Urbain II, pape, prend sous sa protection l'église de Standalmont, donnée au Saint-Siège par la comtesse Mathilde, et confirme ses biens et ses privilèges.

l.1 URBANUS, EPISCOPUS, SERVUS SERVORUM DEI, DILECTIS IN CHRISTO FILIIS LEUBRICO ET GUACELINO CETERISQUE DEI SERVIS TAM CLERICIS QUAM SECUM MANENTIBUS
l.2 LAICIS, IN LOCO QUI DICITUR STANDALMONT, IN EPISCOPATU METTENSI, EORUMQUE SUCCESSORIBUS IN EADEM RELIGIONE PERMANSURIS IN PERPETUUM.
l.3 Desiderium quod ad religiosum propositum et animarum salutem pertinere monstratur, auctore Deo sine aliqua est dilatione complendum. Vestris igitur,
l.4 filii in Christo venerabiles, precibus, et karissimȩ beati PETRI filiȩ MATHILDIS comitissȩ intercessionibus inclinati, vestre habitationis locum qui Standalmont dicitur, et
l.5 destinatam apostolorum principis nomini ecclesiam, sub jure et protectione sedis apostolicȩ specialiter confovendam suscipimus. Quem videlicet locum certis terminis circum-
l.6-scriptum prefata beati Petri filia MATHILDIS comitissa vestrȩ religioni ad agendam communem et canonicam vitam tradidit, sub censu denarii aurei annuo Latera-
l.7-nensi palatio persolvendo. Per presentis igitur privilegii paginam apostolica auctoritate statuimus, ut quȩcumque dona quascumque possessiones eadem
l.8 comitissa vestrȩ contulit ecclesiȩ, vel in futurum Domino inspirante contulit, quicquid etiam fideles quilibet in quocumque episcopatu de suo jure pro suarum animarum
l.9 salute deinceps optulerunt, quicquid preterea concessione pontificum, liberalitate principum juste canoniceque poteritis adipisci, firma vobis vestrisque
l.10 successoribus et illibata permaneant. Decernimus ergo ut nulli omnino hominum liceat eundem locum temere perturbare, aut ejus possessiones auferre,
l.11 vel ablatas retinere, minuere vel temerariis vexationibus fatigare, sed omnia integra conserventur eorum pro quorum sustentatione ac gubernatione conces-
l.12-sa sunt usibus omnimodis profutura. Obeunte congregationis vestrȩ preposito nullus ibi qualibet surreptionis astutia vel violentia preponatur, nisi quem
l.13 fratres communi consensu vel fratrum pars consilii sanioris secundum Dei timorem institutionemque canonicam providerint eligendum. Statuimus etiam ne cui
l.14 fratrum post professionem exhibitam liceat ex eodem claustro sine prepositi seu congregationis permissione discedere. Discedentem vero nullus abbatum
l.15 vel episcoporum, nullus monachorum seu canonicorum sine communium litterarum cautione suscipiat. Consecrationes ecclesiarum, ordinationes clericorum ab episcopo in cujus
l.16 diocesi estis, accipietis, siquidem catholicus fuerit, et si gratiam et communionem apostolicȩ sedis habuerit et si eas gratis impendere sine pravitate voluerit.
l.17 Alioquin a quocumque volueritis catholico episcopo eas accipere liberum sit. Ad hȩc adicimus ut episcopus locum ipsum gravare non audeat, nec aliquam consuetu-
l.18-dinem quȩ regularium fratrum quieti noceat irrogare. Porro in ecclesiis quas per diversos episcopatus sub jure loci vestri habetis, de congregationis vestrȩ fratribus
l.19 rectores constituendi liberam vobis concedimus facultatem, salvo jure catholici episcopi in cujus diocesi ecclesiȩ sitȩ sunt. Ad indicium autem perceptȩ hujus
l.20 a Romana ecclesia libertatis, supradictum censum per annos singulos aut in quarto anno bizantium Lateranensi palatio persolvetis. Si qua sane
l.21 in crastinum ecclesiastica secularisve persona hujus decreti paginam sciens contra eam temere venire temptaverit, secundo terciove commonita si non
l.22 satisfactione congrua emendaverit, potestatis honorisque sui dignitate careat reamque se divino judicio existere de perpetrata iniquitate cognoscat
l.23 atque a sacratissimo corpore et sanguine Dei ac domini redemptoris nostri Jhesu Christi aliena fiat, et in extremo examine districtȩ ultioni subjaceat.
l.24 Cunctis autem eidem loco justa servantibus sit pax domini nostri Jhesu Christi, quatinus et hic fructum bonȩ actionis percipiant et apud districtum judicem
l.25 premia ȩternȩ pacis inveniant. AMEN.
l.26 [rota]. [benevalete].
l.27 Datum Mediolani, per manum Johannis sanctȩ romanȩ ecclesiȩ diaconi cardinalis, VII kalendas junii, indictione IIIa, anno dominicȩ incarnationis MoXCVIo, pontificatus autem domni URBANIS secundi
l.28 papȩ octavo.
l.29 [sceau].

1

JAFFE-LOEWENFELD, n° 5567.

MIGNE (abbé Jacques-Paul), Patrologia Latina 151 (Urbanus II), Paris 1858, col. 419.

PARISSE (Michel), Bullaire de la Lorraine : jusqu'à 1198.- Nancy : Société d'Histoire et d'Archéologie de la Lorraine, 1969, (Annuaire de la Société d'Histoire et d'Archéologie de la Lorraine, t-à-p n° 69), p. 26, n° 76.