Arnoul, comte de Chiny, donne à l'abbaye Saint-Arnoul de Metz l'église Sainte-Walburge de Chiny et des terres.

l.1 IN NOMINE SANTAE ET INDIVIDUAE TRINITATIS, EGO ARNULFUS, DEI FAVENTE GRATIA NON MEDIOCRIS AMPLITUDINIS COMES DICTUS,
l.2 omnibus Christi fidelibus. Constat ex veridica Salomonis dictum sententia: Redemptio animȩ viri, propriȩ divitiȩ. Cujus ego, redemptionis avidus et propriȩ salutis sollicitus, destinavi ex his rebus,
l.3 quas bonorum omnium largitoris perceperam munere, pro meis excessibus quasi vades illi transmittere, mihique amicos de mammona iniquitatis comparare, ut cum deficerem, in ȩterna me tabernacula
l.4 reciperent. Notum igitur facio tam prȩsentium quam futurorum experientiȩ, quia ego Arnulfus, pro remedio animȩ meȩ, beato ARNULFO, aecclesiam Sanctae WALBURGIS, infra castrum meum
l.5 CHISNEI sitam, legitima traditione concessi, fratresque inibi ex ejusdem beati ARNULFI coenobio qui monachicam ducant vitam fore constitui. Quam devotionis meȩ traditionem,
l.6 ne quis ei scrupulus vel calumpniator invidus post dies obviet, utrorumque filiorum meorum Ottonis et Ludowici, nurus etiam meȩ ADELEID dictȩ manuum superimpositione confirmavi, fide quoque paternȩ
l.7 reverentiȩ interposita obligavi, quatinus eosdem fratres debito cum honore tractando, suaque diligenter tuendo, omni tamen prorsus advocationis lege remota, nullam eis unquam occasionem tri-
l.8-buant discedendi. Quod si ex voluntate ipsorum ut discedant aliquando contigerit, nihilominus illuc monachos aliunde conducant, ne unquam desint qui Deo inibi deserviant.
l.9 Ut vero eis, cum pro loci modulo tum regionis qualitate cuncta suppetant necessaria, addidi quȩdam et alia, quȩ singula hic habentur subscripta.
l.10 Ipsa in primis Sanctȩ Walburgis aecclesia, ab omni prorsus censu et sinodo libera, terra ejusdem sanctȩ WALBURGIS ante portam castri, vallis etiam ante castrum ex ambabus ripis,
l.11 terra nihilominus ejusdem sanctȩ W[alburgis] ad Morganis, et ubicunque jacet cum servis et ancillis; hereditas Johannis et sororum ejus ubicunque fuerit; aecclesia de Casapetra et de Urgeo;
l.12 homines eorum ubicumque fuerint in terra nostra, sint liberi; in omnibus rebus consuetudines et justicias quas nobis reddebant in placitis, et in omnibus rebus solvant monachis, et reddant;
l.13 piscatio de Lais, et duo piscatores, cum uxoribus et filiis, et terra ipsorum, quȩ pertinet ad beneficium piscaturȩ ejusdem; in indominicata quoque mea piscatura concessi eis potestatem
l.14 piscandi ubicunque voluerint; molendinus etiam seu vennam facere si placuerit locis illis tantum exceptis quȩ in fisco id est fiedo, noscuntur haberi; silvam etiam
l.15 quȩ vocatur Burstal, ad quicquid voluerint incidere vel excolere; mansos II ad Longleir, cum servis et ancillis illic pertinentibus, inter Ruris et Tintiniacum I,
l.16 ad Casampetrȩ I, ad Stabulum I, ad Mounnau I, ad Breheris villam I, ad Givelum I, ad Periers ante War I, ad Wandesardis I, que omnia cum hominibus concedimus libera;
l.17 molendinum nichilominus in valle ante castrum situm, cum banno a postica castri usque ad lapides qui sunt in flumine sub aula comitis, ex utraque fluminis ripa; et hoc super altare sanctȩ
l.18 Walburgis confirmatum est, per manum Ottonis comitis, et Frederici prepositi Remensis, et Alberti comitis filiorum ejus, et Adadis cometissȩ, et Guillelmi advocati.
l.19 Actum inter me et venerabilem cȩnobii Sancti ARNULFI abbatem Walonem, anno incarnationis Domini millesimo XCoVIIo, indictione Va, regnante Heinrico hujus nominis quarto,
l.20 Trevirensi metropoli presidente Engilberto archiepiscopo, Mettensi vero ȩcclesiȩ Poppone episcopo. Fidejussores fuerint hi: Roricus advocatus et filius ejus Lodowicus, Dodo et filius ejus Boso, R[ainardus de Vir]duno.
l.21 Testium nomina, de clericis: Milo, Hilbertus, Seibertus, Ingerricus, Wido. De laicis nobilibus: Albricus de Cimai, Walterus de Peronna, Raimbaldus de Columiers, Huardus de Maisi[eres, Viardus de Dionna],
l.22 Dodo de Valle, Ripaldus de Brieii. De familia comitis: Arlaundus, Giraldus, Acardus, Milo, Raimbaldus, Teodericus, Guntramnus prepositus et Teodericus frater ejus, Tiecelinus et Main[ardus villici].
l.23 [sceau] [sceau]. SANCTUS ARNULFUS SANCTA GUALGURIS.

1

GOFFINET (H.), Cartulaire de l'abbaye d'Orval, Bruxelles, 1879, p. 3-5, n° 2.

STUDER (Raymond), Catalogue des documents des Archives de la Moselle antérieures à 1101, in Annuaire de la Société d'histoire et d'archéologie de la Lorraine, 1923, p. 123-141, p. 141, n° 120.

LARET-KAYSER (A...), Recherches sur la charte de fondation du prieuré Sainte-Walburge de Chiny, in Annales de l'Institut Archéologique du Luxembourg, t. 103, p. 110-111.