Metz, AD Moselle, H 2384 n° 1

<< < / > >>

Numéro343

Fiabilité de l'actedouteux

Genrecharte

Date01/10/1094(fiabilité :texte)

LieuMetz, église Saint-Vincent(lat :Mettis, in ?cclesia Sancti Vincentii)

DiocèseMetz

RégionLorraine

Supportparchemin

Chirographienon

Sceau sceau pendant perdu

Etat de la traditionpseudo-original

Hauteur à gauche510   mm

Largeur en bas490   mm

AuteurPoppon, évêque  de  METZ

BénéficiaireAbbaye  de  SAINT-VINCENT  de  METZ

Regeste

Poppon, évêque de Metz, à l'occasion de la translation des reliques de sainte Lucie, donne à l'abbaye Saint-Vincent de Metz le droit de centaine qu'elle possède à Saint-Julien et le droit de vendre du vin.

Fac-similé

Texte

l.1 IN NOMINE SANCTAE ET INDIVIDUȨ TRINITATIS ET BEATISSIMȨ VIRGINIS MARIȨ SANCTIQUE MICHAELIS ARCHANGELI ET
l.2 sancti Petri apostolorum principis, et beatissimi Pauli apostoli, et sancti Stephani prothomartyris sanctique Vincentii gloriosi martiris, et sancte Lucie preciosissime virginis et martiris omniumque
l.3 celestium ordinum, Poppo, sancte Mediomatricorum ecclesiȩ gratia Dei pontifex, universis spiritualibus sanctȩ matris ȩcclesiȩ filiis. Commendat veneranda patrum auctoritas
l.4 nos condecorare, excellentissimo studio, corpora sanctorum, quos intercessores pios apud omnipotentem Deum fore credimus, ut quanto deditiores erimus in precioso
l.5 ornatu sanctorum, tanto celerius fruamur in nostris necessitatibus ipsorum patrocinio. Ad quam venerabilem devotionem subtiliter invigilans dilectissimus noster filius
l.6 Lanzo, reverentissimus abbas cenobii Sancti Vincentii, sacratissimum corpus sancte Luciȩ, quod ibidem requiesscit, quia intra quoddam habitaculum minus digne locatum
l.7 per annos plurimos fuerat, honorabiliter transferre concepit. Insudavit itaque multis impensis ad fabricandam capsam, auro, argento, gemmis decoram, ut sanctissimum
l.8 quod conceperat desiderium compleret. Peracto igitur opere, et die ad beatissimum propositum significato, collocavimus transferentes preciosissimum corpus prefate virginis intra artifici-
l.9-osum receptaculum, presentibus nonnullis religiosis personis, quȩ de diversis finibus ad tantum gaudium ultro convenerant. Nos vero altius contemplantes lauda-
l.10-bile factum venerabilis abbatis, proposuimus aliquid insigne de nostris bonis ad hanc translationem amplificandum, adhibito suffragio nostrorum fidelium, clericorum
l.11 et laicorum. Quapropter ego POPPO, sanctȩ Metensis ecclesiȩ presul, notum designo omnibus fidelibus tam presentibus quam posteris, quia trado indissolubiliter beatissimȩ
l.12 Luciȩ, propter salutem meam et predecessorum meorum successorumque, integram centenam in burgo Sancti JULIANI et in omnibus ejus appenditiis, ut illam districtionem optineat abbas
l.13 prenominatus, omnesque sui successores libere, propriis ministerialibus adhibitis et omni alia potestate sequestrata. Quotienscumque vero per bannum venditur vinum in urbe,
l.14 sive extra urbem, tradimus licentiam abbati suisque omnibus succesoribus, habendi vinum venale per bannum in curte Sancti VINCENTII, omnibus inculpatis tam vendentibus quam
l.15 ementibus. Collaudamus preterea et obnixe sanctimus quecumque pontifices, predecessores nostri tradiderunt abbatiȩ Sancti Vincentii, tam de pertinentibus ad propriam mensam
l.16 quam de omnibus adquisitis in villis, in vineis, in terris, in nona portione, in hominibus, in ȩcclesiis, et in omnibus possessionibus, quatinus abbas et Deo inibi militantes absque
l.17 aliqua injuria, omnia in perpetuum rata possideant. Ad hȩc quicquid dignitatis et auctoritatis serenissimi papȩ, videlicet JOHANNES, BENEDICTUS, LEO, URBANUS,
l.18 per privilegia sua concesserunt abbatibus Sancti Vincentii, quicquid etiam observandum de bonis ad abbatiam respicientibus substituerunt, concedimus et inviolabiliter con-
l.19-servandum precipimus, collibrata in omnibus dignitate et auctoritate nostra, omniumque Metensis ȩcclesiȩ presulum, si catholici fuerint. Nos igitur corroborantes universa superius
l.20 notata, ut in omne tempus rata et inconvulsa existant, violatores eorum, auctoritate Dei omnipotentis Patris et Filii et in virtute Spiritus Sancti, gladio districti anathematis,
l.21 a liminibus sanctȩ ecclesiȩ sequestramus, ut nullam partem in sortem electorum habeant, nisi per emendationem resipiscant.
l.22 Actum Mettis, in ȩcclesia Sancti Vincentii, anno dominicȩ incarnationis MoXCoIIIIo, indictione III, die dominica, kalendis octobris, episcopatus autem domni Poponis anno Vto, presentibus et collaudantibus: domno Adalberone primicherio et archidiacono,
l.23 domno Gerardo archidiacono, Arnulfo thesaurario, Emicone, Accone, Folcuino, Leubrinco, Thiefrido, Sigifrido, canonicis, Walone abbate Sancti Arnulfi, Alberto abbate Sancti Martini. De laicis quoque presente et cooperante : Burchardo judice, Becelino
l.24 et Alberto fratribus, Ebroino et Alberto fratribus, cum aliis innumeris quorum nomina scripta sint in libro vite.
l.25 [sceau].

Bibliographie

Histoire de Metz, par les religieux bénédictins de la Congrégation de Saint-Vanne, 6 vol., Metz, 1775, t. 3, Pr, p. 98-100.

STUDER (Raymond), Catalogue des documents des Archives de la Moselle antérieures à 1101, in Annuaire de la Société d'histoire et d'archéologie de la Lorraine, 1923, p. 123-141, p. 140, n° 114.

Responsable

M.-J. Gasse

Comment citer cette notice

Acte n°343 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°343»[En ligne] http://www.cn-telma.fr/originaux/charte343/. Date de mise à jour : 29/03/12.