Bérenger, comte de Gascogne, réitère la donation de Sanche, comte de Gascogne, au chapitre cathédral de Bordeaux et y ajoute les lieux de Cadaujac, Vernejoul, Serporar.

l.1 [chrisme] Cum divinȩ misericordiȩ largitas ad humanos usus sine intermissione non desistat operari
l.2 ac benignus conditor rerum suȩ divinitatis residens solio ita humanȩ utilitati cuncta suis modis suisque
l.3 temporibus distribuat necessaria ut omnibus sufficiens nullius prorsus sit indiga tanto humane fragilitati
l.4 erga conditorem suum studio dilectionis ac timoris conpetens esset inardescere ut ab eo numquam obtutum
l.5 cordis deflecteret eique non desisteret laudis officia ac graciarum actiones inpendere cujus beneficiis se nov[erit]
l.6 nullo modo comparabilem vicem posse persolverȩ. Sed humani generis perversum ingenium ita proclive est
l.7 ad vicia ut fides et justicia sint quasi somnia cultusque [christiani] nominis omnisque religio jam in tantum quasi
l.8 quodam confecta sint senio, ut id quod vel subsistimus magis nobis ex munere divinȩ provenit clementiae
l.9 quam ex ullo merito subjectȩ creaturȩ. His igitur ita se habentibus si quorum mentes divina dignetur in-
l.10-spirare clemencia his summopere est resitendum contra hac omnia quatenus lapsum sanctȩ Dei ecclesiȩ firma
l.11 innitantur sustinere cervice eique tot modis secundum posse aut conditionem videlicet singulorum studeant
l.12 succurrere quot modis ejus lapsum sive in penuria Verbi Dei aut in indigentia clericorum seu in ruina
l.13 ȩdificiorum jam pro dolor conspiciunt inminere quibus tanto laboriosius ac obnixius oportebit inniti
l.14 quanto se in his talibus pauciorum virorum conspicient subsidio fulciri. Sed ipse sit solus solamen tantorum
l.15 laborum qui novit persolvere inconparabilem cȩlestium premiorum. Quapropter ego Belengerus comes
l.16 Vuasconicȩ ac Burdegalensis provinciȩ Dei omnipotentis nutu atque hereditario jure parentum meorum
l.17 comes et dominus pro statu incolomitatis nostrae seu redemptione animȩ meȩ vel parentum meorum
l.18 sanctȩ Dei Burdegalensi ecclesiȩ in honore beatissimi Andreȩ apostoli dedicatȩ quam ab antiquis regibus
l.19 KAROLO videlicet ac Lodoico seu Pipino ceterisque suma veneratione quondam habitam
l.20 omnibusque bonis potenter ditatam agnovimus sed nunc peccatis nostris exigentibus miserabiliter
l.21 dilapsam videmus, terciam partem nostrȩ kamere seu monetȩ sive etiam omnium toloneorum
l.22 ac curtem Legiam cum omnibus pertinentibus et Cadaujag et Bernoiol et Sarporars cum omnibus pertinenti-
l.23-bus et tertiam partem tolonei de Bois et navim liberam et omnibus toloneis a Mauritania usque
l.24 ad Lingonem ad restaurationem ȩdificiorum seu postmodum ad mensam canonicorum tradimus atque
l.25 perpetuo jure donamus et ut hoc jugiter inviolabile permaneat, hanc cartam donationis perpeti
l.26 testimonio conservandam sub testimonio subscriptorum illustrium virorum conscribi mandavimus.
l.27 Actum in manu domni GOTEFREDI ejusdem ecclesiȩ VENERABILIS episcopi.
l.28 Akelm Vuillelmi affuit et vidit, Vuillelm Arnald similiter.