Aubri I^er de Montjean, à la requête d' Othbaldus et de trois autres prêtres, a érigé l'église Notre-Dame et Saint Léger de Loudun, qu' Othbaldus avait tenue de lui, en une collégiale pour quatre chanoines, et stipulé qu'au décès de chacun d'eux, lui et ses successeurs accorderaient la prébende, moyennant vingt sous, à n'importe lequel des hoirs proches du défunt.

l.1 In nomine sanctȩ et individuȩ Trinitatis, patris scilicet et filii sanctique spiritus. Notum sit omnibus fide-
l.2-libus sanctȩ dei ȩcclesiȩ tam presentibus quam etiam et futuris, tam laicis quam etiam clericis, ut sit firmiter
l.3 in memoria successorum nostrorum per hujus scripturȩ noticiam, qualiter in castro Lausduno ȩcclesia
l.4 sanctȩ Mariȩ sanctique Leodegarii in honore constructa, ad canonicum ritum fuerit exaltata.
l.5 Ergo quidam presbiter Otbaudus nomine, parvulam primitus illam tenebat ȩcclesiam ab Alberico
l.6 Monte Johannis, tempore comitis Fulconis sine ulla aliorum participatione. Ad quem
l.7 presbiterum in extremo suȩ ȩtatis jam positum, alii tres presbiteri convenerunt, scilicet Isembertus,
l.8 Bernardus, Vivencius, dicentes ac nimium hortantes, quatenus illam suam ȩcclesiam per concessum sui
l.9 domini Alberici, optimorumque virorum illius pagi in canonicum honorem elevaret, quatuorque canonicos
l.10 ibi die ac nocte servientes deum omnip[o]tentem pro ipso omnique populo suppliciter precantes constitueret.
l.11 Quibus postulantibus ille vir bonus saluti animȩ suȩ providens libenter annuit, ac simul
l.12 dominum suum adiens Albericum, ipsis presentibus, hȩc omnia illi indicavit. Quibus ille auditis, toto
l.13 corde concessit pro redemptione animarum suorum parentum, atque suȩ animȩ, et filiorum,
l.14 omniumque suorum successorum, prȩdictam ȩcclesiam exaltari, ibique quatuor canonicos constitui.
l.15 Ille quidem nichil nisi tantummodo ȩcclesiam dedit. Quam prȩnotati presbiteri suis rebus construxerunt,
l.16 ac suas terras et plurima bona tradiderunt, accepta ab Alberico conventione, ut omni
l.17 suȩ progeniei in perpetuum remaneret. Quibus vero peremniter concessum est ut XXti solidatas
l.18 sui census ȩcclesiȩ construendȩ unusquisque cum moreretur dimitteret, tali pacto quod ejus
l.19 filius, vel nepos, vel quilibet propinquus illius prebendam haberet. Quod si ipse moriens ut-
l.20-pote pauper non valeret, heres futurus ex suo proprio tantundem ȩcclesiȩ componendȩ tri-
l.21-uens, prebendam similiter possideret. In hac vero ȩcclesia tenere capitale ministerium Otbaldo
l.22 jus fuit, per jussionem Alberici sui domini, et post obitum ejus Durando suo nepoti, deinde
l.23 omni suȩ progeniei, si talis fuerit, quȩ illud officium adimplere possit. Hujus autem ȩcclesiȩ
l.24 institutionem Fulco comes sua auctoritate firmavit, pluresque boni viri videlicet
l.25 ipse Albericus auctor, cum Milesenda uxore sua et filiis eorum, Gaufrido et Petro, Goffridus
l.26 filius comitis Fulconis qui adhuc puer erat, Isembertus Pictavensis episcopus, Garinus de Fonteniis,
l.27 Fulco ejus filiaster, Elinandus de Cenomanni qui tunc suam gardam in castro Lausduno faci-
l.28-ebat, Alo Silvanus, Girorius filius Goscelini, Ugo villicus, Aimericus de Faia, et omnes vavas-
l.29-sores ipsius castelli. Per supradictam conventionem postea crevit ȩcclesia, cui postea tradita sunt plu-
l.30-rima beneficia. Si nosmetipsi aut ullus heredum nostrorum surrexerit, qui hanc elemo-
l.31-sinam inquietare presumpserit, in primis iram dei altissimi seu sanctȩ Mariȩ virginis, necnon et omnium sanctorum
l.32 offensionem incurrat, neque ad finem angeli dei obviam ei adveniant, sed diaboli dimergant
l.33 eum in profundum inferni. Tempore comitis Fulconis, regnante Roberto rege,
l.34 Hubertus scripsit, in tempore Isemberti episcopi Pictavis, nepotis Gisleberti episcopi. CIROGRAPHUM.

MARCHEGAY (Paul), Chartes poitevines de l'abbaye de Saint-Florent près Saumur, Les Roches-Baritaud, 1873, p.16-18, n° 7.

GUILLOT (Olivier), Le comte d'Anjou et son entourage au XIe siècle, 2 vol., Paris, 1972, 1 : Etude et appendices. 2. Catalogue d'actes et index, t. 2, p. 48-49, n° 48.