, p. 46-47, n° 48.

COURTOIS (Michèle), Chartes originales antérieures à 1121 conservées dans le département du Nord, Mémoire de Maîtrise, Université de Nancy II, 1981, p. 89-90.