Gaucelm, évêque de Fréjus, avec l'accord de son chapitre et de quelques caballarii, donne à l'abbaye de Lérins cinq églises élevées sur le territoire de Callian sous le vocable de Sainte-Marie, Saint-Pierre, Saint-Jean-Baptiste, Saint-Étienne et Saint-Martin.

l.1 Utrarumque legum auctoritas qualiter unicuique precipit, satis notum est omnibus plenissimȩ jura scientibus, ut vel unusquisque qui voluerit de rebus suis aliquid dare Deo sanctisque ejus
l.2 quomodo secundum auctoritatem supradictarum legum scilicet humanȩ et divinȩ dare debet. Quemadmodum ego Gaucelmus Forojuliensis episcopus volo sicuti
l.3 placet animo meo concȩdere Deo, unacum consilio et consensu de omnibus, canonicis meis et aliquantis caballariis meis, videlicet Teudiberto canonico et altero
l.4 Teudiberto, Petro, Odone, Castellano et caeteris quam pluribus, et caballario meo Ugone cum sua uxore, et Isnardo filio Landrici, et Isnardo presbitero filio
l.5 Dominici Presbiteri et Inguberto filio ejus atque Cotarone et Isnardo et [Arberto] et Wilelmo fratribus. Omnes isti comuna voluntate me deprecantes et firmiter me
l.6 rogantes ut aliquid de episcopatu meo darem domino Deo, quorum deprecationibus et voluntatibus ego oboediens, dono Lyrinensi monasterio et domno
l.7 abbati Amalrico, et monachis tam presentibus quam et futuris in ipso monasterio Deo militantibus, quinque ȩcclesias cum omnibus altariis suis et omnibus, quȩ ad ipsa
l.8 pertinent altaria. Quȩ igitur supradictȩ aecclesiae sunt fundatȩ in comitato Forojuliensae et in loco qui dicitur Calianus, quarum aecclesiarum prima aedifficata
l.9 est in honore sancte Dei genitricis MARIAE, secunda in honore sancti Petri principis apostolorum, tercia in honore sancti Jhoannis Babtistȩ, quarta in honore sancti Stephani
l.10 protomartyris, quinta in honore sancti Martini episcopi et confessoris. Has omnes aecclesias concaedo perpetuario jure cum omnibus, quȩ ad ipsas modo pertinent aecclesias, vel in
l.11 futuro eis acciderint et quȩ dominus per bonos homines eis per omnia tempora dederit supradicto monasterio, quod fundatum est in honore sanctae MARIAE et sancti Caprasii
l.12 atque sancti Honorati, sive omnium sanctorum et domno predicto abbati et omnibus monachis, sive congregationi ibidem Deo servientibus. Ut deinceps predictus abbas
l.13 sive monachi propriam in perpetuo habeant potestatem tenendi, possidendi, fruendi et si necesse fuerit comutandi. Sane si ego aut quispiam de supradictis
l.14 personis vel successoribus meis qui contra hujus donationem cartulȩ aliqua fraude temptaverit aut eam irrumpere voluerit, pro sola temptatione incurrat in Dei
l.15 maledictionem et particeps sit cum Dathan et Abirone usque dum non venerit ad congruam aemendationem. Et supradicto monasterio componat in vinculo, centum
l.16 libras auri et mille argenti et insuper supradicta hujus cartulȩ donatio firma et stabilis atque quieta omni tempore permaneat. Facta igitur hujus
l.17 donationis cartula in comitatu Forojuliense XI kalendas augusti, indictione VIIma, anno dominicȩ incarnationis millesimo XXXmo VIIIvo, regnante domno Chonone
l.18 imperatore, XIImo anno regni ejus. Signum Gaucelmi domni episcopi qui hanc donationis cartulam scribere rogavit manu sua firmavit et hos testes firmare rogavit.
l.19 [croix] Ugo firmavit. Ermengarda uxor ejus firmavit. Isnardus filius Landrici et fratres ejus firmaverunt. Teudibertus canonicus firmavit. Et alter Teudibertus firmavit. Petrus firmavit. Odo firmavit. Castel-
l.20-lanus firmavit. Ingubertus et filii sui firmaverunt. Isnardus presbiter firmavit. et filii ejus firmaverunt. Cotaronus et fratres ejus firmaverunt.
l.21 Concedo quoque altare sanctȩ Mariȩ qui Umbrianus appellatur cum decimis et oblationibus seu omnibus ad se pertinenciis. Tale que privilegium ego Gaucelmus Dei gratia Forojuliensis episcopus concedo Deo et
l.22 Sancte Mariae et sancto HONORATO, Ald(eberto) abbato, monachis tam presentibus quam futuris ut universa altaria que in episcopatu Forojuliensi adquirere poterint ipsi ea sine ullius
l.23 hominis impedimento possideant. Nullusque sine ipsorum consilio altare aliquid in Forojuliensi diocesi sibi vendicare audeat ipsis enim universa altaria ut supra diximus trado
l.24 concedo atque transfundo in perpetuum possidenda.
l.25 MAINEREDUS SCRIPSIT.