Pancarte sur Longré, contenant une douzaine d'actes juridiques.

l.1 CARTA DE LONGO RETE.
l.2 Manifestum est quoniam scriptorum incuria, multa pereunt digna [memoria, unde quot] et quanta oriantur
l.3 incommoda, illi sciunt, qui cum de preteritis actis litterarum auctoritatem r[equisiti ostendere] nequeunt que diu
l.4 possederant brevi amittunt. Quod nos periculum evitare volentes posterorumque [utilitati] providentes, huic scripto
l.5 inserere curavimus earum rerum noticiam, quas boni homines celȩstis [pa]trie accensi desiderio, Deo
l.6 et sancto Florentio dederunt, breves de singulis subnotationes ponendo. Igitur quedam nobilis femina
l.7 Senegundis nomine soror videlicet Ademari Qui Non Ridet, pro anime sue suorumque salute parentum,
l.8 dedit Deo et sancto Florentio ecclesiam Sancti Petri de Longo Rete, burgum quoque totum, quiȩtum hac liberum, necnon
l.9 ȩtiam medietatem terragii et decime de hoc scilicet quod in suo dominio habebat, retento fevo prepositi sui
l.10 et domo ejus in cimiterio, de qua tamen ipse redderet monachis duos denarios de censu singulis annis. De aqua
l.11 vero et de molendino, si fieret in ea, et de pratis, preter unum juctum quod esset totum monachorum, dedit medietatem similiter.
l.12 Hoc quoque concessit ut si quis de suo fevo prefato sancto aliquid dare vellet, libere facere posset. Et quia hanc dona[tio]-
l.13-nem fecit atque concessionem, dederunt ei monachi sexaginta solidos. Iterius vero, filius ejus, fecit hoc donum atque concessit, sicut mater fec[e]-
l.14-rat et pro hoc decem solidos habuit. Ademarus quoque Qui Non Ridet, quia idem concessit, centum solidos habuit.
l.15 Ranulfus autem Rabiola, atque Manegaudus frater ejus, de quorum camento erat, acceptistis decem solidis, donum hoc concesserunt.
l.16 Petrus quoque Frenicardus, cui Arbertus monacus pro hoc decem solidos dedit, atque Ademarus de Sancto Germano, et Petrus, atque
l.17 Giraldus filii Harmandi, qui etiam ȩquum unum et quinque solidos habuerunt. Dalmacius quoque de Monte Berulfi, et frater ejus
l.18 Gausfredus Voro de Chinec medietatem decime et terre altaris de parte sibi contingente et aucam unam Deo et sancto Floren[tio]
l.19 dedit, et pro hoc octo solidos habuit. Testes autem donationis quam fecit supradicta femina sunt hii, Alduinus, maritus ejus,
l.20 Guillelmus de Masels, Achardus Leira, David Osbertus monachus, Ademarus monachus, Guillelmus Jaius monachus. Testes vero doni
l.21 Iterii filii ejus, sunt hi, Davit Osbertus, Ademarus Crassus, Fulcaldus monachus, Willelmus de Masels, et Ulricus, Alaelmus de Dohec,
l.22 Rainaldus Gartsenlon. Postea vero surrexit quidam miles Girbertus, Tetfredi filius, atque frater ejus, qui habebant malam tultam, id est
l.23 malas consuetudines, in villa et in ȩcclesia de Longo Rete, quam tandem Deo et sancto Florentio remiserunt, ita tamen ut duos
l.24 sestarios de frumento vel de fabis ibi retinerent, et insuper decem solidos habuerunt a monachis. David quoque Extraneus
l.25 et Saliques qui medietatem illius male tulte ab illo in fevo tenebant remiserunt similiter, set David quinque solidos habuit
l.26 et Saliques retinuit sibi unum sestarium de frumento vel de fabis unoquoque anno. Et hoc quoque dominus illorum concessit.
l.27 CARTA DE TRILEMNIIS. Item Aimericus Passa Limen id est Soil dedit sancto Florentio duas partes de hoc quod habebat in terra
l.28 de Tribus Lempniis, acceptis decem solidis, concedentibus Petro Frenicardo atque Willelmo Bucarel de quorum casamento erat.
