Donation par Gui de la Rochefoucaud et sa famille d'une partie de leur alleu héréditaire situé dans le pagus de Brioux, plus la moitié des revenus qu'ils possèdent dans l'église de Saintt-Georges de Coutures.

l.1 QUIBUS COR CONDITUM INEST NORUNT
l.2 QUIQUE FIDELES QUIA HOMO AD DEI IMAGINEM FACTUS, A DIABOLO PER ANGUIS
l.3 volumina postea decipitur. Deceptus, juste a justo Deo in coenosi hujus seculi exilium mox truditur. Trusus, in erumnis, calamitatibus, et adversis immorans perturbatur.
l.4 Malis a quibus, omne genus mortalium, pro dolor, inficitur. Infectum, exceptis octo per lignum salvis per aquam perimitur. Peremto malo, ab ipsis octo istud conficitur. Confectum
l.5 male adhuc degens, misso patris filio, carnem ex virgine sumpto non in carne resoluto, per crucem redemptum per aquam abluitur. Redempto et abluto, ultimum judicium futurum
l.6 promittitur. Quod, ab omnibus Deum diligentibus valde vehementerque pertimetur. Nam sicut quos extra archae lignum aqua reperivit peremit, ita quos extra crucis Christi domini nostri
l.7 mysterium viventes aqua baptismatis tangit, perimit. Quod credendum est. Nisi enim sancto baptismo consona fuerit vita christiana, salvus esse credendus non est aliquis.
l.8 Ideo talium conscii sapientium monitu, discussionemque quae futura est nimis timentes, quae sempiterna lȩtitia, quae gehenna fuerit praevidentes, mortem quoque nulli parcentem
l.9 per oculos suspicientes, bona presentia transitoria aspicientes, salutes corporum varias prospicientes, fluctus seculi modo tranquillos, modo perversos colligentes, multa deinceps inenarra-
l.10-bilia pravorum prava consiliorum genera passi et patientes, mundi terminum appropinquantem ruinis crebriscentibus jam certis signis manifestantibus, WIDO ego et
l.11 ADHEMARUS ego et conjux mea MAGUNTIA, et WIDO et ARNALDUS, fratres, filii, nepotes, gravitudinem peccatorum
l.12 nostrorum considerantes, et bonitatis Dei dicentis Date elemosinam et omnia munda fiunt vobis reminiscentes, de misericordia et pietate Domini confisi, in Dei nomine PATRIS, ET FILII, ET SPIRITUS SANCTI, per
l.13 hanc epistolam donationis donatumque in perpetuo esse volumus ad basilicam Sanctissimi ac preciosissimi FLORENTII confessoris, ubi ipse precioso corpore requiescit, et omni
l.14 congregationi monachorum ibidem consistenti vel consistendae, et venerabilis vir Sigo abbas praeesse videtur, partem hȩreditatis nostrae nostri alodi in pago Briesensi siti,
l.15 septem videlicet massos terrae arabilis vel arandae adhuc in bosco existentis, tales massos, quales homines illi terrae adjacentes faciunt, et hos quietos, absque calumnia ullius rei.
l.16 Et damus et conferimus IN NOMINE PATRIS, ET FILII, ET SPIRITUS SANCTI, medietatem omnium rerum exterarum redditionum oblationumque internarum quascumque habemus sive homines habent
l.17 ex nobis in ecclesia Sancti GEORGII de Culturis. Omnia haec, jure proprietario Sancto FLORENTIO et omni ut supradictum est congregationi pro animarum salute nostrarum
l.18 parentum quoque nostrorum, filiorum, nepotum, tradimus atque transfundimus. Ea vero ratione ut quamdiu advixerimus sub usu beneficii absque ullo praejudicio vel diminu-
l.19-tione aliqua praedictas res teneant et usurpare quis non audeat. Et post nostrum discessum quicquid ad jamdictam ecclesiam aut in massis supradictis additum, attractum,
l.20 emelioratum, repertumque fuerit, et transitus noster ibidem reliquerit, cum omni supraposito rectores ipsius ecclesiae agentesque illius absque ullius expectata traditione vel judicium
l.21 consignatione procurent, et quicquid exinde pro oportunitate monasterii cum consilio capituli facere decreverint, liberam et firmissimam in omnibus habeant potestatem,
l.22 non solum de his supradictis quae dedimus, verum etiam de illis quae adhuc dabimus, vel morientes relinquemus.
l.23 Et si fuerit ulla cujuslibet persona qui alterum strumentum preter istud exinde presentaverit aut anterius aut posterius quod nos nec fecimus nec facere rogavimus, nullum sortiatur
l.24 effectum, sed vacuum et inane permaneat, auctor vero criminis vel falsarius, judiciaria potestate condemnetur. Et si ego ipse aut nos ipsi, aut ullus de hȩredibus meis vel nostris vel cujus-
l.25-libet persona contra hanc donationem aliquid refragare vel calumniam generare presumpserit, illud quod repetit non vindicet, et insuper contra cui litem intulerit,
l.26 Xcem milia talentorum auri cocti componat, et haec donatio cum stipulatione subnixa illibata permaneat. Hanc autem kartam ut pleniorem
l.27 obtineat vigorem manibus propriis subterfimavimus, et bonorum virorum roborandam decrevimus. [croix]
l.28 SIGNUM DONNI ADHEMARI, SIGNUM DONNI WIDONIS, qui hoc donum Deo largiuntur. S. DONNȨ MAGONTIAE uxoris donni ADHEMARI [croix].
l.29 SIGNUM DONNI Widonis, SIGNUM DONNI ARNALDI sui fratris, ipsius primi Widonis filiorum, DONNI ADHEMARI nepotum.
l.30 SIGNUM DONNI GAUZFRIDI grammatici, quem prȩnominant de Riperia. SIGNUM ADHEMARI Crassi ejus fratris. S. DONNI GERALDI de Toraico.
l.31 S. Aymerici de Mota. S. Willelmi de Vitraico. S. Aymerici de Riperia. S. Adhemari Gerardi [croix] [croix].
l.32 S. donni Sigonis abbatis. S. donni Eventii prioris. S. Frederici monachi. S. Gauzfridi monachi. S. Rodulfi monachi. S. Bernardi monachi. S. Harduini monachi. S. Mainardi monachi. S. Warnerii monachi.
l.33 S. Paulini monachi. S. cunctorum qui in capitulo aderant fratrum, in die Ramis Palmarum quo factum est donum. S. famulorum Archembaldi, Herberti, et aliorum multorum qui ibi aderant
l.34 quando super altare missum est, prȩfationem missae matutinalis sacerdote dicente.
l.35 ANNO ab INCARNATIONE DOMINI MILLESIMO QUINQUAGESIMO NONO, INDICTIONE DUODECIMA, EPACTIS IIIIOR, CONCURRENTIBUS IIIIor, CIRCULO LUNAE DUODECIMO, kalendis aprilis luna
l.36 QUARTA DECIMA, PRIDIE NONAS APRILIS, DIE DOMINICO, LUNA IPSIUS DIEI SEPTIMA DECIMA, HAINRICO REGE REGNANTE, istud donum actum est IN CAPITULO
l.37 SANCTISSIMI CONFESSORIS FLORENTII JUXTA SALMURUM CASTRUM IN ANDEGAVO PAGO SITUM, POSTEA CUNCTIS QUI ADERANT VIDENTIBUS SUPER ALTARE MISSUM. [croix]
l.38 SIGNUM ALBERTI SCRIPTORIS QUI HANC KARTAM SCRIPSIT.