Léger, archevêque de Bourges, donne à Saint-Florent l'église de Saint-Gondon, et ratifie cette donation par la remise d'un gant entre les mains de Gilbert, prieur de saint-Florent.

l.1 Solet sepenumero rerum antiquitus gestarum memoriam obfuscare multum custodiende justiciȩ infesta oblivio. Cum enim justicia decernat, ut unicuique quod
l.2 suum est conservetur, per veritatis oblivionem multociens contingit, ut quod alterius vere jus esse proprium constat, ab altero quasi jus suum
l.3 usurpetur. Hujusmodi igitur justiciȩ impedimentum devitare studentes, quȩ memoriter retinere volumus scripturȩ munimento confir-
l.4-mamus. Ego itaque Leodegarius Dei gratia metropolitanus urbis Bituricȩ, beneficiorum particeps esse sanctarum congregationum desiderans,
l.5 donavi sancto Florentio et ejus monachis ȩcclesiam Sancti Stephani quȩ vocatur de Colom juxta Sanctum Gundulfum, cum assensu Mathei archidia-
l.6-coni, et Jerberti archipresbiteri, aliorumque clericorum meorum, qui aderant, atque in perpetuum quiete possidendam concessi. Et ut firmum ratumque
l.7 permaneat, hoc donum in manu Gisleberti prioris Sancti Florentii cum quadam cirotheca sollempniter posui, et sigillo meo hanc cartam m[u]-
l.8-[nir]i precepi, et manu propria subscripsi. Hujus rei testes sunt qui interfuerunt, Girardus Engolismensis episcopus, Galo Leonensis episcopus, et Sancti Florentii mo-
l.9-nachus, Ma. archidiaconus, Jerbertus archipresbiter, Robertus presbiter, Gislebertus prior Sancti Gundulfi, Robertus monachus. Facta est autem ista
l.10 donatio Bituricas in refectorio Sancti Stephani, anno millesimo centesimo octavo ab incarnatione Domini, indictione prima,
l.11 regnante Francorum rege Philipo.
l.12 Signum [croix] Leodegarii archiepiscopi. Signum [croix] Galonis episcopi. Ego Gerardus Engolismensis episcopus huic donationi interfui, et subscripsi [subscripsi].

MARCHEGAY (Paul), Cartulaire du prieuré bénédictin de Saint-Gondon-sur-Loire, 866-1172, tiré des archives de l’abbaye de Saint-Florent près Saumur, Les Roches-Baritaud, 1879, p. 50-51, n° 28.

GANDILHON (Alfred), Catalogue des actes des archevêques de Bourges antérieurs à l'an 1200, Paris, 1927, p...