Angers, AD Maine-et-Loire, H 2072 n° 8

<< < / > >>

Numéro3348

Fiabilité de l'actenon suspecté

Genrecharte

Date1100(fiabilité :étude diplomatique)

Lieunon identifié

DiocèseAngers

RégionPays-de-la-Loire

Supportparchemin

Chirographienon

Sceau non scellé

Etat de la traditionoriginal

Hauteur à gauche344   mm

Hauteur à droite332   mm

Largeur en haut454   mm

Largeur en bas460   mm

AuteurGeoffroi II, évêque d'ANGERS, et Normand de Montrevault

BénéficiaireAbbaye  de  SAINT-FLORENT  de  SAUMUR

Regeste

Geoffroi II, évêque d'Angers, à la prière de Normand de Montrevault, donne à Saint-Florent l'église de Notre-Dame, sise dans le château. Normand confirme et abandonne à son tour certains droits avec autorisation d'élever une deuxième église en dehors du château.

Texte

l.1 IN nomine sanctȩ et individuȩ Trinitatis ego Goffredus Dei gratia Andecavorum episcopus, tum legis divinȩ auctoritate ut ecclesiarum diocesis meȩ sollicitu-
l.2-dinem provide geram atque viriliter animatus, tum nobilissimi viri Normanni videlicet de Monte Rebelli supplicatione rogatus
l.3 dono ȩcclesiam sanctȩ dei genitricis Mariȩ in predicto castello sitam cum assensu cleri nostri sancto Florentio et monachis ejus, quatinus ibi deus
l.4 pia devotione veneretur, et reliquiȩ quarum ibi multitudo copiosa est digna veneratione amodo celebrentur. Actum in capitulo
l.5 Sancti Mauricii, presentibus istis, Willelmo archidiacono, Garnerio archidiacono, Odone thesaurario, Huberto cantore,
l.6 Gosberto de Sancto Launo, Herberto Bonet, Guillelmo de Chimiliaco, Alberico capellano, Willelmo Bigoto, et quam
l.7 pluribus aliis, qui omnes hanc donationem seu concessionem gratanti animo confirmaverunt, et auctorizaverunt.
l.8 Nunc quoque Normannus ipse dicat, quid de parte sua eidem sancto Florentio et monachis conferat. Ego Nor-
l.9-mannus Montis Rebellis Deo propicio princeps et dominus, hinc malorum quȩ feci reminiscens, ac per hoc tormenta
l.10 gehenne pertimescens, illinc bonis perennibus inhians, ac per hoc aliquid boni dum licet operari desiderans, concedo supra-
l.11-scriptam domni episcopi donationem. Audiens etiam quia qui parce seminat parce et metet, et qui seminat in benedictionibus
l.12 de benedictionibus et metet, et quia oportet nos astare ante tribunal Christi ut recipiat unusquisque secundum merita sua,
l.13 addo insuper plura de meo patrimonio, terras scilicet et consuetudines omnes de hominibus monachorum qui in meo castro
l.14 steterint, et vendas, pasnagium quoque de propriis porcis eorum in silvis meis, et de ipsis silvis quantum opus habebunt monachi
l.15 videlicet et homines eorum ad calefaciendum et ad omnia opera sua. H[oc] solummodo intererit, quod monachi de predictis
l.16 silvis meis accipient ligna viridia pariter et sicca ad omnes omnino necessitates suas, homines vero eorum ad alias quidem
l.17 necessitates viridia, ad calefaciendum vero solummodo sicca, datione et venditione ab utrisque excepta. Do etiam ante castellum
l.18 meum terram ad burgum faciendum, et ad construendam ecclesiam si idem monachi voluerint, ita ut utrasque ecclesias et castri
l.19 videlicet et burgi possideant, et ut homines non vadant neque in hostem, neque in expeditionem, nec exeant ad clamorem
l.20 nisi solummodo si bellum mihi ante castrum meum incubuerit. Vendam quoque hominum eorum, etiam die mercati concedo. Preterea
l.21 si quid potuerint monachi in meo honore, dono vel precio adquirere, illud quoque concedo libentissime. Promitto etiam quod pacem
l.22 omni tempore monachis tenebo, hominesque eorum contra eos amplius non suscipiam neque defendam, sed nec a meis hominibus
l.23 quicquid mali sibi fieri ulterius permittam. In quibus hominibus nichil consuetudinis, nichil exactionis in posterum mihi reservo, sicut
l.24 nec volo ut in me deus aliquid retineat, unde anima mea penas luat. Hujus rei testes sunt, ipse Normannus,
l.25 Paganus frater ejus, Gofredus, Vivianus, Goffredus de Vendosma, Rotbertus de Buzilliaco, Normannus de Sallio, Gavius, Tosollus, Herveus
l.26 de Andecavo, Gofredus filius Gastaudi, Matheus, Valentio, Rainaldus de Galeis, Gauterius Gassadenarium, Bodinus Mennerius,
l.27 Gaufridus de Vernone, Rotgerius filius Ramnulfi, Papinus, Giraldus Estopinus, Arnaldus filius Guitburgis, Girardus faber, Frogerius
l.28 forestarius, Rogerius filius Abelini, Maingodus, Rainaldus Gassadenarium, Rodulfus filius Hugonis, et quamplures alii.

Responsable

M. Courtois

Comment citer cette notice

Acte n°3348 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°3348»[En ligne] http://www.cn-telma.fr/originaux/charte3348/. Date de mise à jour : 29/03/12.