Bordeaux, AD Gironde, G 335

<< < / > >>

Numéro3746

Fiabilité de l'actedouteux

Genrecharte

Date1083(fiabilité :étude diplomatique)

Lieunon identifié

DiocèseBordeaux

RégionAquitaine

Supportparchemin

Chirographienon

Sceau sceau pendant perdu

Etat de la traditionpseudo-original

Hauteur à gauche660   mm

Largeur en bas535   mm

AuteurGuillaume VIII, duc d'AQUITAINE

BénéficiaireChapitre cathédral  de  BORDEAUX

Regeste

Guillaume, duc d'Aquitaine, confirme à Saint-André de Bordeaux les donations et privilèges accordés par ses prédécesseurs les comtes Sanche et Guillaume et les autres comtes.

Fac-similé

Texte

l.1 [chrisme] Cum divinȩ misericordiȩ largitas ad humanos usus sine intermissione non desistat operari ac benignus conditor rerum suȩ divinitatis residens solio ita humanȩ utilitati
l.2 cuncta suis modis suisque temporibus distribuat necessaria, ut omnibus sufficiens nullius prorsus indiga, tanto humanȩ fragilitati erga conditorem suum studio dilectionis ac timoris competens
l.3 esset inardescere, ut vel ab eo numquam obtutum cordis deflecteret eique non desisteret laudis officia ac gratiarum actiones impendere, cujus beneficiis se nov[erit] nullo modo comparabilem vicem posse persolvere. Sed
l.4 humani generis perversum ingenium ita proclive est ad vicia ut fides et justicia sint quasi somnia cultus christiani nominis omnisque religio jam in tantum quasi quodam confecta sint senio, ut id quod vel subsistimus magis nobis ex munere
l.5 divinȩ provenit clementiȩ quam ex ullo merito subjectȩ creaturȩ. His igitur ita se habentibus si quorum mentes divina dignetur inspirare clementia summopere est resistendum contra hec omnia quatenus lapsum sanctȩ Dei ecclesiȩ firma innitantur
l.6 sustinere cervice eique tot modis secundum posse aut conditionem videlicet singulorum studeant succurrere quot modis ejus lapsum sive in penuria Verbi Dei aut indigentia clericorum seu in ruina edificiorum jam pro dolor
l.7 conspiciunt imminere, quibus tanto laboriosius ac obnoxius oportebit inniti, quanto se in his talibus pauciorum virorum conspicient subsidio fulciri. Sed ipse sit solus solamen tantorum laborum qui novit persolvere
l.8 incomparabilem celestium premiorum. Quapropter ego G. totius Aquitanie Dei omnipotentis nutu atque hereditario jure patris mei ac parentum meorum dux et dominus pro statu incolumitatis nostre seu
l.9 redemptione animȩ meȩ et patris mei vel parentum meorum sanctȩ Dei Burdegalensi ecclesiȩ in honore beatissimi ANDREAE apostoli dedicatȩ, quam ab antiquis regibus Karolo videlicet ac
l.10 Lodoico seu Pipino ceterisque summa veneratione quondam habitam omnibusque bonis potenter ditatam agnovimus sed nunc peccatis nostris exigentibus miserabiliter dilapsam videmus,quicquid ei comes Sancius et pater meus Guillelmus
l.11 ac reliqui successores comites dederunt ac concesserunt, scilicet terciam partem camerȩ seu monetȩ sive etiam omnium teloneorum ac curtem Legiam cum omnibus ad se pertinentibus et Cadaviac et Bernoiol et Sarporars cum omnibus ad se
l.12 pertinentibus et terciam partem telonei de Bois et navim liberam ab omnibus teloneis a Mauritania usque ad Linguonem ad restaurationem ȩdificiorum seu postmodum ad mensam canonicorum tradimus et concedimus atque perpetuo jure donamus
l.13 Et ut hec concessio firma et inviolabilis per succedentia tempora permaneat, signo dominicȩ crucis manu propria subter firmavi et sub testimonio subscriptorum virorum firmandam et sigillo nostrȩ auctoritatis corroborandam
l.14 precepi et hanc cartam sive preceptum super altare sancti Andreȩ posui subinde Petro decano et Achelmo archidiacono osculum pacis et verȩ concordiȩ una quoque ceteris fratribus canonicis libenter tribui presente domno Amato Burdegalensi
l.15 archiepiscopo et sanctȩ romane ecclesiȩ legato.
l.16 S. GUILLELMI DUCIS AQUITANIAE [croix] ; S. FORTONIS COMITIS DE FEZENCIACO [croix] ; S. GUILLELMI [ECCLES]IȨ VICARII [croix] ; S. SYMONIS EPICOPI AGENNENSIS [croix]; PETRUS MAINADA ET UGO DE DOETH ET BERALDUS ET GALLARDUS PREPOSITUS
l.17 ET GUILLELMUS VENDARIUS ET GUIRALDUS ET ARSINUS ET MULTI ALII CELRICI ET LAICI AFFUERUNT ET VIDERUNT BERENGERIUS CAPELLANUS COMITIS SUPER ALTARE SANCTI ANDREȨ SIGILLUM IMPRESSIT.

Responsable

Renault

Comment citer cette notice

Acte n°3746 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°3746»[En ligne] http://www.cn-telma.fr/originaux/charte3746/. Date de mise à jour : 21/11/14.