l.29 Prepositi quoque sui de suo fevo duas partes similiter sancto Florentio dederunt, sed Girardus retinuit sibi augustagias. Quod quia Petrus Freni-
l.30-cardus concessit, unum ȩquum habuit, et pro hac et pro aliis causis, atque Guillelmus [Buca]rellus quinque solidos. Hujus autem rei
l.31 testes sunt idonei, David Osbertus, Ademarus Crassus monachi, laici vero, Benedictus Cot[honus, Algerius d]e Paizaco, Aimericus presbiter.
l.32 UNDE SUPRA. Item Ademarus Qui Non Ridet dedit Deo et sancto Florentio de ho[c quod habebat in] villa de Tribus Lempniis medietatem
l.33 et mansiones totas quiȩtas videntibus monachis David Osberto, Ademaro Crasso at[que Fulcaldo Ber]taldo, laicis vero Alaelmo
l.34 de Doec, Rainaldo Garsenlon, Guillelmo Masello. Pro qua re dederunt ei [monachi vigen]ti quinque solidos. Hoc quoque convenit
l.35 dominis de Trilempniis et prepositis et monachis, ut inter duas terras facer[ent unam domum] in qua colligerent terragium.
l.36 UNDE SUPRA. Item Archembaldus de Gregolia dedit Deo et sancto Florentio me[di]etatem decime quam habebat in prefata
l.37 terra, videntibus Ademaro Crasso monacho, Algerio de Paizaco, Bartholomeo, [Bene]dicto Cothone. CARTA DE Fagia.
l.38 Item Willelmus Bocarellus, et Constantinus frater ejus, atque Arbertus Nanmandellus et Cand[ida uxor e]jus, dederunt Deo et sancto Florentio mansum
l.39 unum inter Fagiam et Pulcram Vallem situm, concedentibus Alduino de Rofiaco, at[que Adema]ro de Roca, de quorum casamento
l.40 erat. Quod donum facere viderunt Arbertus monacus, atque Girardus Otran. Item de L[ONGO RE]TE.
l.41 Item Girardus Otran dedit Deo et sancto Florentio medietatem de silvis, de terris, de rib[eriis, d]e molnariis, que habebat aput
l.42 Longum Rete, preter duas aucas, et Col, et Balai, concedentibus Guillelme Buc[a]rello atque Aimerico Passa Limen. Et hoc
l.43 donum viderunt facere Constantinus Jaius, Rainaldus presbiter, Bartolomeus, Fulcaldus monacus, qui vigint[i] quinque solidos dedit
l.44 ipsi Girardo. DE PULCRA VALLE. Item Gausfredus de Molendinis dedit Deo et sancto Florentio medietatem de alodio suo
l.45 quod est apud Pulcram Vallem et mansiones quietas si fierent ibi, retento prepositali fevo, et si moreretur sine liberis esset totum Sancti Florentii.
