Agnès, impératrice, veuve d'Henri III, donne à l'église de La Madeleine de Verdun, divers biens situés à Marspich et Ebange, dans le Mosellois.

l.1 IN NOMINE SANCTAE ET INDIVIDUAE TRINITATIS, AGNES, DIVINA FAVENTE CLEMENTIA IMPERATRIX AUGUSTA.
l.2 Omnibus Christi nostrique fidelibus tam futuris quam presentibus, notum esse volumus qualiter nos, ob interventum dilectissimi filii nostri Heinrici quarti regis et pro remedio animȩ domni nostri, fȩlicis memoriȩ, Heinrici imperatoris
l.3 augusti simulque ob petitionem Herminfridi cujusdam nostri fidelis, quinque mansos cum vinea una, tres scilicet in villa Marsbah, duas in Ebinga, in pago autem Musilgowe et in comitatu Reginboldi comitis sitos,
l.4 cum omnibus pertinentiis illorum, hoc est banno, mancipiis, areis, aedificiis, terris cultis et incultis, agris, pratis, campis, silvis, pascuis, venationibus, aquis aquarumque decursibus, piscationibus, molis, molendinis, viis et
l.5 inviis, quesitis et inquirendis, ac cum omni utilitate quae ullo modo inde provenire potest, ad altare sanctae MARIȨ Magdalenȩ in Virdunensi civitate constituto, in usum fratrum ibidem
l.6 Deo famulantium, in proprium dedimus atque tradidimus ea videlicet ratione, ut predictus Herminfridus cȩterique sui confratres liberam dehinc de prȩfato predio potestatem
l.7 habeant tenendi, dandi, vendendi, commuttandi, precariandi, vel quicquid eis pro utilitate sua ullo modo placuerit inde faciendi. Et ut haec nostra imperialis
l.8 traditio stabilis et inconvulsa omni permaneat aevo, hanc cartam inde conscribi et sigilli nostri impressione jussimus insigniri.
l.9 [sceau].
l.10 Data est XIIII kalendas novembris, anno dominicȩ incarnationis MLVIIII, indictione XIII, anno autem domni Heinrici ordinationis VI, regni vero IIII. Actum Spire. In Dei nomine, feliciter. Amen.