Guillaume, abbé de Saint-Florent, fait connaître que Lambert, prêtre du Crucifix de Saint-Martin, a donné à Saint-Florent une maison, qui sert à la réception des religieux ; il augmente ce don de celui de 4 arpents de vignes.

l.1 Licet quod factum est non potest non fieri tamen quoniam perfidorum astutia prout sepius vide-
l.2-mus ita ut est actum esse potest denegari ut res gesta cum testimonio veritatis posteris nos-
l.3-tris memoriam et fidem tribueret, ego Willelmus etsi indigne Sancti Florentii vocatus abbas futuror[um]
l.4 notitie cum assertione testium ut res se habet literis mandari precepi. Sciant igitur verum esse
l.5 ad quorum audientiam hec scriptura pervenerit, quatinus Lambertus sacerdos Crucifixi bea-
l.6-ti Martini domum quandam ab inferioribus quidem lapideam desuper autem ligneam haud
l.7 longe a monasterio infra claustrum ejusdem sancti sitam habebat. In qua persepe cum eodem
l.8 sacerdote tam ego quam fratres nostri hospitari soliti eramus. Volens igitur supradictus
l.9 sacerdos tam nostre necessitati quam sue saluti consulere habito cum suis familiaribus
l.10 consilio ad remedium anime sue a nobis sotietatis nostre suscȩpto benefitio ut jam
l.11 non hospites set et domini et possessores hospitii sui essemus disposuit. De jure itaque suo
l.12 in jus nostrum supradictam domum transfundens Deo et sancto Florentio michique et fratribus
l.13 nostris eam in perpetuum possidendam et concessit et dedit. Ne autem que neces-
l.14-saria erant nobis ommino deessent, IIIIor insuper arpennos vinearum que prope
l.15 locum qui Motis Bodellus dicitur consite sunt, similiter concessit et dedit. Hoc
l.16 autem totum factum est audientibus et videntibus quorum assensu, benivo-
l.17-lentia, et consilio hec gesta sunt, Petro Titione decano, Galterio teshaurario,
l.18 Willelmo cellerario, Bulcardo cantore, Fulcherio subdecano, Roberto magistro
l.19 scolarum.