l.46 DE LONGO RETE. Item ipse Gausfredus et Petrus Fulcherius, atque Rainaldus de Longo Rete dederunt Deo et sancto Florentio medietatem ex hoc
l.47 quod unusquisque habebat apud Longum Rete, et maisnamentos quittos. Pro qua donatione, quam fecit Gaufredus vidente David Osberto,
l.48 atque Fulcaldo Bertaldo, necnon Rainaldo Escolario, et Rainaldo de Longo Rete, habuit quindecim solidos, Petrus vero sex,
l.49 qui fecit suum donum presente prefato Fulcaldo, et Rainaldo de Longo Rete, atque Cadelone. Rainaldus quoque fecit suum donum vidente
l.50 eodem Fulcaldo, atque Arnaldo de Loberiaco, necnon Johanne Bastardo. Et hii tres retinuerunt sibi unum pratum et unum molnar
l.51 atque fevum prepositi sui, et domum ejus de qua tamen prepositus retderet monachis duos denarios de censu singulis annis. Et hoc quoque
l.52 concessit Guillelmus Raimundus, de quo Gausfredus tenebat suam partem in fevo, et Hugo de Gurgitibus, de quo Petrus suam,
l.53 et Alcherius de Longo Reti, atque Petrus Fulcherius, de quibus Rainaldus suam. Qui Rainaldus dedit etiam prefato sancto illum mansum terre qui movet
l.54 de Constantino Bucarello concedente illo set terram de Pulcra Valle non dedit. DE FRAISNEL. Item Gauterius de Bu in vicarium
l.55 et Stephanus de Empuret, et uxor ejus Maximilla dederunt Deo et sancto Florentio medietatem terre de Frainel, de silvis, de pratis,
l.56 et de omnibus rebus, et mansiones totas quittas. Set tamen fevum prepositi retinuerunt. Et Galterius fecit suum donum apud Galtellum
l.57 Metulum sive Meda presentibus supradicto David, atque Fulcaldo monacho necnon etiam Aimerico Passa Soil, Stephanus
l.58 vero apud castellum Rufiense id est de Ruifec vidente eodem David atque Aimerico. Pro qua re dederunt monachi ei Galterio
l.59 triginta solidos. DE POI POTET. Item Alduinus de Capite Vultone et Guillelmus Garnaldus, atque Petrus frater ejus necnon Aimericus
l.60 Tam Magnus et Aimericus Arnaldus et Augerius de Paizaco, atque mater Aimonis Frogerii, hi omnes dederunt Deo et sancto Florentio medietatem
l.61 terre de Poi Potet, de terra arabili, de silvis, de pratis, de aquis, et maisnamentos quittos, et convenit prefatus
l.62 Alduinus, qui fecit suum donum vidente Fulcaldo monacho et Ulgerio preposito, ut de parentibus suis suam partem aquittaret. Et fecit suum donum
l.63 presente eodem Fulcaldo, atque eodem preposito, et habuit quinque solidos, et frater ejus totidem, qui fecit suum donum vidente Girberto de Lubiliaco
l.64 et Arberto de Var. Aimericus autem Tam Magnus fecit suum donum coram David Osberto, et Petro Frenicardo, Rainaldo Garsenlum, atque
l.65 Bartolomeo. Aimericus vero Arnaldus fecit suum donum vidente supradicto Fulcaldo, et Algerio de Paizaco, et ob hoc habu[it]
l.66 duodecim denarios. Prefata quoque domina fecit suum donum presente ipso Fulcaldo, qui et omnibus istis donis affuit, atque Ulger[io]
l.67 preposito, et habuit inde tres solidos. Aimo vero filius ipsius domine habuit duodecim denarios et concessit ipse et fratres ejus donum hoc.
l.68 DE DRAGLEN. Item Willelmus Buca Uncta, atque Ademarus nepos ejus [et Ai]mericus Tam Magnus dederunt Deo et sancto Florentio
l.69 medietatem de hoc quod unusquisque habebat in villa que dicitur Draglen. Ve[rum Guillel]mus atque nepos ejus fecerunt suum donum
l.70 vidente, Aimericus vero Tam Magnus vidente David Osberto, Fulcaldo monacho, Petro Frenicardo, Bartolomeo, atque
l.71 Reinaldo Garsenlon, et habuit inde sex solidos. DE AUCHA. Item Ermenjardis Extranea dedit Deo et sancto Florentio
l.72 tres partes illius auche quam emendavit ei Ademarus Qui Non Ridet, pro morte patris sui quem occiderat. Et testes
l.73 sunt donationis hii, David Extraneus frater ejus, Fulcaldus monachus. Ademarus prespiter, et filii sui Constantinus
l.74 atque Petrus, concesserunt hoc donum. DE VILLA MAURINI. Item Constantinus de Fagia dedit Deo et sancto
l.75 Florentio quandam terram apud Villam Maurini, vidente Fulcaldo monacho, Aimerico Passa Soil,
l.76 et dedit escamium parentibus suis pro ipsa, scilicet David Extraneo, et filio ejus Airaldo,
l.77 qui in perpetuum debent eam aquittare sancto.